ជាប់ឈ្មោះក្នុងរឿងអាស្រូវធ្ងន់ធ្ងរ តែតារាកូរ៉េ ៦ រូបនេះនៅតែអាចក្រោកឈរ​ស្ដារកេរ្តិ៍ឈ្មោះឡើងវិញបាន

នៅក្នុងពិភពសិល្បៈកូរ៉េ រឿងអាស្រូវអាចបំផ្លាញកេរ្តិ៍ឈ្មោះរបស់សិល្បករយ៉ាងឆាប់រហ័ស ប៉ុន្ដែក៏មានតារាមួយចំនួនដែរដែលអាចលុបលាងកេរ្តិ៍ឈ្មោះរបស់ពួកគេ និងត្រលប់មកជោគជ័យវិញគួរឱ្យកត់សម្គាល់ ដូចពាក្យចាស់និយាយថាមាសសុទ្ធមិនខ្លាចភ្លើងនោះទេ។ ខាង​ក្រោម​នេះ AMS សូមបង្ហាញ​​តារា​កូរ៉េ​ប្រាំមួយ​រូប​ដែល​ប្រឈម​នឹង​រឿង​អាស្រូវ​ធំៗ​ស្ទើរតែបាត់បង់​បញ្ចប់​អាជីព​ ប៉ុន្តែទីបំផុតពួកគេអាចយកឈ្នះបាន។

១. តារាសម្ដែង Kim Seon Ho

តារាសម្ដែង Kim Seon Ho ធ្លាប់ជាប់ពាក់ព័ន្ធរឿងចម្រូងចម្រាសដ៏ធំមួយក្នុងឆ្នាំ ២០២១ បន្ទាប់ពីអតីតមិត្តស្រីរបស់លោកឈ្មោះ Choi បានធ្វើការចោទប្រកាន់លោកជាសាធារណៈ ដោយ​អះអាង​ថា លោកបាន​បង្ហាញ​អាកប្បកិរិយា​មិនសមរម្យ និង​បង្ខំ​ឱ្យ​នាង​រំលូត​កូន។ ជាលទ្ធផល ការចោទប្រកាន់ទាំងនេះធ្វើឱ្យ Kim Seon Ho ត្រូវបានទម្លាក់ចេញពីការផ្សាយពាណិជ្ជកម្ម ការសម្ភាសន៍ចុងក្រោយសម្រាប់រឿងភាគ Hometown Cha-Cha-Cha, ខ្សែភាពយន្ត Dog Days និង 2 O’Clock Date ក៏ដូចជាកម្មវិធី 1 Night 2 Days ។

ទោះជាយ៉ាងណា របាយការណ៍របស់ Dispatch បានបង្ហាញថា ការអះអាងរបស់ Choi ភាគច្រើនគឺមិនពិតនោះទេ។ តាមរយៈភស្តុតាងដែលផ្តល់ដោយ Kim Seon Ho និងអ្នកស្គាល់គ្នារបស់អតីតមិត្តស្រីរូបនោះ Dispatch បានរាយការណ៍ថាអ្នកទាំងពីរបានយល់ព្រមរំលូតកូន ហើយ Kim Seon Ho បានស្នើសុំរៀបការនៅពេលក្រោយ។ មានការទម្លាយថា លោកបានត្រៀមរៀបការជាមួយនាង ទោះបីក្រោយពេលរំលូតកូនក៏ដោយ ហើយហេតុផលចុងក្រោយនៃការបែកគ្នាគឺដោយសារតែការកុហកឥតឈប់ឈររបស់អតីតមិត្តស្រីរូបនោះ។ ក្រោយការពិតទាំងនេះត្រូវលាតត្រដាង Kim Seon Ho ក៏បានត្រលប់ចូលសិល្បៈវិញយ៉ាងឆាប់រហ័សតាមរយៈខ្សែភាពយន្ត The Childe។

