ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
Somi ជាតារាស្រីខេប៉ុបទោលមានទេពកោសល្យម្នាក់ និយាយពីរូបសម្រស់ នាងក៏ជាតារាស្រីដែលមានភាពលេចធ្លោខ្លាំង។ ទម្រាំមានកេរ្ដិ៍ឈ្មោះដូចសព្វថ្ងៃ Somi បានខិតខំប្រឹងប្រែងយ៉ាងខ្លាំង ព្រមទាំងទទួលបរាជ័យមិនតិចដងផងដែរ។
បច្ចុប្បន្ន Somi បានបង្ហាញខ្លួនជាគ្រូបង្វឹក ក្នុងកម្មវិធី I-Land 2។ កម្មវិធីនេះ ជាកម្មវិធីប្រកួតប្រជែង ចម្រាញ់យកបេក្ខភាពដែលមានសមត្ថភាពដើម្បី បង្ហាញខ្លួនចេញច្រៀងជាក្រុមមួយ។ អំឡុងពេលបង្ហាញខ្លួនជាគ្រូបង្វឹក Somi ក៏ទម្លាយពីអារម្មណ៍ពិតរបស់ខ្លួន ប្រាប់ទៅអ្នកហ្វឹកហាត់ កុំឲ្យមានសម្ពាធខ្លាំង។
Somi បានលើកឡើងថា នាងពិតជាយល់អារម្មណ៍អ្នកកំពុងប្រកួតច្បាស់ ដោយសារតែនាងធ្លាប់ឆ្លងកាត់រឿងទាំងអស់នេះដូចគ្នា។ នាងមកទីនេះ មិនមែនមករិះគន់ឡើយ តែមកក្នុងនាមជាបងស្រី ប្រាប់ពីបទពិសោធរបស់ខ្លួន។
ក្នុងឱកាសនោះ Somi ក៏បានរំឭកដល់ក្រុមចម្រៀងនារី Twice ផងដែរ។ នាងខកខាន និងមិនអាចបង្ហាញខ្លួនជាមួយក្រុមចម្រៀងនារី Twice ដោយសារតែនាងធ្លាក់ក្នុងការប្រកួត។ នាងពិតជាស្រឡាញ់ និងមានភាពជិតស្និទ្ធជាមួយក្រុមចម្រៀង Twice តែនាងមិនអាចហាមឃាត់អារម្មណ៍ខ្លួនឯង មិនឲ្យច្រណែនបានឡើយ។ អារម្មណ៍ពិត នាងពិតជាច្រណែនជាមួយសមាជិក Twice។
តារាស្រីកូនកាត់កូរ៉េ-កាដាណា រូបនេះបន្ថែមទៀតថា «យើងត្រូវខិតខំប្រឹងប្រែងបន្ដ និងបង្ហាញឲ្យគ្រប់គ្នាបានដឹងពីសមត្ថភាពរបស់យើង។ ជាពិសេស ធ្វើឲ្យគេដឹងថាអ្នកសមជាមនុស្សដែលគេត្រូវជ្រើសរើស»។
គួរបញ្ជាក់ថា Somi បានបង្ហាញខ្លួនក្នុងកម្មវិធី ប្រកួត Sixteen ក្នុងឆ្នាំ ២០១៥ ប៉ុន្ដែនាងមិនបានត្រូវជ្រើសរើសឲ្យជាប់ក្លាយជាសមាជិក Twice ឡើយ។ ក្រោយមកក្នុងឆ្នាំ ២០១៦ រូបនាងបានបង្ហាញខ្លួនក្នុងកម្មវិធីប្រកួត Produce 101 និងបានជាប់ចំណាត់ថ្នាក់លេខ ១ ក្លាយជាសមាជិកក្រុមចម្រៀងនារី IOI។ ក្រោយពីក្រុមចម្រៀងនេះប្រកាសរំសាយក្រុម Somi ក៏សម្រេចបន្ដដំណើរក្លាយជាតារាចម្រៀងទោលក្នុងផលិតកម្ម The Black Label៕
Account
Security
Favourite Content