Nadech និង Yaya ជាគូស្នេហ៍ក្នុងប្រទេសថៃមួយដែលត្រូវបានមហាជនជាច្រើនស្ងប់ស្ងែង និងគាំទ្រយ៉ាងខ្លាំង ដោយសារតែស្នេហាដ៏ផ្អែមល្ហែមរបស់អ្នកទាំងពីរអស់រយៈពេល ១២។ មែនទែនទៅ អ្នកទាំងពីរក៏ជាគូស្នេហ៍មួយដែលអ្នកគាំទ្រប្រាថ្នាចង់ឃើញដឹកដៃគ្នាចូលរោងមង្គលសាងគ្រួសាររួមគ្នាផងដែរ។អ្វីដែលសំខាន់ស្នេហាមួយនេះទទួលបានការគាំទ្រ និងជ្រោមជ្រែងខ្លាំងពីឳពុកម្ដាយទាំងសងខាង។


ថ្មីៗ នេះ អ្នកទាំងពីរក៏បានធ្វើឱ្យមហាជនជាច្រើនរំជួលចិត្តដោយសារតែ Nadech បានសម្រេចចិត្តសុំ Yaya រៀបការ ខណៈការសុំរៀបការពិតជាមានភាពរ៉ូមែនទិកខ្លាំងនៅប្រទេស អ៊ីតាលី ជាពិសេសមានការជួយជ្រោមជ្រែងពីមិត្ដភក្ដិជិតស្និទ្ធជាច្រើនដូចជា Kimberly, Mark និង Margie ជាដើម។ បើតាមសារព័ត៌មានរបស់ប្រទេសថៃ ចិញ្ចៀនពេជ្រ ដែលតារាប្រុស Nadech បានទិញជូនដល់ Yaya គឺមានទម្ងន់រហូតដល់ ៥ ការ៉ាត់ បើតាមតម្លៃទីផ្សារវិញអាចហក់ដល់រាប់ម៉ឺនដុល្លារអាមេរិក។



បើតាមសម្ដីរបស់តារាស្រី Margie បានឱ្យដឹងថា គម្រោងសុំរៀបការនេះគឺ Nadech បានគិតទុកចាប់តាំងពីឆ្នាំមកម្ល៉េះ សម្រាប់ការកក់ទុកកន្លែងសម្រាប់គេង និងផ្សេងៗទៀត សុទ្ធតែបានរៀបចំតាំងពីឆ្នាំមុនមកដូចគ្នា ប៉ុន្ដែដោយសារកូវីតទើបការសុំរៀបការត្រូវបានពន្យារពេល។ ហើយការជ្រើសប្រទេស អ៊ីតាលី ជាកន្លែងសុំរៀបការដោយសារតែ Yaya ស្រឡាញ់ និងចូលចិត្តបរិយាកាសនៅទីនោះ។



កាន់តែពិសេសនោះ Nadech ក៏បានកក់បន្ទប់សម្រាប់មិត្តភក្ដិដែលទៅប្រទេស អ៊ីតាលី ក្នុងមួយយប់ជិត ២ ពាន់ដុល្លារផងដែរសម្រាប់ស្នាក់នៅ។ Margie ក៏បានលើកឡើងថា កន្លែងដែលពួកស្នាក់នៅគឺជាបន្ទប់ថ្លៃមួយដែលពួកគេមិនធា្លប់ចំណាយច្រើនបែបនេះកាលពីមុន។ ដំណើរកម្សាន្ដ និងគម្រោងសុំរៀបការនៅប្រទេស អ៊ីតាលី នេះដែរមានរយៈពេលដល់ទៅ ១០ ថ្ងៃ និងចំណាយប្រាក់យ៉ាងច្រើនខ្ទង់ម៉ឺនដុល្លារផងដែរ៕

























Account
Security
Favourite Content