ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ក្នុងឱកាសជប់លៀងញ៉ាំអាហារក្នុងក្រុមគ្រួសាររាជវង្សសម្ដេចក្រុមព្រះ នរោត្តម ច័ក្រពង្ស់ កាលពីពេលថ្មីៗនេះ គេសង្កេតឃើញវត្តមានអ្នកសិល្បៈជំនាន់ថ្មី ដែលទទួលបានការអាណិតស្រលាញ់ចូលចិត្តពីបណ្ដាអ្នកលេងបណ្ដាញសង្គមនោះ គឺ ក្ដឹប។
កាលពីថ្ងៃ ២១ ខែតុលា ឆ្នាំ ២០២៤ កន្លងទៅព្រះនាង ជេនណា និងញាតិវង្សានុវង្សបានរៀបចំកម្មវិធីចម្រើនព្រះជន្មជូន សម្ដេចតាក្រុមព្រះ នរោត្តម ច័ក្រពង្ស់ ដោយព្រះនាងតូចបានអញ្ជើញ ក្ដឹប ឲ្យចូលរួមក្នុងកម្មវិធីដ៏ថ្លៃថ្នូរនៃគ្រួសាររាជវង្សមួយនោះដែរ។
ក្ដឹប មានវាសនា និងសំណាងខ្ពស់ជាងតារាផ្សេងៗ ព្រោះនាយ គឺជាសំណព្វចិត្តរបស់ព្រះនាងតូច នរោត្តម ជេនណា ដោយទ្រង់មេត្តាប្រោសក្មេងដែលតស៊ូមួយនេះខ្លាំង។ ដូចនេះហើយក្នុងកម្មវិធីរបស់សែរាជវង្ស នរោត្តម ច័ក្រពង្ស់ ក្ដឹប ក៏ជាភ្ញៀវពិសេសចូលរួមញ៉ាំអាហារ និងរាំលេងកម្សាន្តក្នុងសមាជិករាជវង្សដទៃ។
ព្រះនាង នរោត្តម ជេនណា បានបង្ហោះរូបភាពជួបជុំសាលោហិត យ៉ាងសប្បាយរីករាយ និងបង្ហាញពីការប្រណិបត្តិ និងគារវកិច្ចចំពោះព្រះអយ្យកោ “ក្នុងវរកាសចម្រើនព្រះជន្មគម្រប់៧៩ ព្រះវស្សា ចៅ និងព្រះមាតា សូមបួងសួង នឹកដល់ព្រះគុណានុភាពនៃព្រះរតនត្រ័យថ្លៃថ្លា និង ទេវានុភាពដ៏ស័ក្ដិសិទ្ធិចូលមកស្ថិតអភិបាលរក្សាសម្ដេចតាក្រុមព្រះ នរោត្តម ច័ក្រពង្ស់ ជានិច្ចនិរន្តរ៍សូមពិធពរបវរមង្គលទាំង ៤ គឺ ព្រះជន្មាយុយឺនយូរជាងរយព្រះវស្សា មានព្រះឆវីវណ្ណផូរផង់ជ្រះថ្លានិមល មានព្រះកាយពលមាំមួន និង មានសុខាភិរម្យជាអចិន្ត្រៃយ៍”។
សូម្បីតែអ្នកគាំទ្រក៏គិតថា ក្ដឹប ពិតជាក្មេងមានសំណាងមែន ហើយជាក្មេងចេះយល់ការ ទើបអាចធ្វើឲ្យនាយមានឱកាសចូលរួមជាមួយសែរាជវង្សបែបនេះ។ ក្នុងនោះ គេក៏សង្កេតឃើញតារាស្រី សិទ្ធី នីកា ដែលជាសុណិសារបស់ សម្តេចក្រុមព្រះ នរោត្តម ច័ក្រពង្ស់៕
Account
Security
Favourite Content