ក្រុមខេប៉ុបបុរស RIIZE នឹងចូលរួមក្នុងព្រឹត្តិការណ៍ប្រគំតន្ត្រី Lollapalooza South America ដែលគ្រោងនឹងធ្វើឡើងនៅក្នុងខែមីនា ឆ្នាំ ២០២៦ ទន្ទឹមគ្នានឹងវត្តមានរបស់តារាចម្រៀងអន្តរជាតិផ្សេងទៀត។

នៅថ្ងៃទី២៩ ខែសីហា នេះ ព្រឹត្តិការណ៍ប្រគំតន្ត្រី Lollapalooza បានបើកបង្ហាញបញ្ជីឈ្មោះរបស់សិល្បករដែលត្រៀមនឹងឡើងសម្ដែងនៅលើទឹកដីប្រទេសអាហ្សង់ទីន ឈីលី និងប្រេស៊ីល ដោយក្នុងនោះក៏មានឈ្មោះរបស់ក្រុមខេប៉ុប RIZZE ក្រុម KATSEYE ជាមួយគ្នានឹងតារាចម្រៀងអាមេរិកាំងល្បីឈ្មោះ ដូចជា Doechii, Sabrina Carpenter និង Chappell Roan ជាដើម។
ព្រឹត្តិការណ៍ប្រគំតន្ត្រីលើទឹកដីអាមេរិកខាងត្បូងនេះ នឹងធ្វើឡើងនៅថ្ងៃទី១៣ ដល់ថ្ងែទី ១៥ ខែមីនា ឆ្នាំ ២០២៦ ក្នុងទីក្រុង Buenos Aires ប្រទេសអាហ្សង់ទីន និងទីក្រុង Santiago ប្រទេសឈីលី មុននឹងបន្តទៅកាន់ទីក្រុង São Paulo ប្រទេសប្រេស៊ីលពីថ្ងៃទី ២០ ដល់ថ្ងៃទី ២២។



សូមរំឭកផងដែរថា Lollapalooza គឺជាព្រឹត្តិការណ៍ប្រគំតន្ត្រីមួយដែលមានដើមកំណើតនៅក្នុងទីក្រុង Chicago រដ្ឋ Illinois សហរដ្ឋអាមេរិក តាំងតែពីឆ្នាំ ១៩៩១ ដោយការប្រគំតន្ត្រីនេះទទួលបានប្រជាប្រិយភាពខ្លាំង ជាមួយនឹងអ្នកចូលរួមជាមធ្យម ៤សែននាក់ក្នុងមួយឆ្នាំ។
យ៉ាងណាមិញ បច្ចុប្បន្ននេះ RIIZE កំពុងតែមមាញឹកនឹងដំណើរប្រគំតន្រ្តីទេសចរណ៍លើកដំបូង RIIZING LOUD ដោយពួកគេគ្រោងនឹងបន្តទៅសម្ដែងនៅក្នុងទីក្រុងតៃប៉ិ នៅថ្ងៃទី៣០ ខែសីហា នេះ៕
























Account
Security
Favourite Content