កាលពីមួយរយៈមុនសមាជិកក្រុមចម្រៀងនារី Girl’s Day គឺ SoJin បានប្រកាសថា នាងរកឃើញដៃគូជីវិតពិត និងត្រៀមចូលរោងមង្គលនាពេលឆាប់ៗ។ ដំណឹងនេះ ធ្វើឲ្យក្រុមអ្នកគាំទ្រជាច្រើនសប្បាយរីករាយ និងបញ្ចេញមតិជូនពរដល់រូបនាងជាហូរហែរ។

រហូតដល់ថ្ងៃទី ១៨ ខែ វិច្ឆិកា ឆ្នាំ ២០២៣ រូបនាង និងស្វាមីតារាសម្ដែងប្រុស Lee DongHa បានដឹកដៃគ្នាចូលរោងមង្គលការជាផ្លូវការ និងបង្កើតក្រុមគ្រួសាររួមគ្នា។ សម្រាប់កម្មវិធីមង្គលការវិញគឺត្រូវបានរាយការណ៍ថាមានការចូលរួមពីក្រុមគ្រួសារ មិត្ដភក្ដិ និងមិត្ដរួមអាជីពដែលមានភាពជិតស្និទ្ធ។
ថ្វីបើកម្មវិធីរៀបការធ្វើបែបសាមញ្ញមិនធំដុំពេក ប៉ុន្ដែគ្រប់គ្នាដែលចូលសុទ្ធសឹងតែបង្ហាញទឹកមុខរីករាយខ្លាំង និងអាចបង្ហោះរូបភាពដោយសេរីទាក់ទិននឹងមង្គលការ។ បើតាមសម្ដីអ្នកដែលបានចូលរួមតារាដែលមានវត្ដមាននៅទីរួមមានដូចជា សមាជិកក្រុមចម្រៀង Girl’s Day Mina, Hyeri, Yura, Soyou សមាជិកក្រុម Sistar, តារាសម្ដែងប្រុស Ha YeonSoo, Lee Rang និង Baek SeungHwan ជាដើម។



ក្រឡេកមកមើលសមាជិកទាំង ៣ របស់ Girl’s Day វិញគឺ Mina, Hyeri, Yura បានបង្ហាញស្នាមញញឹមលាយឡំនឹងទឹកភ្នែកដោយសារតែរំភើបចិត្តជំនួស SoJin ដែលរកឃើញដៃគូជីវិត និងបានរៀបមង្គលការតាមបំណង។ មែនទែនទៅ SoJin ជាសមាជិកក្នុងក្រុមដែលមានវ័យចំណាស់ជាងគេ ហើយបើតាមសម្ដីសមាជិកក្រុមនាងពិតជាមើលថែទាំងប្អូនៗ ក្នុងក្រុមបានយ៉ាងល្អ ជាពិសេសទំនាក់ទំនងក៏ស្និទ្ធស្នាលខ្លាំងរាប់អានគ្នាដូចបងប្អូន ៕


























Account
Security
Favourite Content