សមាជិកទាំង ៤ របស់ BLACKPINK សម្រេចបន្ដកុងត្រាជាមួយ YG នេះបើយោងតាមប្រភពព័ត៌មានកូរ៉េ Iigan Sports។ ជាមួយគ្នាដែរ ផលិតកម្ម YG ក៏បានចេញបញ្ជាក់ពីការបន្ដកុងត្រានេះថា៖ បន្ទាប់ពីចរចាគ្នាអស់រយៈពេលជាយូរ និងគិតគូរយ៉ាងច្បាស់លាស់រួចមក សមាជិកទាំង ៤ របស់ BLACKPINK សម្រេចបន្ដកុងត្រា និងបន្ដសកម្មភាពជាក្រុមក្នុងផលិតកម្ម YG។

បន្ថែមពីលើនេះ YG បានបញ្ជាក់ទៀតថា អ្នកគាំទ្រអាចរំពឹងនឹងបានឃើញពីសកម្មភាពកាន់តែច្រើនរបស់សមាជិកទាំងអស់នាពេលអនាគត រួមមានអាល់ប៊ុមថ្មី ការប្រគំតន្ដ្រីទេសចរណ៍។ ខាងផលិតកម្មពិតជាមានអារម្មណ៍រីករាយដែលអាចសហការជាមួយក្រុមចម្រៀង BLACKPINK ទៀត។ ពួកយើងនឹងបន្ដប្រឹងប្រែងនាំយកនូវអ្វីដែលថ្មីមកជូនអ្នកគាំទ្រ និងមហាជន។ ជាពិសេស នឹងគាំទ្រដល់សមាជិកទាំង ៤ ឲ្យអស់ពីលទ្ធភាព។
ការបន្ដកុងត្រានេះត្រូវបានប្រកាសក្រោយពេលមានការសង្ស័យថា សមាជិក BLACKPINK នឹងលែងបន្ដសកម្មភាពជាក្រុម ខណៈពួកគេនឹងចាកចេញដើម្បីបន្ដក្ដីស្រមៃរៀងៗខ្លួន។

តែទោះជាយ៉ាងណាក្ដីបើតាមការបញ្ជាក់ពីផលិតកម្ម YG សមាជិក BLACKPINK សម្រេចបន្ដកុងត្រាបន្ដសកម្មភាពជាក្រុម រីឯកុងត្រារបស់សមាជិកម្នាក់ៗ មិនទាន់បានសម្រេចថានឹងទៅជាយ៉ាងណាឡើយ។ ផលិតកម្ម YG កំពុងបន្ដចរចាទាក់ទិនកុងត្រាផងដែរ ដូច្នេះមានន័យថាសមាជិក BLACKPINK នៅតែបន្ដដំណើរជាក្រុម ប៉ុន្ដែសមាជិកម្នាក់ៗ អាចជ្រើសមិនបន្ដកុងត្រា និងចូលផលិតកម្មផ្សេងនៅពេលអនាគត៕























Account
Security
Favourite Content