តារាសម្ដែងជើងចាស់ និងជាអតីតប្រធានសមាគមសិល្បករខ្មែរអ្នកនាង ចន ច័ន្ទលក្ខិណា បានចូលរួមបរិច្ចាគទឹកប្រាក់ ដើម្បីជួយដល់នារីរងគ្រោះក្នុងឧបទ្ទវហេតុគ្រោះថ្នាក់ចរាចរណ៍ដ៏សែនរន្ធត់លើបណ្ដោយផ្លូវ ៦០ ម៉ែត្រកាលពីពេលថ្មីៗនេះ។
មហាជនប្រាកដជាបានជ្រាបហើយថាកាលពីថ្ងៃ១០ មករា ២០២៥ វេលាម៉ោង ៥៖៣០ ល្ងាចមានហេតុការណ៍គ្រោះថ្នាក់ចរាចរណ៍ដ៏រន្ធត់មួយបានកើតឡើងនៅតាមបណ្ដោយផ្លូវ ៦០ ម៉ែត្រ ដែលបណ្ដាលឱ្យបុរសជាប្ដី និងកូន ២ នាក់បានបាត់បង់ជីវិត រីឯស្ត្រីជាម្ដាយរងរបួសធ្ងន់លើជើងម្ខាងត្រូវបានបញ្ជូនទៅកាន់មន្ទីរពេទ្យភ្លាមៗដើម្បីសង្គ្រោះ។
ក្រោយការសង្គ្រោះនៅមន្ទីរពេទ្យអស់ជាច្រើនថ្ងៃពេលនេះនារីរងគ្រោះត្រូវបញ្ជូនទៅទទួលការព្យាបាលបន្តនៅឯប្រទេសវៀតណាមក្នុងរយៈពេល (១ខែ) តែដោយសារការព្យាបាលនៅទីនោះមានតម្លៃថ្លៃ (ក្នុង១ថ្ងៃ១៦លានដុងស្មើ ៦៤៦ ដុល្លាអាមេរិក) ខណៈក្រុមគ្រួសារពុំមានលទ្ធភាពក្នុងការព្យាបាលទើបឪពុករបស់នារីរងគ្រោះបានសម្រេចចិត្តបង្ហោះសារសុំជំនួយពីសប្បុរសជនជិតឆ្ងាយ។ គ្រាន់ទទួលបានព័ត៌មាននេះភ្លាមតារាសម្ដែងជើងចាស់អ្នកនាង ចន ច័ន្ទលក្ខិណា បានបរិច្ចាគជាទឹកប្រាក់ចំនួន ដើម្បីជួយជាចំណែកក្នុងការព្យាបាលនារីរងគ្រោះនៅក្នុងហេតុការណ៍គ្រោះថ្នាក់ចរាចរណ៍ដ៏រន្ធត់នេះ។
តាមរយៈការបរិច្ចាគនេះដែរអ្នកនាង ចន ច័ន្ទលក្ខិណា ក៏បានជូនពរឱ្យជើងរបស់នារីរងគ្រោះអាចវិលត្រឡប់មករកសភាពដើម និងទទួលបានផ្លូវចិត្តរឹងមាំឡើងវិញ ព្រមទាំងអំពាវនាវទៅដល់បងប្អូនមហាជនឱ្យចូលរួមជួយបរិច្ចាគជួយប្អូនស្រីទៅតាមលទ្ធភាព៕
ប្រភពរូបភាព ៖ FB Chanlakhena Chorn