ដូចប្រិយមិត្តបានជ្រាបស្រាប់ហើយថា កាលពីចុងសប្តាហ៍មុន កញ្ញា Isabella Menin ជាម្ចាស់មកុដ Miss Grand International 2022 បានធ្វើដំណើរកម្ពុជា ដើម្បីចូលរួមកម្មវិធីប្រកួតវគ្គផ្តាច់ព្រ័ត្រ Miss Grand Cambodia 2023 និងជាអនុស្សាវរីយ៍ថ្ងៃផ្ទេរតំណែងរបស់ ពេជ្រ វត្តីសារ៉ាវឌ្ឍី ទៅឱ្យម្ចាស់ជយលាភីឆ្នាំ ២០២៣ កញ្ញា ភឹម ស្រីនោ។

ក្នុងរាត្រីផ្តាច់ព្រ័ត្រដ៏អស្ចារ្យនោះ ម្ចាស់មកុដអន្តរជាតិរូបនេះបានតែងខ្លួនយ៉ាងស្រស់ស្អាត គួរជាទីទាក់ភ្នែកអ្នកចូលរួមឱ្យសុំថតរូបជាមួយនាងគ្រប់ៗគ្នា។ គួរឱ្យភ្ញាក់ផ្អើលក្នុងរាត្រីដ៏មានអត្ថន័យនោះ គេបានប្រទះឃើញ ហ្វ្រេតឌ្រីកសន អេរីកាស្កាយ (Erikasky Fredrickson) ជាកូនកាត់ ៣ សាសាន៍ ខ្មែរ-អាមេរិក-ម៉ិកស៊ិក ក៏បានចូលទៅសុំម្ចាស់មកុដ Miss Grand International 2022 ថតរូបជាមួយគ្នាទុកជាអនុស្សាវរីយ៍ផងដែរ។




យប់នោះដែរ អេរីកាស្កាយ បានស្លៀកឈុតរ៉ូបច្នៃឡើងតាមឈុត Isabella Menin បានពាក់កាលថ្ងៃនាងប្រកួតផ្តាច់ព្រ័ត្រនៅប្រទេសឥណ្ឌូនេស៊ី កាលពីឆ្នាំមុន។ អេរីកាស្កាយ មើលទៅពិតជាស្រស់ស្អាតខ្លាំងណាស់ មើលមួយភ្លែតដូចព្រះនាងតូច សូម្បីគ្រប់គ្នាដែលបានឃើញ អេរីកាស្កាយ ថតជាមួយ ម្ចាស់មកុដ Miss Grand អន្តរជាតិ ក៏នាំគ្នានិយាយថា «Bella ធំ Bella តូច» ហើយខ្លះទៀតថា «មើលទៅដូចឱ្យតម្រុយ»។



សូមជម្រាបថា ថ្មីៗនេះ ហ្វ្រេតឌ្រីកសន អេរីកាស្កាយ ទើបដណ្តើមបានតំណែង 1st Runner Up Miss Preteen Cambodia 2023។ បន្ទាប់ពីជាប់ជយលាភី អេរីកាស្កាយ ចាប់ផ្តើមចេញមុខតាមកម្មវិធីសិល្បៈជាច្រើន និងទទួលធ្វើការងារសិល្បៈជាហូរហែ៕























Account
Security
Favourite Content