ថ្លៃស្មើផ្ទះ១០ល្វែង! ទ្វារឈើបាក់បែកក្នុងរឿង TITANIC ក្លាយជាសម្ភារថតកុនលក់ដេញថ្លៃបានថ្លៃបំផុតក្នុងប្រវត្តិសាស្ត្រ!

បច្ចុប្បន្ននេះ Prop ឬសម្ភារដែលត្រូវបានប្រើប្រាស់ក្នុងឈុតឆាកភាពយន្តបានក្លាយជាទំនិញមួយប្រភេទដែលអាចលក់ដេញថ្លៃបានខ្ពស់សម្រាប់អ្នកចូលចិត្តប្រមូលវត្ថុបុរាណ និងអ្នកវិនិយោគផ្សេងៗ។ ក្នុងរយៈពេលប៉ុន្មានឆ្នាំកន្លងមក យើងសង្កេតឃើញ Prop ពីភាពយន្តជាច្រើនត្រូវបានលក់ដេញថ្លៃ ហើយថ្មីៗ​នេះក៏​ដល់​វេន​ Prop ​ពី​រឿង Titanic ​ដែល​ត្រូវ​បាន​ដាក់​លក់​ដេញ​ថ្លៃ​នៅក្នុងកម្មវិធី Treasures from Planet Hollywood ក្នុង​តម្លៃ​ថ្លៃ​កប់ពពក។

ចំពោះទ្វារចូលបន្ទប់ទទួលភ្ញៀវនៅជាន់ទី ១ នៃកប៉ាល់ទីតានិក ប្រិយមិត្តជាច្រើនប្រហែលនៅចាំបានពីឈុតដែលតួឯកស្រី Rose ដេកនៅលើទ្វារនេះរហូតដល់នាងរួចជីវិតនៅចុងបញ្ចប់នៃរឿង។ ឈុត​នេះ​ក៏​បាន​ក្លាយ​ជា​ចម្ងល់​មួយ​ក្នុង​ចិត្ត​អ្នក​គាំទ្រអស់រយៈពេលជាយូរមកហើយថាហេតុអ្វីបានជា Rose មិនព្រមឱ្យ Jack ឡើងលើទ្វារឈើនេះជាមួយគ្នាដែរ។ យ៉ាងណាក្ដី ឥឡូវនេះទ្វារសង្គ្រោះជីវិតតួស្រីរបស់យើង​ត្រូវ​បាន​ដាក់​ដេញ​ថ្លៃបាន​ក្នុង​តម្លៃ ៧១៨ ៧៥០ ដុល្លារអាមេរិក និងបានក្លាយជា Prop ថតកុនដែលអាចលក់បានថ្លៃខ្ពស់បំផុតពីការដេញថ្លៃកាលពីយប់ថ្ងៃអាទិត្យ ទី២៤ ខែមីនានោះ។

លើសពីនេះទៅទៀត រ៉ូបដែលតារាសម្ដែង Kate Winslet ឬតួអង្គ Rose ស្លៀកពេលថតឈុតចុងក្រោយក្នុងរឿង Titanic ក៏ត្រូវបានដាក់លក់ដេញថ្លៃដែរ និងអាចលក់បានក្នុងតម្លៃ ១២៥ ០០០ ដុល្លារ។

លើសពីនេះ សម្ភារពីភាពយន្តល្បីៗផ្សេងទៀត ក៏ត្រូវបាននាំយកមកក្នុងព្រឹត្តិការណ៍នេះដែរ ដូចជារំពាត់ពីភាពយន្ត Indiana Jones and Temple of Doom (ចេញឆ្នាំ១៩៨៤) អាចលក់ដេញថ្លៃបានក្នុងតម្លៃ ៥២៥ ០០០ ដុល្លារ, ប៊ូលីងផ្កាកុលាបពីភាពយន្ត Kingpin (ចេញឆ្នាំ១៩៩៦) អាចលក់ដេញថ្លៃបានក្នុងតម្លៃ ៣៥០ ០០០ ដុល្លារ ឈុតពីងពាងពណ៌ខ្មៅពីភាពយន្ត SPIDER-MAN 3 (ចេញឆ្នាំ២០០៧) អាចលក់ដេញ​ថ្លៃបាន​ក្នុង​តម្លៃ ១២៥ ០០០ ដុល្លារ និងក្រែម​កោរ​ពុក​មាត់​ដែល​ប្រើ​សម្រាប់​ដាក់​អំប្រ៊ីយ៉ុង​ដាយណូស័រ​ក្នុងភាពយន្ត Jurassic Park (ចេញឆ្នាំ១៩៩៣) អាចលក់ដេញថ្លៃបាន​ក្នុង​តម្លៃ ២៥០ ០០០ ដុល្លារ​អាមេរិក ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ក្រោយចេញពីមន្ទីរពេទ្យ Samantha Ko សម្រេចចិត្តទម្លាយមូលហេតុនៅពីក្រោយការដុះដុំពកលើកញ្ចឹង ក

បន្ទាប់ពីទទួលពានរង្វាន់ជា «តួរងស្រីឆ្នើមរបស់ TVB ឆ្នាំ ២០២៣» ក្នុងរឿង The QUEEN of News ហើយបានធ្វើឱ្យតារាស្រី Samantha Ko

