នៅរសៀលថ្ងៃទី ៣០ ខែ សីហា ឆ្នាំ ២០២៣ រូបភាពរបស់តារាសម្ដែងប្រុសល្បី Li YiFeng បានចែកចាយពាសពេញបណ្ដាញសង្គមធ្វើឱ្យក្លាយជាប្រធានបទវែកញែក ក្រោយរយៈពេលជិត ១ ឆ្នាំដែលលោកបានមុខពីពិភពសិល្បៈដោយសាររឿងអាស្រូវធ្ងន់ធ្ងរ។ រូបភាពទាំងនោះត្រូវបានថតនៅភោជនីយដ្ឋានមួយកន្លែងក្នុងប្រទេសចិន និងត្រូវបានគេរាយការណ៍ជារូបដែលទើបថតថ្មីៗ តែម្ដង។

អ្វីដែលធ្វើឱ្យមហានជនភ្ញាក់ផ្អើលនោះ រូបសម្រស់របស់លោកហាក់គ្មានប្រែប្រួលអ្វីឡើយបើទោះជួបព្យុះភ្លៀងធ្វើឱ្យអាជីពសិល្បៈស្ទើរដួលរលំ។ រូបរាងរបស់លោកនៅតែមើលទៅមាំទាំ និងស្រស់ស្រាយខ្លាំង។ បើទោះជារូបលោកត្រូវគេរិះគន់ខ្លាំងទាក់ទិនរឿងអាស្រូវក៏ដោយ ប៉ុន្ដែក៏មានក្រុមអ្នកគាំទ្ររបស់លោកដែលនៅតែស្រឡាញ់ចូលចិត្តលោក ខណៈពួកគេមានអារម្មណ៍រីករាយនៅពេលដែលឃើញស្ថានភាពរបស់លោកបច្ចុប្បន្នមិនមានបញ្ហាអ្វីគួរឱ្យបារម្ភខ្លាំង។


គួរបញ្ជាក់ថា កាលពីខែ កញ្ញា ឆ្នាំ ២០២២ ប៉ូលីសទីក្រុង ប៉េកាំង បានប្រកាសថា តារាប្រុស Li YiFeng ត្រូវឃុំខ្លួនចំនួន ១៥ ថ្ងៃ ដោយសារតែការប្រើប្រាស់សេវាកម្មផ្លូវភេទខុសច្បាប់ម្ដងហើយម្ដងទៀត។ ក្រោយរឿងអាស្រូវនេះ លោកត្រូវបានប្រេនតូច ធំដែលធ្លាប់សហការជាមួយប្រកាសផ្ដាច់កុងត្រាចោល ស្របពេលដែលរឿងលោកសម្ដែងក៏ត្រូវផ្អាកលែងឱ្យចេញផ្សាយ។ មិនតែប៉ុណ្ណោះ ត្រូវសងសំណងដល់ថ្លៃខូចខាតនានា ទាំងក្រុមការងាររឿងភាគ និងប្រេនច្រើនជាង ២០ លានដុល្លារអាមេរិក៕



























Account
Security
Favourite Content