តារាសម្ដែង និងជាពិធីការិនីរូបស្រស់ គង់ ច័ន្ទស្រីមុំ បានសម្រេចចិត្តវះកាត់កែពង្រីកដើមទ្រូងតាមបំណងប្រាថ្នារបស់នាង នាដើមឆ្នាំ ២០២៤ នេះ ប៉ុន្តែពេលនេះនៅមិនទាន់ជាសះស្បើយ ១០០% ទេ។ នេះបើយោងតាម story ដែលបង្ហោះលើគណនី IG ផ្លូវការរបស់នាង កាលពីថ្ងៃទី៣ ខែកុម្ភៈ ឆ្នាំ ២០២៤។


ក្រោយពេលវះកាត់រួច គឹម សីហា ដែលជាស្វាមី បាននៅចាំមើលថែទាំអ្នកម៉ាក់រូបស្អាតនេះយ៉ាងយកចិត្តទុកដាក់បំផុត រហូត ស្រីមុំ ពោលថា «មិនទទួលស្គាល់ថាខ្លួនឯងសំណាងក៏មិនកើត» ព្រោះសកម្មភាពថ្នាក់ថ្នម ការយកចិត្តទុកដាក់ ក្ដីស្រលាញ់ដែលប្ដី និងកូនបានផ្តល់ឱ្យនាងវាពិតជាធំធេងខ្លាំងរកអ្វីមកប្រៀបផ្ទឹមពុំបានឡើយ។
បន្ទាប់ពីឃើញរូបភាពបែបនេះ ហ្វេនៗ និងអ្នកប្រើប្រាស់បណ្ដាញសង្គម នាំគ្នាកោតស្ញប់ស្ញែងទឹកចិត្ត សីហា ពន់ពេក ថែមទាំងសរសើរ គង់ ច័ន្ទស្រីមុំ ជាស្រ្តីមានសំណាងខ្លាំងណាស់ ដែលជ្រើសរើសបានស្វាមីដប្រពៃ ចេះស្រលាញ់ថ្នាក់ថ្នម យល់ចិត្តប្រពន្ធដល់ថ្នាក់នេះ។ ក្រៅពី សីហា ក៏មានកូនស្រី ម៉ូម៉ូ កំដរ និងមនុស្សពិសេសៗជាច្រើននាក់ទៀតក៏បានទៅកំដរតារាស្រីរូបនេះដល់មន្ទីរពេទ្យផងដែរ ធ្វើឱ្យអ្នកជំងឺរូបនេះ មានអារម្មណ៍កក់ក្ដៅជាខ្លាំង។



មែនទែនទៅ គឹម សីហា ធ្លាប់បដិសេធមិនឱ្យប្រពន្ធវះកាត់ពង្រីកដើមទ្រូងនោះទេ ដោយបារម្ភបញ្ហាសុខភាព ព្រោះពីមុន ស្រីមុំ ធ្លាប់វះកាត់គីសទ្រូង។ តែមិនយូរប៉ុន្មាន ស្រាប់តែឃើញអ្នកម៉ាក់សម័យថ្មី ស្រីមុំ សម្រេចបំណងរឿងវះកាត់ពង្រីកដើមទ្រូងនៅពេលនេះ។
ក្នុង story IG កាលពីពេលថ្មីៗ ពិធីការិនីរាងតូចច្រឡឹងនេះលើកឡើងថា ពេលនាងជាសះស្បើយ នាងនឹងថតរូបស្អាតៗឱ្យហ្វេនៗបានឃើញពីសម្រស់ដើមទ្រូងដែលនាងទើបវះកាត់រួច។ ស្រីមុំ និយាយបែបលេងសើចថា ពីពេលនេះទៅនាងលែងនៅក្នុង Team ថ្នល់ជាតិទៀតហើយ តែសុំចូល Team របស់ Pancake វិញម្តង៕





























Account
Security
Favourite Content