ថ្មីៗ នេះ ផលិតកម្ម YG បានប្រកាសពីដំណឹងកុងត្រាទោលរបស់សមាជិកទាំង ៤ ជាលទ្ធផល Jennie, Jisoo, ROSE និង Lisa សុទ្ធសឹងតែមិនបន្ដកុងត្រារបស់ខ្លួនជាមួយផលិតកម្ម YG ដោយពួកគេជ្រើសបន្ដកុងត្រាផ្សព្វផ្សាយជាក្រុមប៉ុណ្ណោះ។ សមាជិក ៣ រូបរបស់ BLACKPINK រួមមាន Jisoo, ROSE និង Lisa មិនទាន់បង្ហើបពីទ្រនំថ្មីរបស់ខ្លួនឡើយ ស្របពេលដែល Jennie បានប្រកាសបើកក្រុមហ៊ុនផ្ទាល់ខ្លួនមានឈ្មោះ ODDATELIER ឬហៅកាត់ OA។

បន្ទាប់ពីប្រកាសបើកក្រុមហ៊ុនផ្ទាល់ខ្លួន ចាប់ឆ្នាំ ២០២៤ នេះតទៅ Jennie នឹងគ្រប់គ្រងរាល់សកម្មភាពផ្សព្វផ្សាយទោលរបស់នាងដោយខ្លួនឯង។ ជាមួយគ្នាដែរ កាលពីថ្ងៃទី ២ ខែ មករា ឆ្នាំ ២០២៤ Jennie បានចូលរួមកម្មវិធីរបស់តារាចម្រៀងខេប៉ុបល្បី Lee Hyorin និងបាននិយាយពីអាជីពសិល្បៈរបស់នាងផងដែរ។
រូបនាងបានលើកឡើងថា៖ នាងមានក្ដីស្រមៃចង់បញ្ចេញអាល់ប៊ុមទោលដំបូងរបស់ខ្លួនក្នុងឆ្នាំ ២០២៤ នេះ។ នាងសង្ឃឹមអាចត្រឡប់មកវិញជាមួយបទចម្រៀងថ្មី និងមានគុណភាព។




នាងបន្ដថា៖ និយាយដល់រឿងបន្ដកុងត្រា នាងសម្រេចបន្ដកុងត្រាដើម្បីផ្សព្វផ្សាយជាក្រុម ប៉ុន្ដែសម្រាប់កុងត្រាទោល នាងសម្រេចមិនបន្ដឡើយ។ ចំពោះមូលហេតុគឺនាងចង់បានសេរីភាពជាងមុន។ នាងចង់មានសេរីភាពក្នុងការជ្រើសរើសអ្វីដែលនាងចង់ធ្វើ។ នាងសម្រេចចិត្ដបើកក្រុមហ៊ុនផ្ទាល់ខ្លួនគឺដើម្បីមានឱកាសអាចធ្វើអ្វីដែលនាងចង់ធ្វើ។ នាងបង្កើតក្រុមហ៊ុន ដោយមានការជ្រោមជ្រែងពីអ្នកជិតស្និទ្ធ និងធ្លាប់រួមការងារជាមួយគ្នាច្រើនឆ្នាំ។
ក្រៅពីនេះ Jennie ក៏បានបង្ហើបពីគម្រោងចង់បញ្ចេញអាល់ប៊ុមទោលរបស់ខ្លួនឲ្យបាន នៅក្នុងឆ្នាំ ២០២៤។ នាងសង្ឃឹមថា អាចនាំយកបទចម្រៀងដែលមានគុណភាព និងពិសេស ជូនអ្នកគាំទ្រក្នុងឆ្នាំនេះផងដែរ៕

























Account
Security
Favourite Content