ជោគជ័យច្រើនរឿងជាប់គ្នា ពេលនេះ Timothée Chalamet បានចុះកុងត្រារយៈពេលវែងជាមួយផលិតកម្មខ្នាតយក្ស

ខណៈពេលនេះ Timothée Chalamet បានក្លាយជាតារា​សម្ដែងជំនាន់ថ្មីមួយរូប​ដែល​ត្រូវ​បាន​គេ​លើក​មកនិយាយ​ច្រើន​ជាង​គេ​​ ដោយកន្លងមករូបគេធ្លាប់សម្ដែងក្នុងភាពយន្តឈ្នះពានជាច្រើនដូចជា “Bones and All” (ឆ្នាំ២០២២), “The King” (ឆ្នាំ២០១៩), “Beautiful Boy” (ឆ្នាំ២០១៨), “Call me by your name” & “Lady Bird” (ឆ្នាំ២០១៧) ឬ “Little Women” (ឆ្នាំ២០១៩) ហើយនៅឆ្នាំ ២០២៤ Chalamet ទើបតែបង្កើតប្រវត្តិសាស្ត្រថ្មីក្នុងឧស្សាហកម្មភាពយន្តដោយក្លាយជាតួឯកប្រុសទី១ ក្នុងរយៈពេល ៤៥ ឆ្នាំចុងក្រោយដែលអាចមានភាពយន្តជាប់ចំណាត់ថ្នាក់កំពូលលើតារាងចំណូលភាពយន្ត Box Office ២រឿងបន្តបន្ទាប់គ្នាគឺរឿង “Wonka” និង “Dune 2”។

បើនិយាយពីភាពយន្ត “Wonka” ដែលចេញបញ្ចាំងកាលពីខែធ្នូ ឆ្នាំមុនក៏បានទទួលជោគជ័យយ៉ាងខ្លាំង ធ្វើឱ្យ Chalamet ទទួលបានការសរសើរចំពោះការសម្តែងដ៏មានមន្តស្នេហ៍របស់គេ ខណៈភាពយន្តអាចរកចំណូលបានជាង ៦៣២ លានដុល្លារ។ ទន្ទឹមនឹងនេះ ភាពយន្ត Dune 2 ដែលទើបចេញបញ្ចាំងក្នុងខែមីនាឆ្នាំនេះក៏កំពុងកើបចំណូលបានច្រើនទៅៗដែរ សរុបបាន ៥៧៩លានដុល្លារគិតត្រឹមថ្ងៃទី២៨ ខែមីនា។ សម្រាប់ជំហានបន្ទាប់ Timothée Chalamet ក៏ទទួលបានតំណែងជាតួឯក និងកំពុងថតភាពយន្តរឿង ‘A Complete Unknown’ ជាភាពយន្តជីវប្រវត្តិរបស់សិល្បករជើងចាស់ Bob Dylan។

ក្រៅពីនេះ ក៏មានសេចក្ដីរាយការណ៍ថ្មីមួយទៀតដែលរឹតតែពង្រឹងឋានៈរបស់គេក្នុងនាមជាតារាជួរមុខប្រចាំជំនាន់ នោះ​គឺ​ការ​ដែលបានចុះ​កុងត្រា​ថ្មីច្រើន​ឆ្នាំ​ជាមួយ ស្ទូឌីយោ Warner Bros ក្នុងនាមជាតារាសម្តែងផង និងជាផលិតករផង។ ពាក់ព័ន្ធការចុះកុងត្រាថ្មីនេះ នាយកប្រតិបត្តិរបស់ Warner Bros បាននិយាយថា កិច្ចសហការរបស់ពួកគេជាមួយ Chalamet ក្នុងរឿង Dune និង Wonka គឺជាការសហការដ៏រីករាយ ហើយក៏ទទួលលទ្ធផលផ្លែផ្កាយ៉ាងល្អដែរ។ ពួកគេចង់កសាងអនាគត និងសាកល្បងអ្វីថ្មីៗរួមគ្នា និងរីករាយដែល Timothée Chalamet បានជ្រើសរើសក្រុមហ៊ុនខ្លួនជាកន្លែងបង្ហាញភាពច្នៃប្រឌិតរបស់គេ។

