កាលពីរសៀលម្សិលមិញ គ្រូបង្រៀនដើរ Catwalk និងជាអ្នកច្នៃម៉ូដល្បីឈ្មោះ អូលីវ៉ា គង់ បានដឹកនាំកូនសិស្សជាង ២០ នាក់ ដោយធ្វើដំណើរតាមព្រលានយន្តហោះអន្តរជាតិភ្នំពេញ ឆ្ពោះទៅប្រទេសវៀតណាម ដើម្បីចូលរួមដើរបង្ហាញម៉ូដកម្មវិធី Vietnam International Junior Fashion Week នៅសារមន្ទីរក្រុងហាណូយប្រទេសវៀតណាម នៅថ្ងៃទី៥-៦ ខែសីហាខាងមុខនេះ តាមអ្វីដែលបានគ្រោងទុក។










អូលីវ៉ា គង់ បានបង្ហាញអារម្មណ៍មោទនភាពដែលបាននាំតារាម៉ូដែលកម្ពុជាយើង និងឈុតច្នៃឡើងយ៉ាងប្រណីត ពីគំនិតបំផុសពីឈុតកូនក្រមុំ ដើម្បីយកទៅដើរបង្ហាញលើឆាកអន្តរជាតិនៅវៀតណាម។ ក្រោមការបង្វឹកយ៉ាងដិតដល់ និងយកចិត្តទុកដាក់បំផុត លោកមានជំនឿចិត្តថា កូនសិស្សទាំងអស់របស់លោកនឹងធ្វើល្អសម្រាប់ការដើរលើឆាកអន្តរជាតិលើកដំបូងនេះ។
គួរឱ្យភ្ញាក់ផ្អើល តារាចម្រៀងឯករាជ្យ នីគីនីគី ក៏នឹងចូលរួមដើរបង្ហាញម៉ូដកម្មវិធី Vietnam International Junior Fashion Week នេះផងដែរ ថែមទាំងត្រូវគ្រងឈុតពិសេសជាងគេ ដែលមានទម្ងន់ធ្ងន់ជាងឈុត ទេពអប្សររំដួលបរមវិស្ណុលោក ដែលនាងធ្លាប់ដើរបង្ហាញក្នុងព្រឹត្តិការណ៍ការដើរបង្ហាញម៉ូដសម្លៀកបំពាក់បែបសហសម័យតាមសម័យកាលរបស់ប្រទេសកម្ពុជា ម៉ាក់ប្រ៊េន KALKIN SPRING/ SUMMER COLLECTION 2023 | THE ROYALTY ទៅទៀត។

ប្រាប់ឱ្យអ្នកសារព័ត៌មានសិល្បៈដឹងនៅច្រកចូលព្រលានយន្តហោះអន្តរជាតិភ្នំពេញ នីគី ថា នាងពិតជារំភើបពេល អូលីវ៉ា ជ្រើសនាងឱ្យចូលរូមដើរបង្ហាញម៉ូដលើឆាកអន្តរជាតិបែបនេះ ទោះបីនាងជាតារាចម្រៀងម្នាក់ក៏ពិតមែន តែនាងពុំធ្លាប់ឡើងច្រៀងលើឆាកអន្តរជាតិម្តងណាឡើយ។ ដល់ពេលមានឱកាសដើរបង្ហាញម៉ូដលើឆាកអន្តរជាតិបែបនេះ ធ្វើឱ្យចិត្តនាងរំភើបរីករាយខ្លាំងណាស់ ថែមទាំងមានមោទនភាពក្នុងនាមជាកូនខ្មែរម្នាក់ដែលបានដើរបង្ហាញឈុតសម្លៀកបំពាក់ច្នៃដោយ designer ខ្មែរ លើឆាកអន្តរជាតិបែបនេះ។
យ៉ាងណាមិញ អូលីវ៉ា គង់ សុំមិនបញ្ជាក់ពីឈុតដែលត្រូវដើរបង្ហាញនោះឡើយ គ្រានត់បង្ហើបថា ឈុតទាំងនោះប្រណិតខ្លាំងណាស់ ហើយលោកជឿជាក់ថា គ្រប់គ្នានឹងភ្ញាក់ផ្អើលពេលឃើញឈុតទាំងនោះ។


ក្រឡេកទៅមើល តារាម៉ូដែលប្រុសស្រី និងតារាម៉ូដែលកុមារ ដែលត្រូវចេញទៅដើរបង្ហាញម៉ូដកម្មវីធី VietnamInternational Junior Fashion Week វិញនោះ ម្នាក់ៗបាន នាំគ្នាញញឹមប្រិមប្រិយ រំភើបរីករាយចំពោះឱកាសដើរម៉ូដលើឆាកអន្តរជាតិជាលើកដំបូងនេះ។
តារាម៉ូដែលកុមារ គិតថាពួកគេនឹងដើរបានល្អ ព្រោះគ្រប់គ្នាបានហ្វឹកហាត់ការដើរយូរណាស់ ត្រៀមសម្រាប់ការដើរបង្ហាញម៉ូដនៅវៀតណាមនេះ ដូច្នេះ ពុកម៉ែបងប្អូនកុំភ្លេចរង់តាមដាន និងផ្តល់កម្លាំងចិត្តបន្ថែមដល់តារាម៉ូដែលខ្មែរយើងដែលនឹងចូលរួមដើរបង្ហាម៉ូដក្នុងកម្មវិធី Vietnam International Junior Fashion Week នៅសារមន្ទីរក្រុងហាណូយ ប្រទេសវៀតណាម នៅថ្ងៃទី៥-៦ ខែសីហាខាងមុខនេះ៕

























Account
Security
Favourite Content