ដូចប្រិយមិត្តបានជ្រាបស្រាប់ហើយថា កញ្ញា នៀន នៀន ត្រូវបានក្រុមហ៊ុន Cambodia International Models ជ្រើសតាំងជា Miss Star Cambodia 2024 ដើម្បីតំណាងកម្ពុជាទៅប្រកួតលើវេទិកាអន្តរជាតិនៃកម្មវិធី Miss Star International 2024 ប្រទេសប្រេស៊ីលនាចុងឆ្នាំនេះ។

គ្រងតំណែងជា Miss Star Cambodia 2024 មិនយូរប៉ុន្មាន នៀន នៀន ក៏បានប្រកាសខ្លួនជាម្ចាស់ប្រេន Saiiana Cambodia (សៃអេនណា ខេមបូឌា) ជាផលិតផលកំពុងផ្ទុះការចាប់អារម្មណ៍ពីអ្នកប្រើប្រាស់ ពិសេសបងប្អូនភេទទី៣នៅកម្ពុជាតែម្តង។ ស្របពេលដែល Saiiana ទទួលបានការទុកចិត្តទុកដាក់លើគុណភាពពីអ្នកប្រើប្រាស់ នៀន នៀន សម្រេចចិត្តជ្រើសតាំងបវរកញ្ញាភេទទី៣ កម្ពុជា ២រូប គឺ កញ្ញា ម៉ៃយ៉ា ម្ចាស់មកុដ Miss Queen Cambodia 2022/2023 និង កញ្ញា ហានី ម្ចាស់មកុដ Miss Queen Cambodia 2024 ជាទូតសុឆន្ទៈ (Brand Ambassador) តំណាងផលិតផល ដើម្បីឲ្យបវរកញ្ញាទាំង ២ រូប ធ្វើការផ្សព្វផ្សាយពីគុណភាព និងប្រសិទ្ធភាពទៅកាន់អ្នកប្រើប្រាស់។
ដើម្បីឲ្យស័ក្ដិសមកិត្តិយស និងសេចក្ដីថ្លៃថ្នូររបស់ ហានី និង ម៉ៃ យ៉ា ម្ចាស់ប្រេន នៀន នៀន បានរៀបចំពិធីចុះហត្ថលេខាប្រកាសទូតសុឆន្ទៈ (BA) យ៉ាងអធិកអធមបំផុត នៅល្ងាចថ្ងៃទី៤ ខែសីហា ឆ្នាំ២០២៤ នៅជាន់ផ្ទាល់ដីនៃផ្សារទំនើបអូឡាំព្យាម៉ល ដោយមានការចូលរួមពីសិល្បករសិល្បការិនី បវរកញ្ញា-បុរសឯក និងបវរកញ្ញាភេទទី៣យ៉ាងច្រើនកុះករ។


កាន់តែកក្រើកជាមួយការសម្តែងពិសេសរបស់ កញ្ញា ជ្រូកព្រៃ និងការដើរបង្ហាញម៉ូដផលិតផល Saiiana ព្រមទាំងការចាប់រង្វាន់ជាច្រើនជូនដល់អ្នកគាំទ្រ និងអ្នកចូលរួមទស្សនាផ្ទាល់ផងដែរ។ មិនទាន់អស់នៅឡើយ ក្នុងពិធីចុះហត្ថលេខាប្រកាសទូតសុឆន្ទៈនេះ ក៏មានបើកបង្ហាញផលិតផលថ្មីរបស់ Saiiana Cambodia ផងដែរ នោះគឺ Saiiana Whitening Body Lotion ជាឡេព្យាបាលស្បែកខូច ជួយឲ្យស្បែកសភ្លឺរលោងស្អាត។

