អ្នកគាំទ្រដឹងហើយថាល្ងាចម្សិលមិញ វណ្ណដា បានទម្លាក់ MV បទចម្រៀងថ្មីដែលជា Collaboration ជាមួយតារារ៉េបដ៏ល្បីជប៉ុន Awich។ ដូចអ្នកគាំទ្រដឹងស្រាប់ហើយថាតារាវ័យ ២៧ ឆ្នាំ រូបនេះនឹងទម្លាក់ចម្រៀងនៅថ្ងៃខួបកំណើតតែម្ដង ហើយបទថ្មីនេះពិតជាមិនធម្មតាឡើយ តែងតែមានអ្វីពិសេសប្លែក ពីរោះ ហើយអត្ថន័យបទទៀតសោតគឺល្អសម្រាប់យុវវ័យ។

បទ “6 Years In The Game” សម្រាប់អបអរខ្លួនកំណើតខ្លួននោះ វណ្ណដា ពិតជាលេងអស់ដៃហើយ មិនត្រឹមតែអត្ថន័យល្អឡើយ សម្រាប់គុណភាព MV ទៀតរឹតតែអស្ចារ្យខ្លាំង។ ការផលិត MV បានយ៉ាងល្អឥតខ្ចោះនោះមិនមែនជារឿងចៃដន្យ ពោលគឺគ្រាន់តែក្រុមការផ្សេងៗមានទាំងខ្មែរ និងបរទេស។
ចេញបទមកមួយៗ វណ្ណដា មិនមែនចេះតែធ្វើឲ្យរួចតែពីដៃឡើយ គុណភាពគ្រប់ផ្នែកសុទ្ធតែល្អគ្មានចន្លោះ បែបនោះហើយទើបតារាប្រុសវ័យក្មេងរូបនោះ ទទួលបានការគាំទ្រភ្ល្លូកទឹកភ្លូកដីទាំងនៅក្នុងប្រទេស និងក្រៅប្រទេស។ បន្ថែមពីនោះ រាល់ការចេញបទថ្មីលើកណា ក៏ វណ្ណដា ធ្វើឲ្យអ្នក Reaction បរទេសភ្ញាក់ផ្អើលរាល់លើក។

លើកនេះមិនត្រឹមតែគ្រាន់តែបញ្ជីឈ្មោះក្រុមការងារ និងអ្នកពាក់ ព័ន្ធក្នុង MV “6 Years In The Game” ច្រើនហួសប្រមាណ។ បទនេះផលិតដោយ វណ្ណដា ហើយនិពន្ធឡើងដោយ វណ្ណដា និង Awich, Mixed និង Mastered ដោយ វណ្ណដា, Artwork ដោយ Yuu ហើយ Caligraphy ដោយ Seavleng។
ក្រុមការងារ VIDEO CREDIT មាន ៦ នាក់, ក្រុមអ្នកដឹកនាំ ៤ នាក់ ទាំងជំនួយការ, កាមេរ៉ា និងភ្លើង ១៦ នាក់, ក្រុម PRODUCTION មាន ៤ នាក់, TALENT MANAGEMENT មាន ៤ នាក់, ក្រុម STYLING ៦ នាក់, អ្នករចនា ២នាក់, អ្នកផាត់មុខធ្វើសក់ ៣ នាក់, ក្រុម POST-PRODUCTION ៧នាក់, ក្រុមគុនល្បុក្កតោ ៣ នាក់, ក្រុមការ៉ាតេ ៥ នាក់, SUPPORTING CAST ម្នាក់, MOST PIT CREW ២០ នាក់។ ក្រៅពីអ្នកចូលរួមដោយផ្ទាល់ហើយនោះក៏មានការជួយជ្រោមជ្រែងពីសំណាក់លេខាធិការដ្ឋានគណៈកម្មការគ្រប់គ្រងពហុកីឡដ្ឋានជាតិ និងទីតាំងផ្សេងៗទៀត៕



























Account
Security
Favourite Content