រាជិនីក្រមា មាន សូនីតា និងតារាចម្រៀងឯករាជ្យ ម៉ុង ម៉ានិត បានសហការគ្នាបង្កើតកម្មវិធីថ្មីសន្លាងមួយ ឈ្មោះថា កម្ពុជាឋានសួគ៌លើដី – Cambodia Heaven On Earth ដែលជាកម្មវិធីជួយលើកស្ទួយតំបន់ទេសចរណ៍ក្នុងស្រុក និងផ្សព្វផ្សាយពីកន្លែងកម្សាន្ដស្អាតៗក្នុងខេត្ត-ក្រុង ទាំង ២៥ ។


ក្នុងនោះ សូនីតា និង ម៉ានិត បានជ្រើសរើសខេត្តសៀមរាប ជាគោលដៅទេសចរណ៍ដំបូងគេបង្អស់ ព្រោះទីនោះមានអ្វីៗគ្រប់យ៉ាងទាំងវប្បធម៌ អរិយធម៌ ទឹកជ្រោះ និងកន្លែងកម្សាន្ដជាច្រើនទៀត។
ក្នុង Part 1 & Part 2 នៃកម្មវិធី កម្ពុជាឋានសួគ៌លើដី ម៉ានិត និង សូនីតា បានធ្វើដំណើរទៅគោលដៅទេសចរណ៍មួយចំនួនៅទឹកដីខេត្តសៀមរាប រួមទាំងតំបន់ទេសចរណ៍មួយចំនួនដែលភ្ញៀវទេសចរកម្របានស្គាល់ផងដែរ។ ទៀតសោត ក្នុង Part 2 អ្នកទាំងពីរបានធ្វើដំណើរទៅលេងតំបន់ទេសចរណ៍ កំពង់ភ្លុក និងបានថតផ្តិតយករូបភាពដ៏ស្រស់ត្រកាលនៃភូមិលើទឹកនេះ មកចែកជូនប្រិយមិត្តទស្សនិកជនបានទស្សនាថែមទៀតផង។





ក្រៅពីប្រម៉ូតផ្សព្វផ្សាយតំបន់ទេសចរណ៍ក្នុងស្រុកហើយនោះ ពិធិករ-ពិធីការិនីទាំងពីររូបនេះ ថែមទាំងបានបង្រៀនបងៗនៅសហគមន៍កំពង់ភ្លុក ក្នុងការរៀបកញ្ចប់ជិះទូកបែបរ៉ូមេទិច ជិះមើលព្រៃលិចទឹកយ៉ាងទាក់ទាញថែមទៀតផង។


តែគួរឱ្យភ្ញាក់ផ្អើលខ្លាំង នៅលើ Caption នៃវីដេអូរបស់កម្មវិធី កម្ពុជាឋានសួគ៌លើដី បែរជាសរសេរពាក្យថា «ខ្វះតែអ្នក share ទេ» ហាក់ចង់បង្ហាញពីអត្រាចំនួនអ្នកចែករំលែកបន្ត ដែលមានចំនួនតិចតួចនៅឡើយ។ មិនតែប៉ុណ្ណោះ តារាស្រីល្បីឈ្មោះ មាន សូនីតា ថែមទាំងស្រែកពាក្យថា «ខ្វះអ្នក share» នៅលើទំព័រហ្វេសប៊ុកផ្លូវការរបស់នាងថែមទៀតផង។


ទោះជាយ៉ាងនេះក្តី តែគេឃើញមានការសាទរយ៉ាងខ្លាំងពីអ្នកប្រើប្រាស់បណ្តាញសង្គមចំពោះកម្មវិធី កម្ពុជាឋានសួគ៌លើដី ដែល ម៉ានិត និង សូនីតា បង្កើតឡើង ព្រោះវាបានបង្ហាញពីភាពស្រស់ស្អាត ជីវចម្រុះដ៏រស់រវើកនៃតំបន់ទេសចរណ៍កម្ពុជាយើងតាមរយៈវីដេអូដ៏មានគុណភាពពីក្រុមការងារ កម្ពុជាឋានសួគ៌លើដី។ ដូច្នេះសង្ឃឹមថា ពុកម៉ែបងប្អូននឹងចូលរួមជួយ share វីដេអូកម្មវិធី កម្ពុជាឋានសួគ៌លើដី – Cambodia Heaven On Earth ឱ្យបានច្រើនកុះករ ជាការចូលរួមផ្សព្វផ្សាយពីវិស័យអេកូទេសចរណ៍កម្ពុជាយើងឱ្យអន្តរជាតិបានស្គាល់កាន់តែច្បាស់ឡើង៕


















































Account
Security
Favourite Content