Apple ជះលុយមហាសាលទិញអត្ថបទពីស្ថាប័នព័ត៌មានធំៗសម្រាប់ AI ខ្លួនប្រើប្រាស់

ក្រុមហ៊ុន Apple ថ្មីៗនេះបានចរចាធ្វើកិច្ចព្រមព្រៀងមួយចំនួនជាមួយនឹងអ្នកបោះពុម្ពផ្សាយ និងស្ថាប័នព័ត៌មានល្បីៗ ដូចជា NBC និង IAC ដែលជាក្រុមហ៊ុនគ្រប់គ្រងសារព័ត៌មាន People, The Spruce, Entertainment Weekly, The Daily Beast, Better Homes and Gardens និង Condé Nast ដែលជាអ្នកបោះពុម្ពផ្សាយទស្សនាវដ្ដី Vogue និង The New Yorker ជាដើម។

កិច្ចព្រមព្រៀងនេះត្រូវបានគេរាយការណ៍ថាមានតម្លៃយ៉ាងហោចណាស់ ៥០ លានដុល្លារដែលផ្តល់សិទ្ធិឱ្យ Apple អាចចូលទៅកាន់បណ្ណាល័យអត្ថបទព័ត៌មានដែលមានគុណភាព ហើយអាច​ប្រមូល​អត្ថបទ​ព័ត៌មាន​ទាំងនោះយកទៅ​ប្រើប្រាស់​ដើម្បី​បណ្តុះបណ្តាល​ AI ​របស់​ខ្លួន​។

ក្រុមហ៊ុន Apple បានបញ្ជាក់​ថា​ខ្លួនគិតគូរយ៉ាងខ្លាំងក្នុង​រក្សា​នូវឯកជនភាព ដូច្នេះហើយទើបពួកគេមានការស្ទាក់ស្ទើរក្នុងការប្រើប្រាស់ព័ត៌មានដែលប្រមូលបានពីអ៊ីនធឺណិតក្នុងរយៈពេលកន្លងមក និងចាប់ផ្ដើមធ្វើកិច្ចព្រមព្រៀងជាមួយប្រព័ន្ធផ្សព្វផ្សាយនៅពេលនេះ។ សេចក្ដីថ្លែងការណ៍ដដែលបន្តថា ក្រុមហ៊ុនមានចេតនាល្អ ហើយមានឆន្ទៈក្នុងការចំណាយដើម្បីទទួលបានធនធាន និងដើម្បីការពារបញ្ហានៃការប្រមូលទិន្នន័យឱ្យ AI ប្រើប្រាស់ដោយគ្មានការយល់ព្រមពីអ្នកផលិត ឬអ្នករក្សាសិទ្ធិ។

ដោយឡែក អ្នកជំនាញក្នុងវិស័យសារព័ត៌មានបានបញ្ចេញមតិចម្រុះចំពោះកិច្ចព្រមព្រៀងនេះ ដោយមតិខ្លះបានសរសើរ Apple សម្រាប់ការស្នើសុំប្រើប្រាស់មាតិការបស់ខ្លួនជាផ្លូវការ ជាជាងការចម្លងលើអ៊ីនធឺណិតដោយគ្មានការអនុញ្ញាត និងមើលឃើញឱកាសនៅក្នុងបច្ចេកវិទ្យានាពេលអនាគត។ ទោះជាយ៉ាងណា មតិមួយចំនួនទៀតមានការព្រួយបារម្ភថា Apple នៅខ្វះភាពច្បាស់លាស់ក្នុងការប្រើប្រាស់ AI នៅឡើយជាពិសេសសម្រាប់មាតិកាព័ត៌មាន។