២. តារាសម្ដែង Lee Byung Hun

Lee Byung Hun គឺជាសិល្បករ​ដ៏​ល្បីល្បាញ​ម្នាក់​ដែល​អាច​យកឈ្នះរឿងអាស្រូវបាន​តាមរយៈ​ទេពកោសល្យ​សម្តែង​របស់លោក។ ត្រលប់ទៅឆ្នាំ ២០១៥ លោកបានប្រឈមនឹងវិបត្តិធំបំផុតក្នុងអាជីព ដោយសារតែរឿងអាស្រូវពាក់ព័ន្ធនឹងជីវិតឯកជនរបស់ខ្លួន។ កាលនោះ មានតារា​ម៉ូដែល និង​សមាជិក​ក្រុម​ចម្រៀង​នារីមួយរូប​បាន​ជំរិត​ទារ​ប្រាក់យ៉ាង​ច្រើន​ពី​លោក ដោយ​គំរាម​បញ្ចេញ​វីដេអូ​ឯកជន។ រឿង​អាស្រូវ​នេះ​ធ្វើឱ្យមាន​ភាព​រំជើបរំជួល​ជា​ពិសេស​ចាប់​តាំង​ពី​លោក​បាន​រៀបការ​ជាមួយតារាសម្ដែង Lee Min Jung និងនៅ​តែបន្ត​រហូត​ដល់បច្ចុប្បន្ន។

នៅក្នុងសវនាការដំបូង តុលាការបានកាត់ទោសស្ត្រីទាំងពីរនាក់ឱ្យជាប់ពន្ធនាគារ ប៉ុន្តែការកាត់ទោសរបស់ពួកគេត្រូវបានព្យួរនៅក្នុងសាលាឧទ្ធរណ៍។ ក្រោយ​កើត​ហេតុ Lee Byung Hun បាន​សម្ដែង​ការ​សោកស្ដាយ។ ឥឡូវនេះ រយៈពេលជាច្រើនឆ្នាំក្រោយមក លោកបានបន្តអាជីពដ៏ជោគជ័យឡើងវិញ ដោយបានបង្ហាញខ្លួននៅក្នុងខ្សែភាពយន្តដូចជា The Fortress, Keys to the Heart និង The Man Standing Next ក៏ដូចជាក្នុងរឿងភាគល្បីៗដូចជា Squid Game និង Mr. Sunshine ជាដើម។

៣. តារាសម្ដែង Park Min Young

នៅក្នុងខែកញ្ញា ឆ្នាំ ២០២២ Park Min Young បានធ្លាក់ចូលក្នុងរឿងចម្រូងចម្រាស បន្ទាប់ពីមានព័ត៌មានបែកធ្លាយអំពីទំនាក់ទំនងស្នេហារបស់នាងជាមួយ Kang Jong Hyun ដែលជាអ្នករកស៊ីខុសច្បាប់។ ត្រឹមតែពីរថ្ងៃបន្ទាប់ពីមានសេចក្ដីរាយការណ៍ដំបូង ភ្នាក់ងាររបស់នាងបានបញ្ជាក់ថាពួកគេបានបែកបាក់គ្នារួចហើយ។ តែយ៉ាងណា ព័ត៌មាននេះបានប៉ះពាល់ខ្លាំងដល់កេរ្តិ៍ឈ្មោះរបស់ Park Min Young ជាពិសេសនៅពេលដែលអតីតគូស្នេហ៍របស់នាងត្រូវបានចាប់ខ្លួន និងចោទប្រកាន់ពីបទកេងបន្លំថវិកា។ ទោះបីជាបច្ចុប្បន្នស្ថិតនៅក្រៅឃុំក៏ដោយ ប៉ុន្តែលោក Kang ប្រឈមមុខនឹងការកាត់ទោសជាប់ពន្ធនាគាររយៈពេល ១ ឆ្នាំកន្លះសម្រាប់ការរំលោភលើទំនុកចិត្ត និងការសូកប៉ាន់ទាក់ទងនឹងការចុះបញ្ជីរូបិយប័ណ្ណគ្រីបតូ។

