ស្ថិតក្នុងឈុតពេទ្យ ទាហាន បវរកញ្ញាខ្មែរ ភឹម ស្រីនោ កំពុងថតរឿងថ្មីឱ្យផលិតកម្មក្នុងស្រុក អិល ឌី ភាពយន្ត ដែលនេះជារឿងដំបូងរបស់តារាបង្ហាញម៉ូដរូបស្រស់ម្នាក់នេះ។

ត្រៀមបង្ហាញមុខនៅក្នុងខ្សែភាពយន្តថ្មីមួយរបស់ផលិតកម្មក្នុងស្រុកជាមួយរូបភាពច្រើនសន្លឹកក្នុងឈុតជាកូនទាហានពេទ្យរបស់កញ្ញា ភឹម ស្រីនោ ។ តាមរយៈរូបភាពដែលបានបង្ហាញទាំងនេះពិតជាប្លែក និងមានភាពខុសគ្នានៅត្រង់ថា ស្រីនោ តែងតែតុបខ្លួនបែបជានារីស្អាតៗ គួរឱ្យស្រលាញ់ជាមួយរ៉ូបវែងៗស៊ិចស៊ីអីបែបហ្នឹង តែលើកនេះមកជាឈុតទាហានក្លាហានតែម្ដង ជាពិសេសនោះគឺជាបែបទាហានពេទ្យទៀត។ ទោះស្ថិតក្នុងឈុតខោអាវបែបនេះក៏ដោយក៏មិនបានធ្វើឱ្យសម្រស់បវរកញ្ញារូបស្រស់ ភឹម ស្រីនោ ថមថយនោះទេតែកាន់តែធ្វើឱ្យកញ្ញាកាន់តែមានភាពទាក់ទាញ និងប្លែកភ្នែកមហាជនថែមទៀត។




គួរឱ្យដឹងដែរថា នេះជាភាពយន្តដំបូងរបស់កញ្ញា ភឹម ស្រីនោ ។ ដោយឡែក រឿងថ្មីដែលចូលរួមសម្ដែងដោយបវរកញ្ញារូបនេះមានចំណងជើងថា «អាគារលស់ព្រលឹង» ដោយក្នុងនោះក៏មានវត្តមានចូលរួមសម្ដែងពីតារាប្រុសលោក នូ ឧសភា និងតារាប្រុសស្រីជាច្រើនរូបទៀតផងដែរ៕























Account
Security
Favourite Content