Stephany Abasali បេក្ខភាពបវរកញ្ញាចក្រវាល ២០២៥ ដ៏មានប្រជាប្រិយភាព និងត្រូវបានមហាជនដាក់ក្ដីរំពឹងថាជាម្ចាស់មកុដ Miss Universe ផងដែរនោះ ក៏បានជ្រើសរើសឈុតរបស់ប្រេនកូនខ្មែរដែលមានកេរ្តិ៍ឈ្មោះល្បីល្បាញ ALmée Couture។


ក្រោយចប់ការប្រកួត Miss Universe ក្នុងចំណាត់ថ្នាក់លេខ ៣ បវរកញ្ញាចក្រវាលវេណេហ្ស៊ុយអេឡាវ័យ ២៥ ឆ្នាំរូបនេះ បានជ្រើសរើសយករ៉ូបរបស់ប្រេន ALmée Couture ដើម្បីស្លៀកទៅចូលរួមកម្មវិធី”Coronation Party” ពេលចប់កម្មវិធី Miss Universe 2025 និងរកឃើញម្ចាស់មកុដ។
កញ្ញា Stephany Abasali មិនត្រឹមតែជាលំដាប់រងទី ២ នៃ Miss Universe 2025 នោះទេ បវរកញ្ញាប្រទេសវេណេហ្ស៊ុយអេឡា ២០២៥ ក៏ត្រូវបានតែងតាំងជា Miss Americas ឬ Queen ទ្វីបអាមេរិក ដោយបានគ្រងរ៉ូបពណ៌ស្លាបកំផើម ដែលជាការច្នៃម៉ូដឡើងដោយប្រេនកុនខ្មែរ ALmée Couture។


គួរបញ្ជាក់ថាមិនត្រឹមតែ បវរកញ្ញាចក្រវាលវេណេហ្ស៊ុយអេឡា ២០២៥ Stephany Abasali ឡើយដែលបានជ្រើសរើសប្រេន ALmée Couture នៅក្នុងកម្មវិធី Miss Universe 2025 ដោយ Miss Universe ស៊ែប៊ី ២០២៥ កញ្ញា Jelena Egorova ក៏បានស្លៀករ៉ូប Time Voyage ក្នុង Collection Spirit Of The Forgotten របស់ប្រេនកូនខ្មែរដែលប្រណីតនេះ ជាឈុតតំណាងជាតិទៀតផង។
សម្រាប់កញ្ញា Stephany ក៏បានបង្ហោះរូបភាព និងបាន tag ឈ្មោះ ALmée Couture ផងដែរ។ ឈុតដែល Stephany គ្រង មិនធ្លាប់ឃើញពីមុនមកទេ នៅហាង ALmée Couture ដែលនោះអាចជា Collection ថ្មី ឬឌីហ្សាញជាពិសេសសម្រាប់បវរកញ្ញាចក្រវាលវេណេហ្ស៊ុយអេឡា ២០២៥។
នេះបានបង្ហាញឲ្យឃើញថាស្នាដៃកូនខ្មែរកាន់តែទទួលបានការគាំទ្រ និងទទួលស្គាល់ជុំវិញពិភពលោកហើយ ព្រោះ ALmée Couture ត្រូវបានតារាល្បីៗមិនថានៅអាស៊ី និងអឺរ៉ុបឡើយ សុទ្ធតែស្គាល់ និងជ្រើសរើស៕


រូបភាព៖ ALmée Couture និង Stephany Abasali























Account
Security
Favourite Content