កំលុងពេលស្នាក់នៅក្នុងទីក្រុង Atlanta រដ្ឋ Georgia សម្រាប់កម្មវិធីប្រគំតន្រ្តី Cowboy Carter អ្នករាំរបស់ Beyoncé បានរាយការណ៍ថា មានចោរបានចូលលួច Hard Drive ចំនួន ៥ ដែលមានបទចម្រៀងថ្មីមិនទាន់បានចេញផ្សាយ និងរបស់របរមានតម្លៃជាច្រើនទៀត ពីក្នុងឡានដែលចតចោល។

យោងតាមការចុះផ្សាយរបស់សារព័ត៌មាន CBS គ្រូបង្ហាត់រាំរបស់តារាចម្រៀងស្រីវ័យ ៤៣ មានឈ្មោះថា Christopher Grant បានរាយការណ៍ទៅកាន់ប៉ូលីសលើអំពើចោរកម្ម ដោយចោរបានចូលលួចវ៉ាលីចំនួន ២ ពីក្នុងរថយន្តម៉ាក Jeep Wagoneer ដែលខ្លួនបានចតចោលក្បែរផ្សារ Krog Street អស់ពេលជិតមួយម៉ោង។
Christopher Grant និងអ្នករាំម្នាក់ទៀត ឈ្មោះថា Diandre Blue បានឱ្យដឹងថា ក្រោយពីបំពេញភារកិច្ចរបស់ខ្លួនរួច ពួកគេបានត្រឡប់មកវិញដោយឃើញបង្អួចរថយន្តរងការខូចខាត ហើយវ៉ាលីចំនួន ២បានបាត់ រួមគ្នាជាមួយនឹង Hard Drive ចំនួន ៥ បទចម្រៀងថ្មីដែលមិនទាន់បានចេញផ្សាយ ផែនការថត និងរៀបចំខនសឺត Cowboy Carter ទាំងកម្មវិធីដែលធ្វើរួចហើយ និងគម្រោងអនាគត កុំព្យូទ័រ កាបូប ខោអាវ និងឯកសារសំខាន់ផ្សេងទៀត។
ក្រោយពីបានធ្វើការពិនិត្យ និងរកឃើញស្នាមមេដៃស្រាលៗចំនួន ២នៅលើរថយន្ត បច្ចុប្បន្ននេះ ប៉ូលិសបានចេញដីកាចាប់ខ្លួនជនសង្ស័យទៅហើយ ក៏ប៉ុន្តែនៅមិនទាន់មានការចាប់ខ្លួនបុគ្គលម្នាក់ណានៅឡើយទេ ឯអត្តសញ្ញាណនៃជនសង្ស័យក៏មិនទាន់បានបើកបង្ហាញដូចគ្នា៕

























Account
Security
Favourite Content