Jimin សមាជិកក្រុមចម្រៀងកំពូល BTS បានបង្កើតប្រវត្តិសាស្ត្រថ្មីជាសិល្បករទោលរបស់កូរ៉េខាងត្បូងដំបូងគេដែលជាប់ចំណាត់ថ្នាក់លេខ ១ នៅលើតារាងបទចម្រៀងកំពូលរបស់សហរដ្ឋអាមេរិក នេះបើយោងទៅតាមការប្រកាសរបស់ Billboard Hot 100 កាលពីថ្ងៃចន្ទកន្លងទៅនេះ។
តាមពិតទៅ គ្រប់សមាជិកនៃក្រុម BTS ផ្សេងទៀតសុទ្ធតែធ្លាប់បានចេញបទចម្រៀងទោលផ្ទាល់ខ្លួនខ្លះហើយ ប៉ុន្តែមិនជោគជ័យធំដូច Jimin ឡើយ។

Billboard បានរាយការណ៍បទចម្រៀង «Like Crazy» ទទួលបានភាពជោគជ័យខ្លាំងរហូតធ្វើឲ្យការលក់នៃ ចម្រៀងទាំង ៥ ប្រភេទរបស់បទនេះហក់ឡើងខ្ពស់មែនទែន។ បទចម្រៀងថ្មីរបស់ Jimin នេះលក់ក្នុងការទាញយក (Download) បានចំនួន ២៥៤ ០០០ ដង និងមានអ្នកចូលស្ដាប់ (Stream) ១០លានដង។ លើសពីនេះ Billboard បានបញ្ជាក់ថា គិតត្រឹមសប្តាហ៍ដំបូងបទនេះត្រូវបានចាក់ផ្សាយតាមវិទ្យុចំនួន ៦៤ ០០០ ដង។
គួរជម្រាបថា បទចម្រៀង Like Crazy កំពុងកាន់កាប់តំណែងលេខ ១ នៅលើតារាង Billboard’s Hot 100 នៅសប្តាហ៍នេះ និងបានធ្វើឲ្យបទ Flowers របស់ Miley Cyrus ធ្លាក់ចេញពីតំណែងកំពូលតារាងក្រោយ កាន់កាប់អស់រយៈពេល ៨សប្តាហ៍។
ជាមួយគ្នានេះដែរ អាល់ប៊ុមរបស់ Jimin ក៏បានជាប់ចំណាត់ថ្នាក់លេខ២ នៅលើ Billboard និងជាប់ជាអាល់ប៊ុមទោលរបស់តារាចម្រៀងកូរ៉េខាងត្បូងដែលជាប់ចំណាត់ថ្នាក់ខ្ពស់បំផុត៕


























Account
Security
Favourite Content