ជាមហាកិត្តិយសដ៏ធំធេងសម្រាប់សម្អាងការ ឌី សូនិត្តា (Dy Sonita Wedding Planner) របស់តារាសម្តែង ឌី សូនិត្តា ដែលទទួលបានវត្តមានដ៏ខ្ពង់ខ្ពស់ពី ព្រះនាងតូច នរោត្តម ជេនណា ក្នុងការចូលរួមថតម៉ូដសម្អាងការសម្រាប់រដូវកាលថ្មី នាដើមឆ្នាំ ២០២៤ នេះ។
នាថ្ងៃថតម៉ូដសម្អាងការនោះ ម្ចាស់ មកុដ Miss Preteen International Cambodia 2023 ល្អហួស ក៏បានចូលរួមថតម៉ូដសម្អាងរដូវកាលថ្មីនេះផងដែរ ថែមទាំងទទួលមហាកិត្តិយសថតម៉ូដសម្អាងជាគូជាមួយ ព្រះនាងតូច ជេនណា ទៀតផង។

គ្រាន់តែឃើញវីដេអូក្រៅឆាកខ្លីៗ អ្នកប្រើប្រាស់បណ្តាញសង្គមយ៉ាងច្រើនកុះករ បាននាំគ្នា comment លើកសរសើរសម្រស់របស់ ព្រះនាងតូច និង ល្អហួស ថា ពិតជាស្រស់ស្អាតខ្លាំង សមសួនជាកុលស្រ្តីខ្មែរឥតខ្ចោះ ទាំងចរិយា និងអាកប្បកិរិយាលើកដៃប្រណមសំពះយ៉ាងល្វត់ល្វន់ទៅកាន់ ព្រះនាងតូច ជេនណា។ ក្រៅពីពាក្យពេចន៍លើកសរសើរហើយនោះ គ្រប់គ្នាក៏ទន្ទឹងរង់ចាំមើលរូបភាពស្អាតយ៉ាងសន្ទះសារផងដែរ។
ក្នុងនោះផងដែរ ឌី សូនិត្តា ឯណោះវិញ បានសម្តែងក្តីរំភើបរីករាយជាពន់ពេក រហូតបង្ហោះលើទំព័រហ្វេសប៊ុក Dy Sonita Wedding Planner ថា «ខ្ញុំម្ចាស់សូមអរព្រះគុណដល់ព្រះនាងតូច នរោត្តមចេនណា នូវព្រះវត្តមានដ៏ខ្ពង់ខ្ពស់ និងជាមហាកិត្តិយសសម្រាប់សម្អាងការខ្ញុំម្ចាស់ ក្នុងការតុបតែងទ្រង់គ្រឿងសម្អាងថ្វាយទ្រង់យ៉ាងខ្ជាប់ខ្ជួននិងស្រស់ស្អាតបំផុត នាងខ្ញុំក៏សូមអរគុណដល់ប្អូនស្រីល្អហួស Miss Preteen International Cambodia ដែលបានផ្តល់កិត្តិយសដល់សម្អាងការនាងខ្ញុំរៀបចំសម្អាងជូនផងដែរ»៕




























Account
Security
Favourite Content