អាចនិយាយបានថា តាមរយៈភាពជោគជ័យ ឬការសម្ដែងទាំងអស់ ក៏អាចឆ្លុះបញ្ចាំងឱ្យឃើញថា Timothée Chalamet គឺជាតារាជំនាន់ថ្មី ប្រកបដោយគុណភាព និងគួរឱ្យតាមដានជាបន្តថា តើរូបគេនឹងបង្កើតប្រវត្តិសាស្ត្រអ្វីខ្លះក្នុងវិស័យភាពយន្តនាពេលខាងមុខ ហើយជឿថាឈ្មោះរបស់គេនឹងត្រូវបានចងចាំក្នុងនាមជាតារាសម្ដែងលំដាប់ Legend មួយរូបទៅអនាគត ៕


របាយការណ៍ថ្មីៗ

មើលទាំងអស់ ➧

អត្ថបទកម្សាន្ត

មើលទាំងអស់ ➧

មិនសូវលេចមុខក្នុងសិល្បៈ HANI សម្ងំរៀនសូត្រផ្នែកចិត្ដវិទ្យា ព្រោះចង់ជួយមិត្តរួមអាជីព  

ថ្មីៗ នេះ HANI សមាជិកក្រុមចម្រៀង EXID បានបង្ហាញខ្លួនក្នុងកម្មវិធីរបស់ស្ថានីយន៍ទូរទស្សន៍ SBS គឺ “Strong Heart VS”។ ក្នុងឱកាសនោះ តារាស្រីវ័យ ៣២ ឆ្នាំ រូបនេះ បានលើកនិយាយពីការផ្លាស់ប្ដូររូបរាងរបស់នាង និងការសិក្សា។

ខាត់ សុឃីម៖ ត្រូវនិយាយថា «ទេ» ចំពោះការងារដែលមិនទទួលបានប្រាក់កម្រៃ

ក្តៅៗហុយៗ មុននេះបន្តិចតារាពហុជំនាញ ខាត់ សុឃីម បានបង្ហោះរូបថត ១ សន្លឹក ភ្ជាប់ជាមួយ Caption ដ៏សែនចាក់ចោត ហើយសម្តីមុតស្រួចរបស់តារាចម្រៀងរូបនេះបានចាក់ទម្លុះចិត្ត

ផ្ទុះការភ្ញាក់ផ្អើល! ស្វាមីម្ចាស់ប្រេន ឡាកាម៉ូ បាត់បង់ជីវិត ដោយសារចោរចូលប្លន់ក្នុងផ្ទះ

មានការភ្ញាក់ផ្អើកមួយបានកំពុងកើតឡើងបណ្តាញសង្គមហ្វេសប៊ុក ដោយមុននេះបន្តិចទំព័រហ្វេសប៊ុកផ្លូវការ Ka k'ter ជា BA តំណាងផលិតផល ឡាកាម៉ូ និងជាមនុស្សជំនិតរបស់ អ្នកស្រី មាស

Lisa ចាប់ដៃជាមួយផលិតកម្មអាមេរិក RCA Records ត្រៀមពញ្ញាក់អារម្មណ៍អ្នកគាំទ្រ

ថ្មីៗនេះក្រុមហ៊ុន LLOUD បានប្រកាសដ៏គួរឱ្យរំភើបនៅលើបណ្ដាញសង្គម X អំពីការសហការគ្នាជាផ្លូវការរវាង Lisa សមាជិកក្រុម BLACKPINK

