ប៉ុន្មាននាទីមុននេះ ខាងផលិតកម្ម បារមី បានបង្ហោះសេចក្ដីជូនដំណឹងអំពីអវត្តមានសិល្បករ ១ រូបមិនបានចូលរួមនៅក្នុងកម្មវិធីមហោស្រពប្រគំតន្ត្រី Sabaidee Fest នៅទីក្រុង Chino ភាគខាងត្បូងនៃរដ្ឋ California សហរដ្ឋអាមេរិក។
Kao Sophia ជាសិល្បករមួយរូបក្នុងចំណោមសិល្បករ ២ រូបទៀតរបស់ផលិតកម្ម បារមី ដែលនឹងត្រូវទៅសម្ដែងនៅក្នុងកម្មវិធីមហោស្រពប្រគំតន្ត្រី Sabaidee Fest ដែលធ្វើឡើងចាប់ពីថ្ងៃទី ១៤ ដល់ថ្ងៃទី ១៦ ខែ មិថុនា ឆ្នាំ ២០២៤ ។ តាមរយៈការជម្រាបដំណឹងរបស់ផលិតកម្ម បារមី បានឱ្យដឹងថា ដោយសារតែមូលហេតុផ្ទាល់ខ្លួន ទើបសិល្បករ Kao Sophia មិនបានមានវត្តមានអាចចូលរួមសម្ដែងក្នុងកម្មវិធីមហោស្រពប្រគំតន្ត្រី Sabaidee Fest នោះទេ។ សាមីខ្លួនផ្ទាល់ក៏បានបង្ហាញសោកស្ដាយឡើងមកពុំបានមានវត្តមានឡើងសម្ដែង និងមិនបានជួបអ្នកគាំទ្ររបស់ខ្លួនដោយផ្ទាល់។
ក្រៅអំពីតារាចម្រៀង Kao Sophia ក៏នៅមានវត្តមានសិល្បករលំដាប់ ២ រូប កំពូលតារារ៉េប វណ្ណដា និងតារាចម្រៀងជំនាញឧបករណ៍ភ្លេងបុរាណ វណ្ណថាន នឹងមានវត្តមានក្នុងកម្មវិធីមហោស្រពប្រគំតន្ត្រី Sabaidee Fest ៕