រូបភាពរបស់តារាចម្រៀង ហេង ពិទូ កំពុងតែត្រូវបានអ្នកគាំទ្រយកទៅធ្វើ meme លេងសើចពេញបណ្ដាញសង្គមតាមរយៈ caption ដោយ share បន្ត និង comment ក្រោមរូបតែម្ដង។ ដោយគ្រាន់តែរូប១ សន្លឹកនោះមានអ្នកចុច Like ច្រើនខ្លាំងមែនទែន។

នៅថ្ងៃនេះ ម្ចាស់បទ «នៅបារម្ភសង្សារក្មេង» បានបង្ហោះរូបភាពជាច្រើនសន្លឹក ក្នុងនោះមានទាំងរូបជានារីអាថ៌កំបាំងម្នាក់ ព្រមជាមួយរូបបែបក្រុមបុរសៗដូចគ្នាម្ហូបអាហារ, សម្ភារៈផ្សេងៗ។ បើទោះជារូបភាពទាំង ១១ សន្លឹកក្នុងទម្រង់ប្រម៉ូតទីកន្លែងក៏ពិតមែន តែដោយសារ ហេង ពិទូ គឺជាតារាចម្រៀងប្រុសមានបទកម្សត់ៗ ឈឺចុកចាប់ស្នេហាមិនសមបំណងអីអស់នោះ ទើបពេលមានរូប sweet sweet ធ្វើឲ្យអ្នកមហាជនចាប់អារម្មណ៍ខ្លាំង។
ហេង ពិទូ កន្លងមកត្រូវបានមិត្តរួមអាជីព និងហ្វេនៗតែងតាំងជាមេក្រុម បុរសខូចចិត្តអាជីព/មេក្រុម single ជាដើម ក្នុងន័យលេងសើច ព្រោះបទចម្រៀងស្រលាញ់គេម្នាក់ឯង។ មិនត្រឹមសម្បូរបទកម្សត់ ឈឺចាប់ឡើយ លោកក៏ឧស្សាហ៍បង្ហោះ status លេងក្នុងន័យគេបោះបង់ចោល ឬលួចស្រលាញ់តែម្ខាងអីបែបនេះទៀត។

ងាកមកមើលអ្នកបញ្ចេញមតិវិញ បានសរសេរឌឺដងទៅ ម្ចាស់បទ «មនុស្សល្អដូចអូនមិនសមស្រលាញ់បង» ឲ្យលុបបទចាស់ៗចោលទៅ ព្រោះពេលនេះមានស្នេហា ហើយអ្នកខ្លះទៀតសួរថា team ស្រលាញ់គេម្នាក់ឯងនោះត្រូវរំសាយហើយមែន? ឬខ្លះទៀតថា មេ team លាលែងតំណែងស្រលាញ់គេម្នាក់ឯងហើយ នៅតែកូនក្រុមប៉ុណ្ណោះ ព្រមជាមួយការបញ្ចេគមតិជាងពាន់ដងថែមទៀត។
ពិទូ វិញ មិនត្រឹមមិនបកស្រាយពីរូបភាពផ្អែមល្ហែមជាមួយនារីសក់ពណ៌ទង់ដែងឡើយ ថែមទាំង comment លេងសើចជាមួយហ្វេនបន្តថា “បទសេដ នឹងចេញឆាប់ៗនេះ សូមរង់ចាំស្ដាប់ទាំងអស់គ្នាបងប្អូន” អមជាមួយ emoji ញេញធ្មេញ៕

























Account
Security
Favourite Content