ដូចប្រិយមិត្តបានជ្រាបហើយថា អតីតម្ចាស់មកុដ Miss Teen International Cambodia 2021កញ្ញា ឌី បញ្ញាវិមាលា បានបោះជំហានចូលប្រកួតកម្មវិធី Miss Grand Cambodia ក្នុងឆ្នាំ ២០២៤ នេះ ដោយនាងបានដាក់ពាក្យចូលរួមប្រកួត Miss Grand Siem Reap ស្ថិតក្រោមការគ្រប់គ្រងរបស់អតីតតារាចម្រៀង អេនជី។

សម្រាប់ការប្រកួតថ្នាក់ខេត្តនេះ បវរកញ្ញាវ័យក្មេងពោរពេញដោយសមត្ថភាព និងភាពក្លាហាន វិមាលា ជាបេក្ខភាព MGSR ប្រាសាទបេងមាលា។ បច្ចុប្បន្នសោភាពរូបស្រស់នេះកំពុងមមាញឹកហាត់សម ពង្រឹងសមត្ថភាព ដើម្បីប្រកួតប្រជែងដណ្តើមមកុដរាជិនីសម្រស់ប្រចាំខេត្តសៀមរាប ឆ្ពោះទៅការប្រកួតថ្នាក់ជាតិនាពេលឆាប់ៗខាងមុខ។
អតីត Miss Teen International Cambodia 2021 ហាក់មិនញញើតវេទិកាប្រកួតដ៏ធំនេះឡើយ ផ្ទុយទៅវិញនាងបានប្រាប់ឱ្យអ្នកសារព័ត៌មានសិល្បៈក្នុងស្រុកដឹងថា នាងត្រៀមខ្លួនជាស្រេច សម្រាប់ការប្រកួតដ៏អស្ចារ្យនេះ ព្រោះមុនដាក់ពាក្យប្រកួតនាងបានចំណាយពេលសិក្សាស្វែងយល់ពីកម្មវិធីយ៉ាងលម្អិត និងបានដឹងពីអ្វីដែលកម្មវិធីត្រូវការ។




បេក្ខភាព MGSR ប្រាសាទបេងមាលា លើកឡើងថា វេទិកា Grand មិនមែនត្រូវការតែសម្រស់មួយមុខទេ ប៉ុន្តែសមភូមិ Miss Grand ត្រូវការទាំងចំណេះដឹង ភាពឆ្លាត វាងវៃ និងភាពរហ័សរហួនផងដែរ។ ដើម្បីដណ្តើមភាពជោគជ័យក្នុងសមភូមិដ៏ក្តៅគគុកនេះ មាលា បានពង្រឹងសមត្ថភាពសិល្បៈគ្រប់ផ្នែកដូចជា ការដើរ សម្តែង ការច្រៀង-រាំ ដោយនាងអាចរាំបានទាំងរបាំបុរាណ និងចង្វាក់បែបសម័យទំនើប។


MGSR ប្រាសាទបេងមាលា ជឿជាក់ថា នាងនឹងអាចដណ្តើមយកមកុដ Miss Grand Siem Reap បាន ដោយសារតែនាងមានទំនុកចិត្ត និងភាពជឿជាក់ខ្ពស់លើសមត្ថភាពខ្លួនឯង។ បរវកញ្ញាវ័យ ១៨ ឆ្នាំនេះ ប្តេជ្ញាមិនធ្វើឱ្យពុកម៉ែបងប្អូនខកបំណងនោះឡើយ។
ឆ្លៀតឱកាសនេះ ឌី បញ្ញាវិមាលា សូមថ្លែងអំណរគុណដល់ហ្វេនៗទាំងអស់ដែលតែងតែគាំទ្រនាងតាំងពីដើមរហូតមកទល់ពេលនេះ សូមអ្នកទាំងអស់គ្នាកុំភ្លេចតាមដានដំណើរការប្រកួត Miss Grand Siem Reap និងជួយបោះឆ្នោតគាំទ្រនាងឱ្យបានច្រើន ដើម្បីមានឱកាសឈានដណ្តើមមកុដរាជនីសម្រស់ប្រចាំខេត្តសៀមរាប៕
























Account
Security
Favourite Content