ស្ថាប័ន Miss World បានបង្ហោះរូបភាពកញ្ញា ខន សូរិយា Miss World Cambodia 2026 ដែលបានរៀបចំតុបតែងខ្លួន ក្នុងឱកាស «ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក» ជាប្រពៃណីខ្មែរតាំងពីបុរាណកាលមកនោះ នៅលើ Facebook ផេកផ្លូវការរបស់ខ្លួន។

កាលពីរាត្រីដែលទី ៣ នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក» ខាងស្ថាប័ន Miss World បានយករូបភាពដ៏ស្រស់ស្អាតនៃបវរកញ្ញាខ្មែរ ដែលគ្រងឈុតបុរាណដ៏ប្រណីត។
ក្នុងរូបភាពដែល សូរិយា បណ្ដែតប្រទីប ដើម្បីដឹងគុណនៃព្រះគង្គា និងព្រះធរណីដែលបានផ្ដល់នូវសេចក្ដីសុខសប្បាយ ភោគផលក្នុងការងារកសិកម្ម របរចិញ្ចឹមជីវិតប្រចាំថ្ងៃ របស់ប្រជាកសិករ។ Miss World Cambodia 2026 បានជ្រើសឈុតបុរាណខ្មែរ ពណ៌ប្រាក់ និងសំពត់ពណ៌ខៀវចាស់ បង្ហាញសម្រស់ស្រគត់ស្រគំបែបខ្មែរ។


ខន សូរិយា បង្ហាញមុខលើផេកផ្លូវការ Miss World ទទួលបានការចាប់អារម្មណ៍ខ្លាំង។ Miss World បានភ្ជាប់ជាមួយឃ្លាមួយថា “Miss World Cambodia 2025 Reflects on the Spirit of Om Tuk Festival”។ ចំណែកសាមីខ្លួនគឺ ខន សូរិយា Miss World Cambodia 2026 ក៏បានចែករំលែកការបង្ហោះនោះបន្តផងដែរ។
គួរបញ្ជាក់ថា ខន សូរិយា ទើបទទួលបានមកុដ Miss World Cambodia 2026 ជាផ្លូវការ កាលពីថ្ងៃ ២៣ ខែតុលា ឆ្នាំ ២០២៥ កន្លងនេះ។ កញ្ញាជាតារាសម្ដែង និងអ្នកបង្កើតមាតិកាដ៏មានប្រជាប្រិយភាព មុនបោះជំហានឈានចូលវិស័យបវរកញ្ញា ដែលនោះជាបំណងប្រាថ្នាតាំងពីក្មេងរបស់នាង៕






រូបភាព៖ Soriya Khorn
























Account
Security
Favourite Content