តារាកំប្លែងជើងចាស់នាយ ព្រីង បានលើកម្រាមដៃអង្វរសុំរទេះរុញពីសប្បុរសជនក្រោយជើងឆ្វេងរបស់លោកត្រូវបានកាត់ចោលដោយសារតែជំងឺទឹកផ្អែមធ្ងន់ធ្ងរ។ នេះបើតាមវីដេអូសម្ភាសន៍របស់តារាសម្ដែង សាវិន ហ្វីលីព។
តាមរយៈការបង្ហោះលើផេកផ្លូវការរបស់លោក សាវិន ហ្វីលីព បានឱ្យដឹងថា នាយព្រីង ដែលជាតារាកំប្លែងជើងចាស់ និងជាតួល្ខោនបាសាក់ (តួយក្ស) ត្រូវបានកាត់ជើងខាងឆ្វេងចោល ដោយសារតែជំងឺទឹកនោមផ្អែម (កម្រិតធ្ងន់) និងបានអំពាវនាវសុំរទេះរុញមួយពីសប្បុរសជន ដើម្បីលោកអាចប្រើប្រាស់ក៏ព្រោះតែឥលូវនេះលោកពុំអាចដើរបានដូចមុនទៀតនោះទេ ខណៈដែលជីវភាពគ្រួសារខ្វះខាត និងពុំមានលទ្ធភាពគ្រប់គ្រាន់។ តាមការបញ្ជាក់បន្ថែមរបស់តារាកំប្លែងរូបនេះបានឱ្យដឹងថា មូលហេតុចម្បងដែលនាំឱ្យលោកកើតជំងឺទឹកនោមផ្អែមធ្ងន់ធ្ងរឈានដល់ដំណាក់កាល កាត់ជើងខាងឆ្វេងគឺដោយសារតែមុនធ្លាក់ខ្លួនឈឺរូបលោកបានពិសាភេសជ្ជៈប៉ូវកម្លាំងជារៀងរាល់ថ្ងៃ។
បច្ចុប្បន្នតារាកំប្លែងរូបនេះត្រូវបានក្រុមគ្រួសារដឹកយកមកមើលថែនៅផ្ទះដែលមានទីតាំងស្ថិតនៅព្រែករាំង១ សង្កាត់កំពង់សំណាញ់ ក្រុងតាខ្មៅ ខេត្តកណ្ដាល។ សម្រាប់បងប្អូនសប្បុរសជនដែលមានបំណងចង់ជួយមិនថាជាថវិកា ឬរទេះរុញអាចទាក់ទងតាមរយៈកូនប្រុសរបស់លោកដែលមានឈ្មោះ ជី ចំណាប់ តាមលេខ 093699167/012779310 និងអាខោន ABA 002280392 CHY CHOMNAB៕
ទស្សនាវីដេអូ ៖ https://www.facebook.com/savinphillipofficial/videos/613809187686843
ប្រភពវិដេអូ និងរូបភាព ៖ FB សាវិន ហ្វីលីព Savin Phillip