ការប្រកាសសេពគប់គ្នា របស់តារាកូរ៉េមិនមែនជារឿងប្លែកនោះទេ គ្រាន់តែគូស្នេហ៍ខ្លះត្រូវមហាជនគាំទ្រ ពេញចិត្ដ ឯគូស្នេហ៍ខ្លះត្រូវបានគេរិះគន់ជាហូរហែ។ ក្នុងឆ្នាំ ២០២៤ គូស្នេហ៍តារាកូរ៉េ ៣ គូ ដែលផ្អែមល្ហែមស៊ីជម្ពូបានរយៈពេលខ្លី ក៏ត្រូវប្រកាសបែកគ្នាវិញ មិនចាំយូរ។
១.Han SooHee និង Ryu JunYeol


តារាសម្ដែងស្រីកូរ៉េ Han SoHee បានប្រកាសពីទំនាក់ទំនងស្នេហារបស់ខ្លួនជាមួយតារាប្រុស Ryu JunYeol ក្រោយពីត្រូវគេចាប់បានថា ទៅដើរកម្សាន្ដជាមួយគ្នានៅកោះហាវ៉ៃ។ បកត្រឡប់ទៅកាលពីថ្ងៃទី ១៥ ខែ មីនា ឆ្នាំ ២០២៤ មានភ្ញៀវទេសចរមួយរូប បានបង្ហោះសំណេរថា៖ Ryu JunYeol និង Han SoHee បានទៅដើរកម្សាន្ដនៅកោះ កោះហាវ៉ៃ ជាមួយគ្នា ថែមទាំងចុះលេងក្នុងអាងទឹកសាងសងគ្នា ដោយមិនខ្វល់ពីអ្នកជុំវិញ។ រឿងនេះធ្វើឲ្យអ្នកលេងបណ្ដាញសង្គមហាក់មានការភ្ញាក់ផ្អើលខ្លាំង។ ទំនាក់ទំនងស្នេហារបស់អ្នកទាំងពីរត្រូវបានមហាជន រិះគន់យ៉ាងខ្លាំង ដោយសារមតិជាច្រើនបានគិតថា តារាស្រី Han SoHee ជាជនទី ៣ ធ្វើឲ្យចំណងស្នេហា របស់តារាប្រុស Ryu JunYeo និងតារាស្រី Hyeri ត្រូវបែកបាក់។ អ្នកទាំងពីរប្រកាសចែកផ្លូវគ្នា ក្រោយប្រកាសសេពគប់គ្នាបានជាង ២ សប្ដាហ៍ប៉ុណ្ណោះ។
២.Lee JaeWook និង Karina សមាជិកក្រុម Aespa

Karina សមាជិកក្រុម Aespa និងតារាសម្ដែងប្រុស Lee JaeWook បានប្រកាសពីទំនាក់ទំនងរបស់ខ្លួននៅចុងខែ កុម្ភៈ ឆ្នាំ ២០២៤ ក្រោយ Dispatch ទម្លាយពីទំនាក់ទំនងស្នេហារបស់អ្នកទាំងពីរ។ Karina និង Lee JaeWook បានជួបគ្នាដំបូងកំលុងពេលទៅចូលរួមកម្មវិធី Prada Fashion Show កាលពីខែ មករា ឆ្នាំ ២០២៤។ ក្រោយសេពគប់គ្នាបានជាង ១ ខែ អ្នកទាំងពីរក៏ប្រកាសចែកផ្លូវគ្នាវិញ។ ចំពោះមូលហេតុធំដែលធ្វើឲ្យតារាស្រីប្រុសទាំងពីរមិនអាចបន្ដទំនាក់ទំនងស្នេហារបស់ខ្លួនបានគឺដោយសារមតិរិះគន់ ព្រមទាំងការប្រឆាំងរវាងអ្នកគាំទ្ររបស់អ្នកទាំងពីរ និងការមានអារម្មណ៍ខុសឆ្គងចំពោះអ្នកគាំទ្ររបស់ខ្លួន ស្របពេលដែលអ្នកទាំងពីរចង់ផ្ដោតលើការងារសិល្បៈរបស់ខ្លួនឲ្យបានច្រើន។
៣.Hwang Jung Eum និង Kim JongGyu

តារាស្រី Hwang Jung Eum និងកីឡាករបាល់បោះ Kim JongGyu បានប្រកាសពីទំនាក់ទំនងស្នេហា កាលពីថ្ងៃទី ២២ ខែ កក្កដា ឆ្នាំ ២០២៤។ តែក្រោយប្រកាសពីទំនាក់ទំនងមិនទាន់បានមួយខែត្រឹមត្រូវផង អ្នកទាំងពីរក៏ត្រូវបានរាយការណ៍ថា បានចែកផ្លូវគ្នាវិញទៅហើយ។ ការបែកគ្នាត្រូវគេសង្ស័យថា មកពីរវល់ការងាររៀងខ្លួនផង គួបផ្សំនឹងចំណងស្នេហ៍ទើបចាប់ផ្ដើមមិនទាន់រឹងមាំខ្លាំង។ អ្នកគាំទ្រជាច្រើនក៏បានបញ្ចេញមតិលើកទឹកចិត្ដដល់តារាស្រីរូបនេះ ជាពិសេសសង្ឃឹមថានាងនឹងរកបានសុភមង្គលក្នុងជីវិតគូឆាប់ៗ៕























Account
Security
Favourite Content