ដ្បិតមិនមានវត្តមាននៅក្នុងប្រទេសកំណើត អ្នកនាង រឿន ណាត និងស្វាមី បានចូលរួមជាថវិកាជួយដល់ជនភៀសសឹកកម្ពុជា និងកងទ័ពខ្មែរចំនួន ១ លានរៀលតាមរយៈសមាគមសិល្បករខ្មែរ។

អ្នកនាង រឿន ណាត Miss Universe Cambodia 2018 និងស្វាមីបានបរិច្ចាគថវិកាចំនួន ១ លានរៀល ដើម្បីជាចំណែកជួយដល់ពលរដ្ឋភៀសសឹកដែលកំពុងការលំបាកក្នុងសង្គ្រាមឈ្លានពានទឹកដីរបស់ទ័ពសៀម ក៏ដូចជាទាហានជួរមុខដែលកំពុងឈរជើងការពារបូរណភាពទឹកដីកម្ពុជា។
មហាជនប្រាកដជាបានជ្រាបហើយថាក្រោយភ្ជាប់ពាក្យ រឿន ណាត បានចេញទៅអាមេរិក ជាមួយ លាវ វេងហួរ Mister Friendship 2023 ហើយរៀបការនៅទីនោះ។ ដ្បិតថាអ្នកទាំងពីរពុំមានវត្តមាននៅក្នុងប្រទេសនាពេលនេះពិតមែន តែឈាមជ័រជាខ្មែរ និងស្មារតីរួបរួមជាតិសាសន៍តែមួយ នៅតែមាននៅក្នុងខ្លួនរបស់អ្នកទាំងពីរ។
តាមរយៈជំនួយជាថវិការបស់បវរកញ្ញាចក្រវាលកម្ពុជាឆ្នាំ ២០១៨ និងបុរសឯក Mister Friendship 2023 ខាងសមាគមសិល្បករខ្មែរ នឹងយកទៅចាត់ចែងរៀបចំទិញនូវសម្ភារៈក៏ដូចជាអាហារហូបចុកដល់ជនភៀសសឹក និងទាហានរបស់កម្ពុជា៕



រូបភាព ៖ រឿន ណាត























Account
Security
Favourite Content