អ្នកគាំទ្រជាច្រើនរបស់តារាសម្ដែងស្រីល្បី Angelababy ហាក់មានអារម្មណ៍រំភើបរីករាយក្រោយរូបនាងទំនងជាអាចបង្ហាញសកម្មភាពដូចដើមឡើងវិញ បន្ទាប់ពីជួបរឿងអាស្រូវកាលពីចុងឆ្នាំ ២០២៣។



បន្ទាប់ពីបាត់ខ្លួនជាផ្លូវការអស់រយៈពេលជាង ៣ ខែ នៅដើមខែ កុម្ភៈ ឆ្នាំ ២០២៤ បណ្ដាញសង្គមផ្លូវការ Weibo, Douyin របស់តារាស្រី Angelababy ត្រូវបានបើកឲ្យប្រាស់ឡើងវិញ និងអាចបង្ហោះរូបថែមទៀតផង។ ឆ្លៀតឱកាសនោះ តារាស្រី Angelababy ក៏បានបង្ហោះអបអរ និងជូនពរក្នុងឱកាសចូលឆ្នាំប្រពៃណីចិន។



រូបនាងបានបង្ហាញខ្លួនក្នុងកម្មវិធី One & Only one Za’abeel នៅទីក្រុង ឌូបៃ ផងដែរ។ តារាស្រី Angelababy បានចូលរួមក្នុងកម្មវិធីប្រេនជាច្រើនដូចជា OSM និងផ្សេងៗទៀត។



មិនទាន់អស់នៅឡើយ តារាស្រីវ័យ ៣៤ ឆ្នាំរូបនេះក៏បានចូលរួមជាភ្ញៀវកិត្ដិយសក្នុងកម្មវិធី BAFTA Gala 2024 នៅឯទីក្រុង London និងបង្ហាញស្នាមញញឹមយ៉ាងស្រស់ស្អាត។ ក្រឡេកមកមើលសម្រស់របស់នាងគឺកាន់តែស្រស់ស្អាតជាងមុនទៅទៀត។ ការបង្ហាញមុខជាសាធារណៈឡើងវិញ ធ្វើឲ្យគេជឿថា រូបនាងគឺបានដោះស្រាយបញ្ហានៅពីក្រោយរួចរាល់ចប់សព្វគ្រប់ និងអាចត្រឡប់ចូលវិថីសិល្បៈចិនវិញ។ ជាពិសេស រឿងភាគទាំងឡាយដែលនាងបានថតរួចរាល់ និងអាចចាក់ផ្សាយក្នុងពេលឆាប់ៗ ខាងមុខ។








គួរបញ្ជាក់ថា កាលពីចុងឆ្នាំ ២០២៣ អាជីពសិល្បៈរបស់តារាសម្ដែងស្រីល្បី Angelababy ត្រូវបានដើរមកដល់ចំណុចគ្រោះថ្នាក់មួយ។ រូបនាងប្រឈមមុខនឹងការដាក់ចូលបញ្ចូលបញ្ជីខ្មៅរបស់ប្រទេសចិន។ ចំពោះមូលហេតុដោយសារតែនាងត្រូវបានគេចោទប្រកាន់ថាបានចូលរួមទស្សនាការសម្ដែងរបស់ Lisa នៅឯកម្មវិធី Crazy House កាលពីខែ កញ្ញា ឆ្នាំ ២០២៣ កន្លងទៅ។ ដំបូងនាងត្រូវបានគេកាត់ឈ្មោះចេញពីកម្មវិធីនានា និងបាត់មុខមួយរយៈ។ រហូតដល់ដើមខែ វិច្ឆិកា ឆ្នាំ ២០២៣ គណីបណ្ដាញសង្គមធំៗ របស់នាងចាប់ផ្ដើមត្រូវគេបិទជាផ្លូវការមិនឲ្យបង្ហោះ និងបញ្ចេញមតិនានាទៀត៕


























Account
Security
Favourite Content