ធីតាឯកសង្ក្រាន្តរដូវកាលទី៣ ពាក់ស្លាកលខ ០០៥ កញ្ញា ជា សោភា គឺជាជយលាភីលំដាប់រងទី១ ហើយបច្ចុប្បន្នកំពុងតែសាយភាយឈ្មោះតាមរយៈតួអង្គ ពិសី ក្នុងរឿង «ភ្លើងឆេះក្លឹបក្រោមដី»។ មុនពេលសម្ដែងក្នុងរឿង សោភា គឺជាតួអង្គទេវតាដ៏ស្រស់ស្អាតផូរផង់ តែគ្រានោះមិនសូវមានអ្នកស្គាល់ច្រើនប៉ុន្មានឡើយ។


លុះពេលចូលមកសម្ដែងជាតួអង្គព្រាយចូលសណ្ឋិតដ៏គួរឲ្យខ្លាច និងឆក់បានការចាប់អារម្មណ៍ខ្លាំងក្នុងរឿង «ភ្លើងឆេះក្លឹបក្រោមដី» ដែលជារឿងពិតនាពីឆ្នាំ ២០២១។ កញ្ញាគឺជាស្រីស្អាតធីតាឯកសង្ក្រាន្ត និងបានតំណាងជាតួអង្គទេវតាឆ្នាំថ្មី បុត្រីទី៧កបិលមហា ព្រហ្ម ព្រះនាមមហោទរាទេវី កាលពីឆ្នាំ ២០២២។ តួអង្គ ពិសី ដែលសម្ដែងក្នុងរឿងត្រូវព្រាយចូលនោះ ត្រូវបានអ្នកដែលទៅទស្សនានៅរោងកុនសរសើរថាលេងសមខ្លាំង ទាំងទឹកមុខ កាយវិការ និងពាក្យសម្ដីដែលនិយាយចេញមក ដូចពិតៗតែម្ដង។
រឿង «ភ្លើងឆេះក្លឹបក្រោមដី» គឺជាការផលិតរបស់ LD Entertainment និងបានដាក់បញ្ចាំងតាំងពីថ្ងៃ២០ ខែមីនា ឆ្នាំ ២០២៥ នៅគ្រប់រោងភាពយន្តទាំងអស់ មិនថានៅទីក្រុងភ្នំពេញឡើយ នៅតាមបណ្ដាលខេត្តជាច្រើនក៏មានចាក់បញ្ចាំងដែរ។


ជា សោភា ឬ ពិសី កាន់តែមានឈ្មោះបោះសំឡេងច្រើនជាងពេលមុនៗ គ្រាន់តែរឿងចាប់ផ្ដើមចាក់បញ្ចាំង។ អ្នកដែលបានទៅមើលបាននិយាយពីឈ្មោះ និងសកម្មភាពតួអង្គលេចធ្លោជាងគេក្នុងរឿង គឺ ពិសី នេះឯង។ ការបញ្ចេញទឹកមុខគួរឲ្យព្រឺព្រួច ស្នាមញញឹម គួរឲ្យខ្លាច សុទ្ធតែជាការទេពកោសល្យដែលធ្វើឲ្យទស្សនិកជនដក់ជាប់ក្នុងចិត្ត នឹកឃើញក៏ខ្លាច ពិសី វគ្គត្រូវព្រាយចូលសណ្ឋិតក្នុងខ្លួន។
សម្រាប់អ្នកដែលទៅមើលរឿងនោះហើយ បានលកឡើងលើបណ្ដាញសង្គមពីរឿងតួអង្គ ពិសី សឹងតែគ្រប់គ្នា។ អ្នកលេងហ្វេសប៊ុកបាននាំគ្នានិយាយលេងថា ពេលជាតួអង្គទេវតា បែរជាមិនសូវមានអ្នកស្គាល់ តែពេលដើរព្រាយ បែរជាល្បីឈ្មោះខ្លាំងទៅវិញ។ បើនិយាយពីរូបសម្រស់ កម្ពស់កំព រាងរៅ ស្រស់ស្អាត ស្រឡូនសមសួនជាតួឯក និងលំដាប់រងទី១ ធីតាឯកសង្ក្រាន្តរដូវកាលទី៣ ពិតៗ។


គួរបញ្ជាក់ថារឿង «ភ្លើងឆេះក្លឹបក្រោមដី» ផលិតឡើងពីរឿងពិតជាក់ស្ដែង ដែលហេតុការណ៍បានកើតឡើងតាំងពីឆ្នាំ ២០២១ នៅខេត្តសៀមរាប។ សោភា ក៏ជាតួអង្គក្នុងរឿង «ចំណងស្នេហ៍ ព្រះងាំង» ដែលកំពុងចាក់ផ្សាយលើកញ្ចក់ទូរទស្សន៍បាយ័នរៀងរាល់ថ្ងៃចន្ទ -ព្រហស្បតិ៍ វេលាម៉ោង ៧ ដល់ ៨ យប់។
ក្រៅពីរឿង «ភ្លើងឆេះក្លឹបក្រោមដី»,«ចំណងស្នេហ៍ ព្រះងាំង» ជា សោភា ក៏បានសម្ដែងរឿងជាច្រើនរួចមកហើយឲ្យផលិតកម្មក្នុងស្រុក មានទាំងរឿងបែបបុរាណ និងបែបសម័យ៕




រូបភាព៖ ពិសី

























Account
Security
Favourite Content