កញ្ញា ស៊ីន យូប៊ីន បានធ្វើរឿងគួរឱ្យសរសើរមួយ សម្រាប់ជួយប្រម៉ូដម្ហូបអាហារខ្មែរ ទៅលើឆាកអន្តរជាតិក្នុងព្រឹត្តិការណ៍របស់ BVLGARI ក្នុងខេត្តសៀមរាបនាល្ងាចថ្ងៃ២១ ខែកុម្ភៈ ឆ្នាំ ២០២៤ នេះ នៅប្រាសាទបាយ័ន។


ដោយសារតែកម្មវិធីមួយនេះជាព្រឹត្តិការណ៍អន្តរជាតិ មានតារាល្បីៗជាច្រើននាក់ចូលរួម ព្រមទាំងនាយកប្រតិបត្តិ BVLGARI លោក Jc Babin ថ្នាក់ដឹកនាំកំពូលនៃក្រុមហ៊ុនលំដាប់ពិភពលោក ទើបតារាសម្ដែងស្រីជួរមុខ ស៊ីន យូប៊ីន នឹកឃើញវិធីសាស្ត្រ ដើម្បីជួយដល់ប្រជាពលរដ្ឋខ្មែរក្នុងតំបន់ តាមរយៈការប្រម៉ូដម្ហូបអាហារដែលកំពុងល្បីស្រាប់។
ជាក់ស្ដែង Friends of the House របស់ Bvlgari ដែលជាតារាខ្មែរ បានទិញនំអាកោត្នោត, ប្រហិតឆឹង គ្រាប់ស្វាយចន្ទី និងតំណាប់ស្វាយទៅជូនតារាល្បីៗជាច្រើនជា Friends of the House មកពីតាមបណ្ដាប្រទេសនានា ដើម្បីភ្លក់រសជាតិ។ ខណៈដែលតារាទាំងអស់នោះ ក្រោយពីបានភ្លក់ហើយ ក៏បង្ហោះសរសើរថាឆ្ងាញ់នៅលើបណ្ដាញសង្គម Instagram ផ្ទាល់ខ្លួនរបស់គេថែមទៀត។


នេះជាការជួយប្រម៉ូដដោយប្រយោល និងបានទទួលផលចំណេញខ្លាំងមែនទែន ព្រោះតារាដែលចូលរួម BVLGARI AETERNA EVENT នេះ សុទ្ធតែលំដាប់ពិភពលោកទៅហើយ។ ដូចដែលគ្រប់គ្នាបានឃើញស្រាប់ Mai Davika ស្រីមានប្រជាប្រិយភាពខ្លាំងទាំងក្នុងតំបន់អាស៊ី និងនៅអឺរ៉ុបក៏បង្ហោះរូបអង្គុយហូបនំអាកោខ្ទិះ និងប្រហិតឆឹង ដែល យូប៊ីន ទិញផ្ញើផងដែរ។
នេះសបញ្ជាក់ឱ្យឃើញថា យូប៊ីន ពិតជាមានទឹកចិត្ត ព្រមទាំងគំនិតឈ្លាសវៃជួយដល់ពលរដ្ឋខ្មែរ ក៏ដូចជាលើកស្ទួយអាហារដ៏ពេញនិយមនៅតំបន់អង្គរពិតមែន តាមរយៈវិធីសាស្ត្រដ៏ល្អមួយនេះ។ គេសង្ឃឹមថា ក្រោយពីមានការជួយប្រម៉ូដហើយ ម្ហូបខ្មែរ ជាពិសេសអាហារដ៏ល្បីនៅម្ដុំរមណីយដ្ឋានអង្គរនឹងទទួលបានការគាំទ្រកាន់តែច្រើនពីសំណាក់ភ្ញៀវទេសចរណ៍ជាតិ និងអន្តរជាតិជាក់ជាមិនខាន។
សូមបញ្ជាក់ដែរថា BVLGARI AETERNA EVENT នឹងប្រារព្ធឡើងនៅប្រាសាទបាយ័ន ទឹកដីខេត្តសៀមរាប ហើយ CEO របស់ BVLGARI និងក្រុមការងារក៏បាន។ ក្នុងនោះក៏មានវត្តមានតារាល្បីៗជុំវិញពិភពលោកដែលជាអ្នកតំណាងឱ្យ BVLGARI ចូលរួមផងដែរដូចជា តារាខ្មែរ ថៃ វៀតណាម ហ្វីលីពីន ព្រមទាំងដំណឹងថាមានចិន កូរ៉េ និងតារាហូលីវូដជាដើម៕




































Account
Security
Favourite Content