លោក Peypey Dy ដែលធ្លាប់ខ្នះខ្នែង ចំណាយទាំងកម្លាំងកាយចិត្ត និងថវិកា ជួយដល់ពលរដ្ឋខ្មែរភៀសសឹកដែលរងការបាញ់ប្រហារពីសំណាក់កងទ័ពសៀម ពេលនេះបានចេញមុខម្ដងទៀតជាមួយសំឡេងអំពាវនាវសុំឱ្យមហាជនជិតឆ្ងាយចូលរួមតិចឬច្រើនក្ដីតាមរយៈមូលនិធិដែលរៀបចំឡើងដោយកម្លាំងរួបរួមខ្មែរតែ១។

សង្គ្រាមឈ្លានពានស្រេកឃ្លានទឹកដីពីសំណាក់ចោរសៀមបានកំពុងទន្ទ្រានដោយមិនញញើតពីក្រុមយោធាថៃដែលបានបើកការបាញ់ប្រហារមកលើកងកម្លាំងកម្ពុជា នៅក្នុងតំបន់អានសេះ ខេត្តព្រះវិហារ បន្ទាប់មកបាញ់នៅប្រាសាទតាមាន់ធំ ដោយប្រើប្រាស់រថក្រោះបាញ់ចូលជាច្រើន និងនៅតំបន់ប្រាសាទព្រះវិហារ ៥មករា និងចំការចេក ចាប់ពីវេលាម៉ោង ៥ ភ្លឺឈានចូលថ្ងៃទី ៨ ធ្នូ ២០២៥។ នេះបើតាមការបង្ហោះជូនដំណឹងលើផេកផ្លូវការក្រសួងការពារជាតិ។
ការបាញ់ប្រហារដោយមិនញញើតដៃពីទ័ពសៀមបានកំពុងបន្តយ៉ាងគឃ្លើននៅតាមតំបន់ជាប់ព្រំដែន ទីលំនៅពលរដ្ឋនិងសាលារៀន។ ហេតុការណ៍ដ៏អាក្រក់នេះបានបង្ខំពលរដ្ឋឱ្យចាកចេញពីផ្ទះសម្បែង ស្វែងរកទីសុវត្ថិភាពដើម្បីលាក់ខ្លួនពីការបាញ់ប្រហាររបស់កងទ័ពសៀម។



ការណ៍នេះបានធ្វើឱ្យបណ្ដាអ្នកផលិតមាតិកាក្នុងស្រុក តារាសម្ដែងប្រុសស្រីជាច្រើនរូបចេញមុខខ្នះខ្នែងជាថ្មីម្ដងទៀតដើម្បីជួយដល់ពលរដ្ឋខ្មែរភៀសសឹកដែលកំពុងតែជួបការលំបាកក្នុងនោះឃើញមានតារាប្រុសមួយរូបនោះគឺលោក Peypey Dy ដ្បិតថាលើកនេះលោកពុំបានចេញមុខដោយផ្ទាល់ក្នុងការជួយរៀបចំពិតមែន ប៉ុន្តែលោកបានប្រើសំឡេងក្នុងការអំពាវនាវសុំឱ្យបងប្អូនមហាជនចូលរួមជួយមិនថាជាថវិកាឬសម្ភារៈប្រើប្រាស់ ស្បៀងអាហារ គឺអាចមកចូលរួមបរិច្ចាគបាននៅហាង EAT MORE សាខាបឹងកក់ដោយនៅទីនោះមានក្រុមការងាររង់ចាំទទួលជំនួយរបស់បងប្អូន។
គួរបញ្ជាក់ដែរថា ការចូលរួមនៅហាង EAT MORE មិនមែនជាមូលនិធិផ្ទាល់ខ្លួនរបស់នរណាម្នាក់តែជាការចូលរួម និងរួបរួមគ្នាពីសំណាក់ប្រជាជនខ្មែរដើម្បីជួយសម្រួលដល់ការលំបាករបស់បងប្អូនភៀសសឹកនៅក្នុងអំឡុងពេលគេចសង្គ្រាមឈ្លានពានដោយកងទ័ពសៀម៕
នេះជាលីងវីដេអូ ៖ https://www.facebook.com/reel/1569544017720080
រូបភាព ៖ Peypey Dy
























Account
Security
Favourite Content