កញ្ញា នៀន នៀន ម្ចាស់ប្រេន Saiiana Cambodia លើកឡើងថា នេះជាលើកដំបូងបង្អស់ដែលក្រុមហ៊ុននាងរៀបចំពិធីចុះហត្ថលេខាទូតសុឆន្ទៈ ២ រូបក្នុងពេលតែមួយ។ ការជ្រើសរើស ម៉ៃយ៉ា និង ហានី ធ្វើ BA គឺដោយសារអ្នកទាំងពីរជាបវរកញ្ញាភេទទី៣ ដែលធ្លាប់ប្រើប្រាស់ផលិតផលនេះតាំងយូរមកហើយ។ ម៉្យាងនាងរក្សាជំហរក្នុងការចូលរួមលើកស្ទួយ LGBTQ+ នៅកម្ពុជា តាមរយៈការផ្ដល់ឱកាសការងារធំៗ ដើម្បីបង្ហាញឲ្យគ្រប់គ្នាឃើញថា ទោះបីយើងកើតមកក្នុងភេទណាមួយក៏ដោយ ក៏យើងមានតម្លៃ មានសមត្ថភាពអាចប្រកបការងារដូចបុរសស្ត្រីទូទៅផងដែរ។
ក្រឡេកទៅមើល BA ទាំង ២រូប ពិតជាស្រស់ស្អាតខ្លាំងឈុតរ៉ូបរាត្រីសមោសរដ៏ប្រណីត។ ហានី និង ម៉ៃយ៉ា បានបង្ហាញអារម្មណ៍រំភើបដែល នៀន នៀន ផ្តល់ទំនុកចិត្តជ្រើសរើសជា Brand Ambassador ឲ្យ Saiiana Cambodia ក្រោយអ្នកទាំង ២ សាកល្បងប្រើប្រាស់ផលិតផលនេះមួយរយៈធំ ហើយទទួលបានលទ្ធផលល្អគួរជាទីគាប់ចិត្ត ទើបហ៊ានទទួលផ្សព្វផ្សាយទៅកាន់អ្នកហ្វេន។
ឆ្លៀតឱកាសនេះ ម៉ៃយ៉ា ក៏បានថ្លែងអំណរគុណទៅដល់ នៀន នៀន ដែលបានឧបត្ថម្ភថ្លៃចំណាយសំបុត្រយន្តហោះ សម្រាប់ការធ្វើដំណើរទៅប្រកួតលើឆាកអន្តរជាតិនាប្រទេសថៃឆាប់ៗខាងមុខនេះ។ អ្វីដែល នៀន នៀន ផ្ដល់ឲ្យពិតជាមានតម្លៃខ្លាំងណាស់ ព្រោះវាបានជួយសម្រួលដល់ខ្ទង់ចំណាយ ថែមទាំងមានកម្លាំងជំរុញចិត្ត សម្រាប់ការប្រកួតទៀតផង។


សូមជម្រាបថា នៀន នៀន Miss Star Cambodia 2024 បានបើកដំណើរការ Saiiana Cambodia រយៈពេលជាង ១ ឆ្នាំមកហើយ ដោយចាប់ផ្ដើមពីការលក់អនឡាញរហូតផ្ទុះការគាំទ្រដូចសព្វថ្ងៃនេះ។ បច្ចុប្បន្ន Saiiana មានផលិតផល ៣ រួមមាន៖ អាហារបំប៉នអ័រម៉ូន Women’s Hormone Balence & Support ដែលអាចប្រើបានទាំងស្ត្រី និងបងប្អូនភេទទី៣ ជួយឲ្យដៃជើងស្រឡូនស្អាត ជំនួយសក់ ស្បែក ក្រចក ឆ្អឹង ជួយបង្កើនការផលិតមេជីវិតញី និងជំនួយផ្នែកផ្សេងៗជាច្រើនទៀត។ ទី២ គឺ Saiiana Multi Fiber Plus Collagen ជួយដុតកន្លែងលើសជាតិខ្លាញ់ បណ្ដេញជាតិពុលចេញពីក្នុងខ្លួន រំលាយខ្លាញ់អាក្រក់ ជួយសម្រួលការបន្ទោបង់ និងស្បែកភ្លឺថ្លា កាត់បន្ថយស្នាមលើស្បែកបានយ៉ាងល្អ និងទី៣ គឺ Saiiana Whitening Body Lotion ដែលទើបបើកបង្ហាញថ្មីៗក្តៅៗក្នុងពិធីចុះហត្ថលេខាទូតសុឆន្ទៈ៕
























Account
Security
Favourite Content