នៅថ្ងៃទី ១៦ ខែ មករា ឆ្នាំ ២០២៤ ក្រុមចម្រៀងនារី SISTAR 19 បានបញ្ចេញបទចម្រៀងថ្មីរបស់ខ្លួនមានចំណងជើងថា No More។ ការត្រឡប់មកវិញលើកនេះគឺពិតជាត្រូវមហាជន និងអ្នកគាំទ្រជាច្រើនទន្ទឹងរង់ចាំ ដោយសារក្រុមចម្រៀងមួយនេះខកខានចេញបទចម្រៀងអស់រយៈពេល ១១ ឆ្នាំមកហើយ។



HYOLYN និង Bora ដែលជាសមាជិកក្រុមបានបង្ហាញពីអារម្មណ៍ពិតរបស់ខ្លួនក្នុងបទសម្ភាសសម្រាប់ផ្សព្វផ្សាយចម្រៀងរបស់ខ្លួន។ អ្នកទាំងពីរក៏បាននិយាយដល់ការរំសាយក្រុម SISTAR ក្នុងឆ្នាំ ២០១៧ ផងដែរ។
តារាស្រីទាំងពីរបានលើកឡើងថា៖ វាជារឿងនឹកស្មានមិនដល់ដែលអ្នកទាំងពីរមានឱកាសបញ្ចេញបទចម្រៀងរួមគ្នាម្ដងទៀតជាក្រុម។ អ្នកទាំងពីរពិតជាមានអារម្មណ៍រំភើបខ្លាំង ប៉ុន្ដែក៏ហាក់មានការព្រួយបារម្ភ ប៉ុន្ដែកំឡុងពេលផ្សព្វផ្សាយបទចម្រៀងថ្មីវាប្រាកដជាពេលវេលារីករាយមួយ។


HYOLYN និង Bora ក៏និយាយពីទំនាក់ទំនងរបស់សមាជិក SISTAR ក្រោយប្រកាសរំសាយក្រុមក្នុងឆ្នាំ ២០១៧ ដោយតាមការបញ្ជាក់របស់អ្នកទាំងពីរ សមាជិកទាំងអស់គឺនៅតែមានភាពស្និទ្ធស្នាលខ្លាំង និងបន្ដរាប់អានគ្នា។ មែនទែនទៅ សមាជិកទាំងអស់គឺឧស្សាហ៍ជួបជុំគ្នា ពួកយើងពិតជានឹកគ្នា និងតែងតែចេញដើរជាមួយគ្នា។ SOYOU ជាសមាជិកដែលតែងតែបញ្ចេញអារម្មណ៍ខ្លាំងជាងគេ ពេលខ្លះនាងយំដោយសារតែអង្គុយមើលបទចម្រៀងចាស់ៗ ដែលពួកយើងច្រៀងជុំគ្នា។
ជាមួយគ្នាដែរ នៅពេលត្រូវបានគេចោទសួរថា៖ តើសមាជិកទាំងអស់មានការស្ដាយក្រោយទេ នៅពេលប្រកាសរំសាយក្រុម?


HYOLYN និង Bora បានឆ្លើយតបថា៖ សមាជិកទាំងអស់មិនមានការស្ដាយក្រោយទេ ប៉ុន្ដែជៀសមិនផុតឡើយគឺពួកយើងមានអារម្មណ៍ពិបាកចិត្ដ ដោយសារធ្លាប់ជួបជុំគ្នា។
ជាចុងក្រោយ តារាស្រីទាំងពីរក៏បានអរគុណ ដល់អ្នកគាំទ្រជាច្រើនដែលនៅបន្ដគាំទ្រដល់ក្រុមចម្រៀង SISTAR និង SISTAR 19 ព្រមទាំងសន្យាថា បន្ដខិតខំប្រឹងប្រែងរកអ្វីដែលថ្មីមកជូនអ្នកគាំទ្រនៅពេលអនាគត៕























Account
Security
Favourite Content