កាលពីថ្ងៃទី ៣០ ឧសភា សិល្បករចិនជាច្រើនបានប្រមូលផ្តុំគ្នានៅក្នុងព្រឹត្តិការណ៍សប្បុរសធម៌ Bazaar Icons 2023។ តារាលំដាប់ A របស់ចិនជាច្រើនដូចជា Zhao Liying, Dilraba, Tang Yan, Angelababy, និង Yang Zi ជាដើមបានបង្ហាញវត្តមានធ្វើឱ្យរាត្រីនោះក្លាយជាព្រឹត្តិការណ៍ធំបំផុតប្រចាំឆ្នាំមួយក្នុងវិស័យសិល្បៈចិន។

Dilraba បានក្លាយជាទីចាប់អារម្មណ៍ខ្លាំងយ៉ាងជាមួយនឹងរ៉ូបកន្ទុយត្រីពណ៌ផ្ទៃមេឃបង្ហាញដើមទ្រូងយ៉ាងស៊ិចស៊ី ដែលធ្វើឱ្យរូបភាពរបស់នាងបានក្លាយជាប្រធានបទពេញនិយមលេខ១លើ Weibo។ ស្នាដៃកំពុងរបស់នាងគឺភាពយន្តភាគ “Prosecution Elite” ដែលទើបចាក់ផ្សាយភាគដំបូងនៅសប្ដាហ៍នេះ។

Zhao Liying ក៏ទាក់ទាញការចាប់អារម្មណ៍ជាច្រើនដែរជាមួយនឹងរូបសម្រស់បែបប្រណីត និងទាក់ទាញ។ បច្ចុប្បន្នអាជីព និងកេរ្តិ៍ឈ្មោះរបស់តារាវ័យ ៣៥ឆ្នាំរូបនេះកំពុងស្ថិតនៅចំណុចកំពូល និងឈានទៅមុខជាលំដាប់ ខណៈរឿងភាគចុងក្រោយរបស់នាង “Wild Bloom” ក៏បានទទួលជោគជ័យយ៉ាងខ្លាំងដែរ។

Angelababy ត្រូវបានគេចាត់ទុកថាជាតារាដែលមានឋានៈល្អបំផុតនៅក្នុងព្រឹត្តិការណ៍នេះ។ តារាស្រីរូបនេះនៅតែជាមុខមាត់ដ៏ពេញនិយមរបស់ពិភពហ្វេសិនរបស់ចិន ខណៈដែលនាងកាន់កិច្ចសន្យាផ្សាយពាណិជ្ជកម្មជាមួយម៉ាកល្បីៗជាច្រើន ហើយក៏បានលេចមុខលើក្របទស្សនាវដ្តីធំៗជារឿយៗដែរ។

រូបសម្រស់ Yang Zi ត្រូវបានអ្នកគាំទ្រសរសើរជាមួយរ៉ូបពណ៌ទឹកក្រូច ប៉ុន្តែក៏មានការលើកឡើងជាច្រើនដែរថារូបថតលើកម្រាលព្រំរបស់នាងមើលទៅមិនជះសម្រស់ដូចរូបថតពីស្ទូឌីយោសោះ។

Tang Yan នៅតែមើលទៅក្មេង មានមន្តស្នេហ៍ជាមួយស្ទីលតែងខ្លួនបែបស្រស់ស្រទន់ក្នុងវ័យ ៤០ឆ្នាំ។ តារាស្រីរូបនេះ ធ្វើឲ្យអ្នកគាំទ្រព្រួយបារម្ភ ដោយសារតែនាងមិនបានប្រកាសគម្រោងថតរឿងថ្មីមួយរយៈធំមកហើយ។


ចំណែក តារាសម្ដែង Victoria Song ក៏ត្រូវបានអ្នកគាំទ្រព្រួយបារម្ភដែរជាមួយនឹងរូបរាងស្គម ស្គាំងរបស់នាង។ តារាស្រីកើតនៅឆ្នាំ ១៩៨៧ មានឈ្មោះល្បីល្បាញទាំងក្នុងវិស័យចម្រៀង និងវិស័យភាពយន្ត។ នាងធ្លាប់ជាមេក្រុមខេប៉ុប f(x) ហើយបន្ទាប់ពីត្រលប់ទៅប្រទេសចិនវិញនាងបានប្រឡូកការសម្ដែងភាពយន្តជាច្រើន។
ក្រៅពីវត្តមានតារាស្រី កម្មវិធីនេះក៏មានតារាប្រុសល្បីៗជាច្រើនចូលរួមដែរដូចជាតួ F4 តៃវ៉ាន់ Jerry Yan, ប្អូនប្រុស Fan Bingbing – Fan Chengcheng, Gong Jun និង Li Xian ជាដើម ៕






























Account
Security
Favourite Content