Park Min Young បានចេញមុខ​និយាយ​ពី​បញ្ហា​ចម្រូងចម្រាស​នេះ​ដោយ​មិន​បញ្ឈប់​គម្រោង​សម្តែងនានា​របស់​នាងនោះ​ឡើយ។ នៅក្នុងសន្និសីទសារព័ត៌មានសម្រាប់រឿងភាគ Marry My Husband នាងបានបង្ហាញការសោកស្តាយយ៉ាងខ្លាំង ដោយបាន​ចែក​រំលែក​ថា៖ “ខ្ញុំ​ចង់​ទទួល​ខុស​ត្រូវ​ទាំង​ស្រុង និង​សុំ​ទោស​ដែល​ធ្វើ​ឲ្យ​មាន​ការ​ព្រួយ​បារម្ភ។ ខ្ញុំ​ពិតជា​សោកស្តាយ​ចំពោះ​អ្នកគាំទ្រ​ដែល​ស្រឡាញ់​ខ្ញុំ​»​។ ជាសំណាងល្អ អារម្មណ៍សាធារណជនបានចាប់ផ្តើមផ្លាស់ប្តូរមកពេញចិត្តនាងវិញបន្ទាប់ពីការចេញផ្សាយរឿង។ ការសម្ដែងដ៏ចូលតួ​របស់​នាង​​ធ្វើ​ឱ្យ​អ្នក​ទស្សនា​ចាប់​អារម្មណ៍​ខ្លាំង និង​នាំ​ឱ្យ​មាន​ការ​គាំទ្រ​ជា​ថ្មី។

៤. តារាសម្ដែង Nam Joo Hyuk

Nam Joo Hyuk ប្រឈមមុខនឹងការចោទប្រកាន់យ៉ាងធ្ងន់ធ្ងរអំពីការ bully នៅសាលារៀនក្នុងឆ្នាំ ២០២០។ អតីតមិត្តរួមថ្នាក់ម្នាក់បានអះអាងថា Nam Joo Hyuk បានគំរាមកំហែងគេអស់រយៈពេលប្រាំមួយឆ្នាំ។ ជនជាប់ចោទបានចោទប្រកាន់ថា Nam Joo Hyuk និងគ្នីគ្នាបានវាយដំ និងធ្វើបាបរូបគេម្តងហើយម្តងទៀត ធ្វើឱ្យរូបគេត្រូវមានបញ្ហាផ្លូវចិត្តរហូតដល់បច្ចុប្បន្ន។

ទីភ្នាក់ងាររបស់ Nam Joo Hyuk បានច្រានចោលការចោទប្រកាន់នេះយ៉ាងខ្លាំង ដោយបញ្ជាក់ថា ការចោទប្រកាន់នេះគ្មានមូលដ្ឋានច្បាស់លាស់ និងជាការបង្ខូចកេរ្តិ៍ឈ្មោះរបស់តារាសម្តែង។ ក្នុងខែមីនា ឆ្នាំ២០២៣ Nam Joo Hyuk បានចុះឈ្មោះចូលបម្រើយោធា ហើយបច្ចុប្បន្នកំពុងបម្រើការនៅក្នុងអង្គភាពប៉ូលីសយោធា។ ទីបំផុត អតីតមិត្តរួមថ្នាក់ដែលបានធ្វើការចោទប្រកាន់នោះ ត្រូវបានតុលាការពិន័យជាប្រាក់ចំនួន ៧លានវ៉ុន ពីបទបរិហារកេរ្តិ៍ ប៉ុន្តែពួកគេបានប្តឹងឧទ្ធរណ៍ចំពោះសេចក្តីសម្រេចនេះ។