បទថ្មី មាស សុខសោភា ត្រូវមហាជនរិះគន់ដូចព្យុះ តែនាងឆ្លើយតបបែបត្រជាក់ៗ

«តប់» ជា​បទចម្រៀងថ្មីរបស់តារាចម្រៀង មាស សុខសោភា ដែលទើបទម្លាក់លើទីផ្សារ កាលពីថ្ងៃទី ៧ ខែមេសា ឆ្នាំ ២០២៤ ​សម្រាប់ហ្វេនៗរាំលេងកម្សាន្តអំឡុងពិធីបុណ្យចូលឆ្នាំថ្មីប្រពៃណីជាតិ

សមាជិកកូនពៅក្រុម NewJeans ត្រូវផ្អាកសកម្មភាពមួយរយៈក្រោយបញ្ហារបួសជើង

សមាជិកកូនពៅ Hyein របស់ក្រុមចម្រៀងនារីល្បី NewJeans ត្រូវបានរាយការណ៍ កំពុងមានបញ្ហារបួស និងតម្រូវឲ្យសម្រាកដើម្បីមើលថែសុខភាព។ របួសជើងរបស់ Hyein ត្រូវបានគេសង្ស័យថា កើតឡើងកំឡុង

បុគ្គលសំខាន់ ៣ ជ្រោមជ្រែង សុគន្ធ នីសា មានឱកាសថតតួអង្គទេវតាឆ្នាំថ្មីលើកដំបូង

ដូចប្រិយមិត្តបានជ្រាបស្រាប់ហើយថា ក្រៅពីអាជីពជាតារាចម្រៀង ម្ចាស់បទ «រាត្រីសេកុង» អ្នកនាង សុគន្ធ នីសា ថែមទាំងមានទីផ្សារខ្ពស់លើការថតបង្ហាញម៉ូដឈុតសម្លៀកបំពាក់ថ្មីៗ

ជំងឺបាក់ទឹកចិត្ដធ្ងន់ធ្ងរ ធ្វើឲ្យតួ សៀវ ឡុងនី ធ្លាប់មិនងូតទឹក ១ សប្ដាហ៍ និងដើរជុំវិញផ្នូរខ្មោច

ជារឿងកម្រមួយដែលតារាស្រី Carman Lee ឬមនុស្សជាច្រើនស្គាល់ថា​ជាតួ សៀវ ឡុងនី ​​ឆ្នាំ ១៩៩៥។ Carman រាល់ដង​តែងនិយាយលើកទឹកចិត្ដ និងនិយាយពីរឿង​នាងចូលចិត្តធ្វើលំហាត់

ស្រីស្អាតតារា​ខ្មែរកូនកាត់បារាំងទាំង ៣ រូប ធ្លាប់ថតជាមួយ វណ្ណដា

តារា​ខ្មែរ​ដែល​ជា​ស្រី​ស្អាត​កូន​កាត់​បារាំងទាំង​ប៉ុន្មាន​រូប​នេះ​​ កំពុង​មាន​ទីផ្សារ​សិល្បៈ​ខ្លាំង ​​មាន​ទាំង​សម្រស់ ចំណេះដឹង និង​ការ​ប្រើប្រាស់​ភាសា​អង់គ្លេស​ សម្រាប់​ទំនាក់ទំនង​បាន​យ៉ាង​ល្អ។ ជា​រឿង​

សម្រស់ ចន សុទីម៉ា តែងតួព្រះនាង មហោទរាទេវី ស្អាតប្លែកទាំងម៉ូដសម្លៀកបំពាក់ ទាំងពណ៌

ចន សុទីម៉ា ចប់​ការងារ​នៅ​សៀមរាប​ភ្លាម បាន​បញ្ចេញ​រូបភាព​តែងតួ​ជា​ទេវតា​ឆ្នាំ​ថ្មី ព្រះនាម​ព្រះនាង មហោទរាទេវី។ Miss Universe Cambodia 2023 ​ជះ​សម្រស់​ស្រស់​មិន​សំចៃ​ដៃ​ឡើយ