ក្រោយពីក្រសួងការពារជាតិប្រកាសពីទាហានថៃ បើកការបាញ់ប្រហារមកលើកងកម្លាំង និងប្រជាជនស៊ីវិលកម្ពុជា ទាំងមហាជន ក៏ដូចជាសិល្បករខ្មែរផ្សេងៗ មិនបាននៅស្ងៀមឡើយ ដោយម្នាក់ៗបានចេញមក អំពាវនាវដើម្បីឲ្យសំឡេងរបស់ខ្លួនបានឮទៅដល់សហគមន៍អន្តរជាតិ។


ព្រះនាង ជេនណា ដែលជាសិល្បករ និងសែរាជវង្សមួយអង្គ បានបង្ហោះសារនៅវេលាម៉ោង ១២៖ ៥៦ នាទីថ្ងៃត្រង់ ពីការឈ្លានពានដែលទាហានថៃ បំពាន់មកលើប្រជាជនខ្លួន។ ទ្រង់បានបង្ហោះលើបណ្ដាញសង្គមហ្វេសប៊ុកថា “ខ្ញុំពិតជាមានអារម្មណ៍រន្ធត់ចិត្តឈឺចាប់ឥតឧបមា ដែលបានឃើញពីការវាយប្រហារជាថ្មីម្ដងទៀតមកលើកម្ពុជា និងស្ថានភាពក្មេងៗរត់ចាកចេញពីសាលារៀនទៅរកគ្រួសារ ប្រជាជនជម្លៀសខ្លួនទៅរកទីកន្លែងសុវត្ថិភាពទាំងអារម្មណ៍តក់ស្លុតហេតុអ្វីពួកគេមិនអាចរស់នៅស្កប់ស្កល់ ចាំបាច់ដណ្ដើមឈ្លានពាន និងបំផ្លាញជីវិតមនុស្សដទៃ ដែលពួកយើងសុំត្រឹមតែមានជីវិតរស់នៅប៉ុណ្ណោះ“។
សែរាជវង្សខ្មែរអង្គនេះ បានបន្តទៀតថា “ក្នុងនាមខ្ញុំជាពលរដ្ឋម្នាក់ ខ្ញុំសង្ឃឹមថា សហគមន៍អន្តរជាតិនឹងយកចិត្តទុកដាក់លើករណីនេះ ហើយលើកទឹកចិត្តឲ្យមានការចរចា ដើម្បីចៀសវាងការពលីពលរដ្ឋ និងទាហានបន្ថែមទៀត ហើយយុត្តិធម៌ត្រូវតែមានសម្រាប់កម្ពុជា។ ខ្ញុំសង្ឃឹមថា ការវាយប្រហារនេះនឹងឆាប់បានផុតរលត់ ហើយនេះជាករណីចុងក្រោយ នៅក្នុងឆ្នាំចាស់នេះទៅចុះ ខ្ញុំសូមជូនពរឲ្យប្រជាជនខ្ញុំគ្រប់រូបបានសុខ ចំណែកបងប្អូនដែលកំពុងជម្លៀសខ្លួន មេត្តាថែរក្សាផ្លូវចិត្ត និងសុវត្ថិភាពផ្ទាល់ខ្លួន បងៗពូៗកងទ័ពកម្លាំងជួរមុខបានសុខសុវត្ថិភាពគ្រប់វេលា”៕




រូបភាព៖ អ៊ីនធឺណេត
























Account
Security
Favourite Content