៥. Shownu សមាជិកក្រុម Monsta X

នៅថ្ងៃទី ៣១ ខែតុលា ឆ្នាំ ២០១៩ ដែលជាថ្ងៃតែមួយ Wonho សមាជិកក្រុម Monsta X បានចាកចេញពីក្រុមជាផ្លូវការ ពាក្យចចាមអារ៉ាមបានលេចចេញមកថាសមាជិក Shownu មានទំនាក់ទំនងជាមួយនារីម្នាក់ដែលរៀបការរួចហើយ។

ជាការឆ្លើយតប ទីភ្នាក់ងាររបស់ Shownu បានចេញសេចក្តីថ្លែងការណ៍មួយ ដើម្បីបញ្ជាក់អំពីស្ថានភាពនេះ ដោយពន្យល់ថា៖ “Shownu បានស្គាល់នារីម្នាក់នោះមុនពេលនាងរៀបការ ប៉ុន្តែខណៈដែលពួកគេកំពុងទាក់ទងគ្នា នាងបានរៀបការ ដោយមិនប្រាប់ Shownu ឱ្យដឹងឡើយ។ នៅពេលដែល Shownu បានដឹងរឿងអំពីពីប្តីរបស់នាង គេបានផ្តាច់ទំនាក់ទំនងភ្លាមៗ”។

៦. Hyunjin សមាជិកក្រុម Stray Kids

កាលពីថ្ងៃទី ២២ ខែកុម្ភៈ ឆ្នាំ ២០២១ អ្នកលេងអ៊ីនធឺណិតដែលអះអាងខ្លួនជាអតីតមិត្តរួមថ្នាក់របស់ Hyunjin បានបង្ហោះសារនៅលើ Nate Pann ដោយចោទប្រកាន់ថាពួកគេត្រូវបាន Hyunjin បំពានដោយពាក្យសម្ដី នៅពេលពួកគេទាំងពីររៀនឆ្នាំទី ២ នៅសាលាមធ្យមសិក្សា Seongnae។ ជាការឆ្លើយតប JYP Entertainment បានចេញសេចក្តីថ្លែងការណ៍ផ្លូវការមួយ ដែលព្រមានចាត់វិធានការផ្លូវច្បាប់ប្រឆាំងនឹងការផ្សព្វផ្សាយព័ត៌មានមិនពិត។ ប៉ុន្តែប៉ុន្មានថ្ងៃក្រោយមក ពួកគេបានចេញសេចក្តីថ្លែងការណ៍ជាលើកទីពីរជាមួយនឹងការសុំទោសដែលសរសេរដោយដៃពី Hyunjin ។

ក្នុង​ការ​សុំទោស Hyunjin បាន​សម្ដែង​ការ​សោកស្ដាយ​យ៉ាង​ខ្លាំង​ចំពោះ​អាកប្បកិរិយា​មិន​ពេញ​វ័យ​របស់​ខ្លួន​ក្នុង​ពេល​រៀន​ថ្នាក់​មធ្យមសិក្សា។ បុគ្គល​ដែល​ធ្វើការ​អះអាង​នោះ​ក៏​បាន​បញ្ជាក់​ថា​ពួកគេ​បាន​ដោះស្រាយ​ការ​យល់​ខុស​ជាមួយ Hyunjin ហើយ​បាន​ទទួល​យក​ការ​សុំទោស​របស់​សមាជិក Stray Kids រូបនេះហើយ។ គ្រូបង្រៀនម្នាក់មកពីអតីតសាលារបស់ Hyunjin ក៏បានចេញមុខទទួលស្គាល់បរិយាកាសក្នុងថ្នាក់នៅពេលនោះផងដែរ ប៉ុន្តែបាននិយាយថា ការចោទប្រកាន់នេះគឺមានការបំផ្លើស។