ការធ្វើសេចក្ដីព្រមព្រៀងលើកនេះបានបង្ហាញឱ្យឃើញពីការគ្រប់គ្រងបញ្ហារក្សាសិទ្ធិ និងសុវត្ថិភាពទិន្នន័យ ដែលស្របតាមឆន្ទៈផ្តោតលើឯកជនភាពរបស់ក្រុមហ៊ុន Apple ហើយក៏មានទិសដៅស្របគ្នាជាមួយក្រុមហ៊ុន OpenAI ដែលបានចាប់ផ្តើមទំនាក់ទំនងជាមួយស្ថាប័នប្រព័ន្ធផ្សព្វផ្សាយធំៗដើម្បីប្រើប្រាស់ខ្លឹមសារព័ត៌មានសម្រាប់គំរូ AI របស់ខ្លួនដូចគ្នាដែរ។

ការវិវត្តខ្លាំងរបស់ Apple នៅក្នុងវិស័យ AI បានចាប់ផ្តើមនៅក្នុងខែកក្កដា បន្ទាប់ពីក្រុមហ៊ុននេះបានប្រកាសថាខ្លួនកំពុងបង្កើត Large Language Model (LLM) ជាប្រព័ន្ធ AI ដែលជាបេះដូងនៃ chatbots ដូចជា ChatGPT និង Bard ដោយប្រព័ន្ធនេះមានឈ្មោះថា “Ajax” ឬបណ្ដាវិស្វករហៅថា AppleGPT រួមជាមួយនឹងគម្រោងក្នុងការបញ្ចូល AI ថ្មីៗទៅក្នុងកម្មវិធី Apple សម្រាប់ iOS18 ដោយគ្រប់គ្នាប្រហែលជាអាចឃើញមុខមាត់ថ្មីរបស់ Apple News បន្ទាប់ពីនេះក៏ថាបាន។ ថាតើ Apple អាចតាមទាន់ដៃគូប្រកួតប្រជែងដែលដើរលើវិស័យ AI មុនដូចជា Microsoft, OpenAI, Google​ ឬ Meta ដែរឬក៏អត់ គឺមានតែរង់ចាំមើលជាបន្តទៀត ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

ក្រោយចេញពីមន្ទីរពេទ្យ Samantha Ko សម្រេចចិត្តទម្លាយមូលហេតុនៅពីក្រោយការដុះដុំពកលើកញ្ចឹង ក

បន្ទាប់ពីទទួលពានរង្វាន់ជា «តួរងស្រីឆ្នើមរបស់ TVB ឆ្នាំ ២០២៣» ក្នុងរឿង The QUEEN of News ហើយបានធ្វើឱ្យតារាស្រី Samantha Ko

ចិត្ត កញ្ចនា តំណាងសិល្បករកម្ពុជា ចូលរួមកម្មវិធី ROUND FESTIVAL នៅកូរ៉េ

ឆ្នាំនេះ ចិត្ត កញ្ចនា ក្លាយជា​សិល្បករ​កម្ពុជា​ដែល​ទៅ​ចូលរួម​កម្មវិធី​ដ៏​ធំ​មួយ​នៅ​ប្រទេស​កូរ៉េខាង​ត្បូង គឺ ROUND FESTIVAL។ ម្ចាស់​បទ «អ្នក​ដទៃ» បាន​បង្ហាញ​ពី​ដំណឹង​ល្អ​នេះ​ដល់​អ្នក​គាំទ្រ

ប៉ុន សុរ៉ាវត្តី មិនខ្លាចធ្លាក់កូដ ពេលបើកចំហទំនាក់ទំនងស្នេហាជាមួយគូស្នេហ៍ជនជាតិសិង្ហបុរី

ទោះបីជាកន្លងមកធ្លាប់មានមតិអវិជ្ជមានលើកឡើងអំពីការបើកចំហទំនាក់ទំនងស្នេហាអាចធ្វើឱ្យធ្លាប់ប្រជាប្រិយភាពរបស់​អ្នកសិល្បៈ ក៏បវរកញ្ញារូបស្រស់ ប៉ុន សុរ៉ាវត្តី ម្ចាស់មកុដ

រឿងដែលព្រះនាង ជេនណា សម្តែងជាប់ជា International Film មានអ្នកមើលច្រើនជាងគេនៅមីយ៉ាន់ម៉ា 

