អ្នកតាមដានវិស័យបវរកញ្ញាបានសង្កេតឃើញថា កម្ពុជាកំពុងតែមានភាពរីកចម្រើនខ្លាំងផ្នែកប្រកួតប្រជែងសម្រស់នេះ។ ជាក់ស្ដែងតាំងពីឆ្នាំមុន និងថ្មីៗនេះ គឺកម្ពុជាជោគជ័យជាបន្តបន្ទាប់ក្នុងការបញ្ជូនបវរកញ្ញាចេញទៅប្រកួតលើឆាកអន្តរជាតិ ក្នុងនោះបវរកញ្ញាវ័យក្មេងច្រើននាក់ហើយបានក្លាយជាម្ចាស់មកុដពីក្រៅប្រទេស។


ដូចកាលពីចុងខែមីនា កន្លងទៅបវរកញ្ញាវ័យក្មេងរបស់កម្ពុជា ជូរី ល្អហួស ទើបក្លាយជាម្ចាស់មកុដ Miss PreTeen Junior Idol World Official 2024 ហើយអ្នកដែលបំពាក់មកុដឲ្យល្អហួស គឺ ឃឿន ប៉ូលីកា ដែលជា Miss PreTeen Junior Idol World Official 2023 និងសុទ្ធសឹងជាជនជាតិខ្មែរដូចគ្នា។
មិនមែនមានតែ ល្អហួស ប៉ុណ្ណោះទេដែលទើបក្លាយជាម្ចាស់មកុដ Miss PreTeen Junior Idol World Official 2024 ទេ កាលពីដើមខែមីនានេះដែរបវរកញ្ញាវ័យក្មេងរបស់កម្ពុជាមួយរូបផ្សេងទៀត គឺ ហ្រ្វេតឌ្រីកសន អេរីកាស្កាយ ក៏បានក្លាយជាជយលាភី Miss Preteen Global 2024 ដែលរៀបចំឡើងនៅប្រទេសម៉ាឡេស៊ីដែរ។ អ្វីដែលកាន់តែរំភើបទាំង ជូរី ល្អហួស និង ហ្រ្វេតឌ្រីកសន អេរីកាស្កាយ ជាបេក្ខភាពប្រកួត Miss PreTeen Cambodia 2023 ហើយ ល្អហួស ជា winner និង ហ្រ្វេតឌ្រីកសន អេរីកាស្កាយ ជា1st Runner up ដល់ពេលទៅអន្តរជាតិ ឈ្នះមកុដទាំង២។


កាល ល្អហួស ទៅប្រកួតនៅប្រទេសថៃក៏មានបវរកញ្ញាវ័យក្មេងរបស់កម្ពុជា ២ រូបផ្សេងទៀតចូលរួមប្រកួតរបស់កម្មវិធី Junior Idol World Official 2024។ ទោះមិនបានមកុដ តែ កុមារី ជា អមរាសូហ្វី Little Miss Cambodia 2023 ជាលំដាប់រងទី២ ពីកម្មវិធី Little Miss Junior Idol World 2024 រួមជាមួយពានរង្វាន់ដូចជា Photogenic និង Best Interview ហើយ យិត អេលីស 2ND Runner Up Miss Teen Junior Idol World 2024។ ចំណែកបវរកញ្ញាវ័យក្មេងចេញទៅប្រកួតព្រមជាមួយ ហ្រ្វេតឌ្រីកសន អេរីកាស្កាយ នៅម៉ាឡេស៊ី គឺ ឆេង លីហ្សា ក៏បានឈ្នះតំណែង 2nd Runner up ពីការប្រកួត Little Miss Global 2024 ផងដែរ៕

























Account
Security
Favourite Content