ចិត្ត កញ្ចនា តំណាងសិល្បករកម្ពុជា ចូលរួមកម្មវិធី ROUND FESTIVAL នៅកូរ៉េ

ឆ្នាំនេះ ចិត្ត កញ្ចនា ក្លាយជា​សិល្បករ​កម្ពុជា​ដែល​ទៅ​ចូលរួម​កម្មវិធី​ដ៏​ធំ​មួយ​នៅ​ប្រទេស​កូរ៉េខាង​ត្បូង គឺ ROUND FESTIVAL។ ម្ចាស់​បទ «អ្នក​ដទៃ» បាន​បង្ហាញ​ពី​ដំណឹង​ល្អ​នេះ​ដល់​អ្នក​គាំទ្រ

ប៉ុន សុរ៉ាវត្តី មិនខ្លាចធ្លាក់កូដ ពេលបើកចំហទំនាក់ទំនងស្នេហាជាមួយគូស្នេហ៍ជនជាតិសិង្ហបុរី

ទោះបីជាកន្លងមកធ្លាប់មានមតិអវិជ្ជមានលើកឡើងអំពីការបើកចំហទំនាក់ទំនងស្នេហាអាចធ្វើឱ្យធ្លាប់ប្រជាប្រិយភាពរបស់​អ្នកសិល្បៈ ក៏បវរកញ្ញារូបស្រស់ ប៉ុន សុរ៉ាវត្តី ម្ចាស់មកុដ

រឿងដែលព្រះនាង ជេនណា សម្តែងជាប់ជា International Film មានអ្នកមើលច្រើនជាងគេនៅមីយ៉ាន់ម៉ា 

មិនត្រឹមតែផ្ទុះការគាំទ្រខ្លាំងសម្រាប់ការចាក់បញ្ចាំងក្នុងស្រុកប៉ុណ្ណោះទេ ខ្សែភាពយន្តខ្នាតធំ «បណ្ដាសានាងរាត្រី» ដែល ព្រះនាង នរោត្តម ជេនណា ចូលរួមសម្តែងក៏ផ្ទុះការគាំទ្រយ៉ាងខ្លាំងក្លាក្នុងការចាក់បញ្ចាំងនៅប្រទេសមីយ៉ាន់ម៉ាផងដែរ។ នេះបើយោងតាមការបង្ហោះរបស់ ទំព័រហ្វេសប៊ុកផ្លូវការ LD Entertainment Co.,LTD. កាលពីយប់

ជិតដល់ថ្ងៃការ តារាសម្ដែង Ma Dong Seok ទម្លាយអារម្មណ៍ជ្រាលជ្រៅចំពោះភរិយាដែលតស៊ូជាមួយគ្នាតាំងពីក្រលំបាក

តារាសម្ដែងប្រុសកូរ៉េ Ma Dong Seok ដែលជាតួឯកក្នុងសែស្រលាយរឿងប៉ូលីសស៊ើបអង្កេត “The Roundup” ថ្មីៗនេះបានចែករំលែកអារម្មណ៍ដឹងគុណយ៉ាងស្មោះស្ម័គ្រចំពោះភរិយារបស់

ទោះរៀបការយូរឆ្នាំប៉ុណ្ណា ប្ដីប្រពន្ធតារាហុងកុងជើងចាស់ Chilam Cheung បណ្ដើរគ្នាដើរផ្សារយ៉ាងផ្អែមល្ហែម

ថ្មីៗនេះគូស្នេហ៍ដែលសុទ្ធតែជាកំពូលតារាសម្ដែងប្រចាំហុងកុងគឺ Chilam Cheung និង Anita Yuen ត្រូវបានគេប្រទះឃើញថាអ្នកទាំងពីរបានចំណាយ

តស៊ូរាប់ទសវត្សរ៍! ទីបំផុត កុំកុំ បានឡើងតំណែងជាតួឯកនៅហូលីវូដក្នុងរឿង “John Wick” វគ្គថ្មី

កំពូលតារាសម្ដែងហុងកុង Donnie Yen (កុំកុំ) បានសម្រេចជោគជ័យមួយជំហានទៀតនៅហូលីវូដ ខណៈដែលលោកគ្រោងនឹងសម្តែងជាតួឯកក្នុងភាពយន្ត spinoff ថ្មីមួយពីស៊េរីរឿង

កម្មវិធីបង្ហាញម៉ូដឈុតក្នុង Victoria’s Secret ត្រលប់មកវិញហើយ សម្រាប់រដូវស្លឹកឈើជ្រុះ 2024

កម្មវិធីបង្ហាញម៉ូដខោអាវ Victoria's Secret កាលពី​មុន គឺជា​ទី​ពេញ​និយម​បំផុត​សម្រាប់​អតិថិជន​របស់​ម៉ាក​យីហោ​មួយ​នេះ ព្រោះ​បាន​ទស្សនា​ម៉ូដ​ថ្មី​ដែល​មាន​បន្ថែម​ការ​តុបតែង​ប្លែក​ៗ និ

វិលត្រឡប់ម្ដងនេះ ឱក សុគន្ធកញ្ញា នៅតែស្អាតខ្ញង់មិនប្រែ បើទោះសម្រាលកូនបានជាង ២ ខែ

បើ​ទោះ​ជា​ទើប​សម្រាល​កូន​ទី​២ ក៏​ពិតមែន តែ​តារា​ចម្រៀង​ស្រី​សំនៀង​ផ្អែម ឱក សុគន្ធកញ្ញា បាន​វិល​ត្រឡប់​មក​កាន់​ការងារ​វិញ​ជា​ធម្មតា​ហើយ តែ​មិនមែន​ការ​ចេញ​បទ​ចម្រៀង​អ្វី​ឡើយ