នៅថ្ងៃទី ២៧ ខែកុម្ភៈ JYP បានប្រកាសថា Hyunjin នឹងឈប់សម្រាកដើម្បីឆ្លុះបញ្ចាំងពីសកម្មភាពរបស់ខ្លូន។ រយៈពេល ៤ ខែបន្ទាប់ពីហេតុការណ៍នេះ Hyunjin បានបន្តសកម្មភាពតន្ត្រី ដោយបង្ហាញខ្លួននៅក្នុងបទចម្រៀងឌីជីថល Mixtape: OH ។ កំលុងពេលសម្រាកHyunjin បាននិយាយថាលោកផ្តោតលើការងារស្ម័គ្រចិត្ត និងការបរិច្ចាគសប្បុរសធម៌ ៕



របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ចុងភៅលំដាប់ផ្កាយ Michelin ២ គឺលោក Christophe Hay និងមេចុងភៅ លោក លូ ម៉េង សហការគ្នានៅរាជធានី ភ្នំពេញ ដើម្បីជួយដល់កុមារនៅសាលារៀនតាមជនបទក្នុងខេត្តកំពត តាមរយៈអង្គការ Les Écoles de La Plantation

ងភៅដ៏ល្បីល្បាញជនជាតិបារាំង លោក Christophe Hay ដែលមាន រហស្សនាមថា «ចុងភៅកសិករ» (Farmer-Chef) និងមេចុងភៅកម្ពុជា លោក លូ ម៉េង បានរួមគ្នាក្នុងកម្មវិធីរាត្រីអាហារ

បុរសសិង្ហបុរីវ័យ ៦០ ឆ្នាំប្រើកន្ត្រៃកាត់ក្រចកប៉ុនប៉ងប្លន់ស្ត្រីម្នាក់ជំរិតទារប្រាក់ ១៥០០ ដុល្លារ

បុរសវ័យ ៦០ ឆ្នាំម្នាក់ត្រូវបានចោទប្រកាន់ថាបានប៉ុនប៉ងប្លន់ស្ត្រីវ័យ ២៩ ឆ្នាំម្នាក់នៅតំបន់ Woodlands ប្រទេសសិង្ហបុរីដោយប្រើឧបករណ៍ចាក់ស្បែកជុំវិញក្រចក

វចនានុក្រម Cambridge ជ្រើសរើសពាក្យ “Human” ជាពាក្យប្រចាំឆ្នាំ ២០២៦ ដើម្បីកុំឱ្យយើងភ្លេចពី “ភាពជាមនុស្ស” នៅក្នុងយុគសម័យ AI

នៅពេលដែលស្នាដៃបង្កើតដោយ AI ទទួលបានជ័យលាភី ចម្រៀង AI ត្រូវបានប្រើប្រាស់យ៉ាងទូលំទូលាយ វីដេអូ AI បានក្លាយជាវីដេអូស្នូលសម្រាប់ផ្សព្វផ្សាយរបស់ស្ថាប័នផ្សេងៗ

គំនូរមួយផ្ទាំងរបស់វិចិត្រករល្បីហូរឡង់ត្រូវបានលក់ក្នុងតម្លៃខ្ពស់បំបែកកំណត់ត្រា ១៩០​ លានដុល្លារ

ក្រុមហ៊ុនដេញថ្លៃ Sotheby's បានឱ្យដឹងថា ស្នាដៃដ៏អស្ចារ្យមួយរបស់វិចិត្រករ Vincent van Gogh ត្រូវបានលក់ក្នុងតម្លៃកំណត់ត្រា ១៩០,៤ លានដុល្លារអាមេរិក កាលពីថ្ងៃពុធ

គ្រឿងអលង្ការមាស ដែលធ្លាប់ស្ថិតក្រោមកម្មសិទ្ធិខុសច្បាប់របស់ Douglas Latchford មានតាំងបង្ហាញ នៅសារមន្ទីរជាតិដល់ថ្ងៃទី ២២ វិច្ឆិកា