មិនត្រឹមតែផ្ទុះការគាំទ្រខ្លាំងសម្រាប់ការចាក់បញ្ចាំងក្នុងស្រុកប៉ុណ្ណោះទេ ខ្សែភាពយន្តខ្នាតធំ «បណ្ដាសានាងរាត្រី» ដែល ព្រះនាង នរោត្តម ជេនណា ចូលរួមសម្តែងក៏ផ្ទុះការគាំទ្រយ៉ាងខ្លាំងក្លាក្នុងការចាក់បញ្ចាំងនៅប្រទេសមីយ៉ាន់ម៉ាផងដែរ។ នេះបើយោងតាមការបង្ហោះរបស់ ទំព័រហ្វេសប៊ុកផ្លូវការ LD Entertainment Co.,LTD. កាលពីយប់

ជិតដល់ថ្ងៃការ តារាសម្ដែង Ma Dong Seok ទម្លាយអារម្មណ៍ជ្រាលជ្រៅចំពោះភរិយាដែលតស៊ូជាមួយគ្នាតាំងពីក្រលំបាក

តារាសម្ដែងប្រុសកូរ៉េ Ma Dong Seok ដែលជាតួឯកក្នុងសែស្រលាយរឿងប៉ូលីសស៊ើបអង្កេត “The Roundup” ថ្មីៗនេះបានចែករំលែកអារម្មណ៍ដឹងគុណយ៉ាងស្មោះស្ម័គ្រចំពោះភរិយារបស់

ទោះរៀបការយូរឆ្នាំប៉ុណ្ណា ប្ដីប្រពន្ធតារាហុងកុងជើងចាស់ Chilam Cheung បណ្ដើរគ្នាដើរផ្សារយ៉ាងផ្អែមល្ហែម

ថ្មីៗនេះគូស្នេហ៍ដែលសុទ្ធតែជាកំពូលតារាសម្ដែងប្រចាំហុងកុងគឺ Chilam Cheung និង Anita Yuen ត្រូវបានគេប្រទះឃើញថាអ្នកទាំងពីរបានចំណាយ

តស៊ូរាប់ទសវត្សរ៍! ទីបំផុត កុំកុំ បានឡើងតំណែងជាតួឯកនៅហូលីវូដក្នុងរឿង “John Wick” វគ្គថ្មី

កំពូលតារាសម្ដែងហុងកុង Donnie Yen (កុំកុំ) បានសម្រេចជោគជ័យមួយជំហានទៀតនៅហូលីវូដ ខណៈដែលលោកគ្រោងនឹងសម្តែងជាតួឯកក្នុងភាពយន្ត spinoff ថ្មីមួយពីស៊េរីរឿង

កម្មវិធីបង្ហាញម៉ូដឈុតក្នុង Victoria’s Secret ត្រលប់មកវិញហើយ សម្រាប់រដូវស្លឹកឈើជ្រុះ 2024

កម្មវិធីបង្ហាញម៉ូដខោអាវ Victoria's Secret កាលពី​មុន គឺជា​ទី​ពេញ​និយម​បំផុត​សម្រាប់​អតិថិជន​របស់​ម៉ាក​យីហោ​មួយ​នេះ ព្រោះ​បាន​ទស្សនា​ម៉ូដ​ថ្មី​ដែល​មាន​បន្ថែម​ការ​តុបតែង​ប្លែក​ៗ និ

វិលត្រឡប់ម្ដងនេះ ឱក សុគន្ធកញ្ញា នៅតែស្អាតខ្ញង់មិនប្រែ បើទោះសម្រាលកូនបានជាង ២ ខែ

បើ​ទោះ​ជា​ទើប​សម្រាល​កូន​ទី​២ ក៏​ពិតមែន តែ​តារា​ចម្រៀង​ស្រី​សំនៀង​ផ្អែម ឱក សុគន្ធកញ្ញា បាន​វិល​ត្រឡប់​មក​កាន់​ការងារ​វិញ​ជា​ធម្មតា​ហើយ តែ​មិនមែន​ការ​ចេញ​បទ​ចម្រៀង​អ្វី​ឡើយ