យោងតាមការចុះផ្សាយរបស់សារព័ត៌មាន Daily Mail កាលពីថ្ងៃទី៨ ខែកញ្ញា កន្លងទៅ ក្រុមគ្រួសារ និងអ្នកគាំទ្រកំពុងតែព្រួយបារម្ភចំពោះស្ថានភាពផ្លូវចិត្តរបស់ Britney Spears ដោយតារាស្រីកំពុងរស់នៅក្នុងផ្ទះដែលមិនមានរបៀបរៀបរយ និងមានលាមកសត្វឆ្កែ ដែលមិនបានសម្អាតឱ្យបានត្រឹមត្រូវ។

ដ្បិតសុខភាពផ្លូវចិត្តរបស់តារាស្រីវ័យ ៤៣ បានជួបប្រទះនឹងបញ្ហាជាច្រើនឆ្នាំទៅហើយក្ដី តែប្រភពដដែលបានរាយការណ៍ថា មិនមានអន្តរាគមន៍ពិសេសណាមួយ ដែលបានជួយស្ដារស្ថានភាពរបស់នាងឱ្យប្រសើរជាងមុននោះទេ។ ទាក់ទងនឹងបញ្ហាថ្មីៗនេះ សមាជិកម្នាក់ពីគ្រួសាររបស់តារាស្រីវ័យ ២៤ឆ្នាំ ក៏បានឱ្យដឹងដែរថា៖ “បច្ចុប្បន្ននេះ ស្ថានភាពរបស់ Britney មិនល្អនោះទេ ហើយគ្រប់គ្នាបារម្ភពីអនាគរបស់នាង”។
បន្ថែមពីបញ្ហាផ្លូវចិត្ត ប្រធានបទដែលសាធារណជនកំពុងតែព្រួយបារម្ភបំផុតនៅគ្រានេះ គឺបរិយាកាសរស់នៅរបស់ Britney Spears ដោយជនអនាមិកម្នាក់បានប្រាប់សារព័ត៌មានថា៖ “ផ្ទះរញ៉េរញ៉ៃ ហើយមានកាកសំណល់របស់សត្វឆ្កែនៅពេញផ្ទះ ដោយមិនបានសម្អាត។ អ្នកសម្អាតគាត់អត់ចូលមកសម្អាតរាល់ថ្ងៃទេ ហើយនាងធ្វើខ្លួនមិនដូចជាមនុស្សធំទូទៅឡើយ”។

ជាក់ស្ដែង សាធារណជនបាននិយាយពីប្រធានបទនេះជាលើកដំបូងកាលពីចុងខែសីហា កន្លងទៅ បន្ទាប់ពីម្ចាស់បទ Toxic រូបនេះ បានបង្ហោះវីដេអូនៅក្នុងផ្ទះឯរដ្ឋកាលីហ្វ័រញ៉ា ជាមួយនឹងរបស់របររាយប៉ាយ និងមានលាមកសត្វនៅលើការ៉ូផ្ទះ។
គួររំឭកផងដែរថា ចាប់តាំងពីឆ្នាំ ២០០៨ ដល់ឆ្នាំ ២០២១ ពោលគឺ ១៣ឆ្នាំ តុលាការសហរដ្ឋអាមេរិកបានសម្រេចឱ្យ Britney Spears ស្ថិតនៅក្រោមការគ្រប់គ្រងរបស់ឪពុកបង្កើតរបស់នាង ព្រោះតែហេតុផលសុខភាពផ្លូវចិត្ត ដោយកំណត់មិនឱ្យនាងមានសិទ្ធិក្នុងការសម្រេចចិត្តទៅរឿងផ្ទាល់ខ្លួន និងរឿងទាក់ទងនឹងហិរញ្ញវត្ថុ។
លុះមានសេរីភាពឡើងវិញ ម្ដងម្កាល អ្នកម្ដាយកូន ២រូបនេះក៏ត្រូវប្រឈមមុខនឹងបញ្ហាចម្រូងចម្រាស តាមរយៈសកម្មភាពលើបណ្ដាញទំនាក់ទំនងសង្គម ដូចជា ការបង្ហោះរូបអាក្រាតកាយ និងវីដេអូដែលនាងកាន់កាំបិតរាំជាដើម៕


























Account
Security
Favourite Content