នៅពេលចូលទៅដល់ពិព័រណ៍មិនអចិន្ត្រៃយ៍ស្ដីពីគ្រឿងអលង្ការ នាសារមន្ទីរជាតិ អ្នកនឹងឃើញនូវរូបចម្លាក់នៃទេពបុរសមួយអង្គតុបតែងដោយគ្រឿងអលង្ការមាសដ៏ប្រណិតមុនគេបង្អស់

តារាចម្រៀងចង្វាក់ Country Lainey Wilson ជ្រើសឈុតពី ALmée  សម្ដែងបទចម្រៀងថ្មី​  “Just A Woman” នៅ CMAs

តារាចម្រៀងចង្វាក់ខោនទ្រី Lainey Wilson បាន​ជ្រើសរើស​ឈុត ALmée Couture ដើម្បី​ឡើង​សម្ដែង​នៅ​ក្នុង​កម្មវិធី​ប្រគល់​ពាន​រង្វាន់ CMA ។ រ៉ូប​ពណ៌​ទឹក​ក្រូច​ចាស់​នោះ

លោកស្រី សុភា បុត្រឈរ ចូលរួមថវិកា ១ ម៉ឺនដុល្លារ សម្រាប់ Vote ឲ្យ Miss Universe Cambodia 2026 ថាន រតនា

Miss Universe Cambodia 2026 កញ្ញា ថាន រតនា កំពុង​បំពេញ​បេសកកម្ម​តំណាង​ឲ្យ​កម្ពុជា​នៅ​លើ​ឆាក​បវរកញ្ញា​ដ៏​ធំ​នៅ​ប្រទេស Puerto Rico ហើយ​កម្មវិធី Miss Universe ក៏បា

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី ជនជាតិជប៉ុនដែលបានរួមចំណែកអភិរក្ស និងជួសជុលប្រាសាទបុរាណខ្មែរ ទទួលមរណភាព

លោកសាស្ត្រាចារ្យ អ៊ីស៊ីហ្សាវ៉ា យ៉ូស៊ីអាគី នាយកនៃមជ្ឈមណ្ឌលស្រាវជ្រាវ និងបណ្តុះបណ្តាលធនធានមនុស្សអាស៊ីដែលបានបណ្ដុះបណ្ដាលអ្នកជំនាញក្នុងស្រុក ក្នុងកិច្ចការអភិរក្ស

ប្រញាប់ទៅមើល! សារមន្ទីជាតិកម្ពុជាបន្តការពិព័រណ៍គ្រឿងអលង្ការខ្មែរអាយុកាល ២ ពាន់ឆ្នាំ ត្រឹមថ្ងៃអាទិត្យនេះ

ដោយមានការគាំទ្រយ៉ាងច្រើនពីភ្ញៀវជាតិ និងអន្តរជាតិ ពិព័រណ៍មិនអចិន្ត្រៃយ៍ស្តីពី គ្រឿងអលង្ការ នឹងបន្តបើកជូនសាធារណជនចូលទស្សនាត្រឹមថ្ងៃអាទិត្យ ចុងសប្តាហ៍នេះ

អ៊ែនជេលីណា និងអគ្គនាយក UNESCO លោក Khaled El-Eneny ទៅទស្សនកិច្ច ការត្បាញសូត្រខ្មែរ នៅកោះឧកញ៉ាតី

កាលពី​ពេល​ថ្មី​ៗ​នេះ​លោក Khaled El-Eneny និង​កំពូល​តារា​ហូលីវូដ អ៊ែនជេលីណា ជូលី បាន​ធ្វើ​ដំណើរ​ទៅ​កោះ​ឧកញ៉ា​តី ដើម្បី​ទៅ​មើល​ការ​ត្បាញ​សូត្រ ដែល​ជា​ជំនាញ​តាំងពី



Leave a Reply

Your email address will not be published.Required fields are marked *