ម្សិលមិញនេះ កញ្ញា Karen Jansen Miss World បែលហ្សិក បានបង្ហោះរូបភាពនៅកម្ពុជា ដោយដាក់ caption ថា “កម្ពុជា ស្ថិតក្នុងបេះដូងខ្ញុំជារៀងរហូត” និងដាក់ទីតាំងនៅប្រាសាទអង្គរវត្ត ខេត្តសៀមរាប។ កាលពីថ្ងៃ ១៤ កន្លងទៅ កញ្ញាក៏បានបង្ហោះរូបភាពដែលថតក្នុងប្រាសាទអង្គរវត្ត ២សន្លឹកផងដែរ។


កញ្ញា Karen Jansen បានសរសេរបែបនេះនៅលើទំព័រហ្វេសប៊ុកផ្លូវការ Miss Belgium កាលពីថ្ងៃទី១៥ ខែធ្នូ ដោយដាក់រូបបេះដូង នឹងភ្ជាប់ជាមួយពាក្យ ភ្នំស្រុក សៀមរាប អង្គរវត្ត និងសប្បុរសធម៌ ដោយទីតាំងថតគឺនៅប្រាសាទបុរាណខ្មែរ។
គួរបញ្ជាក់ផងដែរថា Miss Belgium រូបនេះ ធ្លាប់បានមកបំពេញបេសកកម្មលើទឹកដីកម្ពុជាកាលពីថ្ងៃទី ៣០ ខែកញ្ញា ឆ្នាំ ២០២៥ កន្លងទៅថ្មីៗនៅ ដោយបានជ្រើសយកសាលាមួយស្ថិតក្នុងខេត្តបន្ទាយមានជ័យ ជាគោលដៅក្នុងការបំពេញការងារលើកនេះ។



Miss Belgium វ័យ ២៤ រូបនេះបានសម្រេចជ្រើសយកសាលាបឋមសិក្សា រង្វាន ដែលស្ថិតនៅក្នុងស្រុក ភ្នំស្រុក ខេត្តបន្ទាយមានជ័យ ក្នុងដំណើរទស្សនកិច្ច កាលពីចុងខែកញ្ញា។ អំឡុងពេលនោះ នាងបានបង្ហោះរូបភាពលើ IG របស់នាងដោយបានសរសេររៀបរាប់ថា ថា៖ «ខ្ញុំទទួលបានការស្វាគមន៍យ៉ាងកក់ក្ដៅនៅក្នុងប្រទេសកម្ពុជាព្រមជាមួយការជួយដល់ក្មេងៗនៅទីនេះ»។
គួរបញ្ជាក់ថា Karen Jansen បានបង្ហោះរូបភាព និងនិយាយពីប្រទេសកម្ពុជាឡើងវិញ បន្ទាប់ពីព័ត៌មាននៃការឈ្លានពានរបស់សៀមលើទឹកដីខ្មែរ ហើយជាពិសេសក៏មានតំបន់ដែលកញ្ញាធ្លាប់ចុះមកទស្សនកិច្ចផងដែរ។
សារដ៏រំជួលចិត្តរបស់ Karen Jansen ធ្វើឲ្យអ្នកគាំទ្រកាត់ន័យយល់ថា មានដឹងពីកម្ពុជាដែលជាប្រទេសស្រស់ស្អាត មានប្រជាជនរួសរាយរាក់ទាក់ ហើយនាងពិតជាស្រលាញ់កម្ពុជាខ្លាំងពិតមែន៕




រូបភាព៖ Miss Belgium




















































Account
Security
Favourite Content