ជឿជាក់ថា ប្រិយមិត្តនិយមគាំទ្រវិស័យបវរកញ្ញានៅកម្ពុជាពិតជាស្គាល់ និងដឹងពីសមត្ថភាពរបស់ កញ្ញា សារី សុវត្តី ប៉ុន្តែគួរឱ្យសោកស្តាយ បវរកញ្ញារូបស្រស់នេះមិនមានឱកាសចេញទៅប្រកួតលើឆាកអន្តរជាតិ តាមការគ្រោងទុករបស់នោះឡើយ ដោយចុះក្រោយបង្អស់នាងបានសម្រេចចិត្តបោះបង់ក្តីសុបិន្តដ៏ធំនេះ បន្ទាប់ពីចំណាយពេលរង់ចាំអស់រយៈពេលប្រមាណ ៣ឆ្នាំរួចមក។
មិនយូរប៉ុន្មានក្រោយខកឱកាសចេញទៅប្រកួតលើឆាកអន្តរជាតិ កញ្ញា សារី សុវត្តី ដែលហ្វេនៗសរសើរថា ស្អាត ឆ្លាត មានទាំងចំណេះដឹង និងភាពជឿជាក់ បានសម្រេចចិត្តត្រឡប់មកប្រកួតកម្មវិធីបវរកញ្ញាម្តងទៀត ដោយបានដាក់ពាក្យប្រកួតកម្មវិធី Miss International Cambodia 2024 ដើម្បីដណ្តើមយកមកុដបន្តពី សំណាង អេលីណា Miss International Cambodia 2023។



ផ្តល់បទសម្ភាសន៍ក្នុងពិធីសម្ពោធកម្មវិធី Miss & Mister International Cambodia 2024 វត្តី បានឱ្យដឹងថា នាងស្ទើរពុំជឿថា ខ្លួនឯងត្រឡប់ប្រកួតវិញលឿនបែបនេះឡើយ តែការវិលត្រឡប់លើកនេះ គឺនាងមានគោលដៅច្បាស់លាស់ក្នុងការប្រកួតដណ្តើមយកមកុដ ឆ្ពោះទៅតំណាងប្រទេសកម្ពុជាលើឆាកអន្តរជាតិ។ បវរកញ្ញាលេចធ្លោនេះបញ្ជាក់ថា នាងត្រឡប់មកម្តងនេះជាមួយការតាំងចិត្តខ្ពស់ក្នុងការឈ្នះ និងតំណាងប្រទេសកម្ពុជា ដើម្បីឈានទៅដល់វគ្គ Top ព្រោះឆ្នាំមុន សំណាង អេលីណា បានចូលដល់ដូច្នេះនាងនឹងមិនធ្វើឱ្យហ្វេនៗខកបំណងឡើយ។

វត្តី ថា នាងបានត្រៀមខ្លួនរួចរាល់ហើយសម្រាប់ការប្រកួតនេះ ដោយពង្រឹងខ្លាំងលើចំណេះដឹងទូទៅឱ្យបានទូលំទូលាយ ហ្វឹកហាត់លើការដើរ ការញញឹម អត្តចរិត ក៏ដូចជាបានត្រៀមលើទេពកោសល្យផងដែរ។ អ្វីដែលពិសេស គឺនាងបានត្រៀមការរាំរបាំ និងក្បាច់គុនល្បុក្កតោ ទៀតផង។
នាងពិតជាពេញចិត្តគុណតម្លៃ និងបេសកកម្មរបស់ Miss International Cambodia 2024 ខ្លាំងណាស់ ព្រោះវាដូចទស្សនៈវិស័យផ្ទាល់ខ្លួនរបស់នាង ដែលផ្តោតសំខាន់លើចំណេះដឹង ការប្រម៉ូតផ្សព្វផ្សាយពីវិស័យទេសចរណ៍ និងកន្លែងដើរលេងស្អាតៗនៅកម្ពុជា ជាពិសេសគឺការបញ្ចេញមតិជាសាធារណៈ។ វត្តី សង្ឃឹមថា ហ្វេនៗនឹងនៅតែបន្តគាំទ្រនាងសម្រាប់ការវិលត្រឡប់មកវិញលើកនេះក្នុង title ជា Miss International Cambodia 2024៕




























Account
Security
Favourite Content