ក្រោយបាត់មុខពីសិល្បៈ និងការសម្ដែងរឿង ឥឡូវតារាសម្ដែងស្រីវ័យក្មេង Kim SaeRon ត្រូវបានរាយការណ៍ថា នាងមិនវិលត្រឡប់មកសម្ដែងវិញទេ ដោយនឹងធ្វើការជាអ្នកគ្រប់គ្រងនៅហាងកាហ្វេវិញ។
នៅព្រឹកថ្ងៃទី ២ ខែ កក្កដា ឆ្នាំ ២០២៤ ប្រភពព័ត៌មាន TV Daily បានឲ្យដឹងថា តារាស្រី Kim SaeRon ទទួលបានការងារថ្មីជាអ្នកគ្រប់គ្រងនៅហាងកាហ្វេមួយកន្លែងនៅឯ តំបន់ Seongsu-dong ទីក្រុង សេអ៊ូល ប្រទេស កូរ៉េខាងត្បូង។ នាងបានខិតខំប្រឹងប្រែងធ្វើការយ៉ាងខ្លាំង និងផ្តោតលើការងារនៅឯហាងកាហ្វេជំនួសឲ្យការសម្ដែង។



មែនទែនទៅ ប្រភពផ្ទៃក្នុងបានឲ្យដឹងថា នាងធ្លាប់ព្យាយាមជ្រៀតចូលមកក្នុងពិភពសិល្បៈវិញដែរ តារារយៈការបង្ហោះរូបផ្សេងៗ និងការបង្ហាញមុខក្នុងវីដេអូចម្រៀង។ ស្របពេលដែលស្ថានភាពហិរញ្ញវត្ថុរបស់នាងក៏មិនល្អខ្លាំងប៉ុន្មាន ដោយសារគ្មានការងារសម្ដែងធ្វើ នាងគ្មានប្រាក់ចំណូលចាប់តាំងពីដើមឆ្នាំ។ នាងថែមទាំងទៅលក់ផ្កា និងបង្រៀនសម្ដែងដើម្បីទទួលបានប្រាក់ចំណូលផងដែរ។


គួរបញ្ជាក់ថា Kim SaeRon ធ្លាប់ជាតារាស្រីវ័យក្មេងរបស់ប្រទេសកូរ៉េខាងត្បូងដែលមានភាពលេចធ្លោខ្លាំង ជារឿយៗ នាងតែងទទួលបានការសរសើរពីប្រជាជនកូរ៉េ ទាំងទេពកោសល្យ និងរូបសម្រស់ស្រស់ស្អាត។ ជាអកុសល នាងក៏ត្រូវបានក្លាយជាតារាស្រីដែលត្រូវបានគេរិះគន់មិនឈប់ឈរ ក្រោយបើកបរក្នុងស្ថានភាពស្រវឹង បង្កគ្រោះថ្នាក់ចរាចរណ៍នៅពាក់កណ្ដាលឆ្នាំ ២០២២ និងធ្វើឲ្យខូចខាតយ៉ាងខ្លាំងដល់សម្បត្ដិសាធារណៈ ព្រមទាំងឯកជន។ ការងារទាំងប៉ុន្មានដែលរូបនាងមានក្នុងដៃ ក៏ត្រូវបានគេផ្ដាច់កុងត្រា លែងទទួលយក។ មិនតែប៉ុណ្ណោះ រូបនាងត្រូវគេចាប់បានទៅលេងល្បែងស៊ីសង បន្ទាប់ពីបង្កគ្រោះថ្នាក់ចរាចរណ៍មិនបានប៉ុន្មាន។ អ្វីដែលធ្វើឲ្យនាងកាន់តែត្រូវគេរិះគន់ខ្លាំងនោះ គឺការបង្ហោះរូបភាពស្និទ្ធស្នាលជាមួយតារាប្រុស Kim SooHyun ដើម្បីទទួលបានចំណាប់អារម្មណ៍ ៕


























Account
Security
Favourite Content