ពិតជារឿងភ្ញាក់ផ្អើលសម្រាប់វិស័យប្រកួតប្រជែងសម្រស់នៅកម្ពុជា បន្ទាប់ពីទំព័រហ្វេសប៊ុកផ្លូវការ Miss Universe Cambodia បានប្រកាសឱ្យដឹងថា សៃ ហ្វុន ជាបេក្ខនារីជាប់តាមរយៈរូបថតលើកដំបូងរបស់កម្មវិធី Miss Universe Cambodia 2023 ត្រៀមឆ្លងទៅវគ្គសម្ភាសន៍ផ្ទាល់នាពេលឆាប់ៗនេះ។

តាមដែលបានដឹង សៃហ្វុន ជាបវរកញ្ញាភេទទី៣កម្ពុជាដំបូងគេបង្អស់ ដែលបានដាក់ពាក្យចូលររួមប្រកួតប្រជែង MUC 2023 ក្រោយស្ថាប័ន MU បើកឱ្យស្រ្តីគ្រប់ទម្រង់រួមមាន ស្រី្តនៅលីវ ស្រ្តីម៉េម៉ាយ និងស្រី្តមានស្វាមី-កូន មានសិទ្ធិអាចដាក់ពាក្យចូលរួមប្រកួតបាន ប៉ុន្តែតម្រូវឱ្យមានលិខិតឆ្លងដែន និងអត្តសញ្ញាណប័ណ្ណជាភេទស្រី។
អ្នកស្នេហាវិស័យប្រកួតប្រជែងសម្រស់នៅកម្ពុជាមានការភ្ញាក់ផ្អើលជាខ្លាំងចំពោះដំណឹងនេះ ថែមទាំងចេញមុខគាំទ្រ សៃហ្វុន ពេញទំហឹងទៀតផង។ ភាពតស៊ូអង់អាច និងការហ៊ានជំនះរបស់បវរកញ្ញាភេទទី៣កម្ពុជារូបនេះ ត្រូវក្រុម LGBTQ+ នៅកម្ពុជាសាទរជាខ្លាំង និងចាត់ទុកការបោះជំហានចូលប្រកួត MUC 2023 របស់ សៃហ្វុន ជារឿងដ៏ល្អប្រសើរ ឆ្ពោះទៅលុបបំបាត់ការរើសអើងភេទនៅកម្ពុជា ខណៈបច្ចុប្បន្នបវរកញ្ញាភេទទី៣ មានការរីកដុះដាលច្រើនឡើងៗពីមួយឆ្នាំទៅមួយឆ្នាំ។

ក្រឡេកមក សៃហ្វុន ឯណោះវិញក៏បានបង្ហោះឡើងថា «Sai Fhon Road To Miss Universe Cambodia ថ្ងៃនេះខ្ញុំពិតជាមានសេចក្ដីរំភើបក្រៃលែងដែលទទួលបានសេចក្តីស្រឡាញ់ពីបងប្អូនទាំងអស់គ្នាខ្ញុំពិតជាចង់អរគុណខ្លាំងមែនទែនចំពោះបងប្អូនដែលតែងតែគាំទ្រនាងខ្ញុំតាំងពីដើមរហូតមកដល់ពេលនេះខ្ញុំសង្ឃឹមថាបងប្អូននៅតែបន្តគាំទ្រដល់រូបនាងខ្ញុំនឹងដើរនៅលើផ្លូវនេះជាមួយនឹងនាងខ្ញុំទាំងអស់គ្នា all of you make me cry»។
នៅមិនទាន់ដឹងថា អាចនឹងមានបវរកញ្ញាភេទទី៣កម្ពុជាផ្សេងទៀតនឹងដាក់ពាក្យចូលរួមកម្មវីធី MUC 2023 ស្របពេលកម្មវីធីនៅកំពុងទទួលពាក្យបេក្ខភាពចូលប្រកួតនៅឡើយ៕

























Account
Security
Favourite Content