ក្រុមហ៊ុនធំពីរនៅកម្ពុជា បានចាប់ដៃគ្នាបង្កើតកម្មវិធីដ៏អស្ចារ្យមួយ «CAMBO RAPPER» ដែលជាកម្មវិធីប្រឡងចម្រៀងរ៉េបដ៏ធំប្រចាំឆ្នាំ ឧបត្ថម្ភផាច់មុខដោយក្រុមហ៊ុន ខ្មែរ ប៊ែវើរីជីស និងរៀបចំដោយផលិតកម្ម ហ្គាឡាក់ស៊ី ណាវ៉ាត្រា នឹងធ្វើការចាក់បញ្ចាំងលើស្ថានីយ៍ទូរទស្សន៍ CTN ចាប់ពីខែកញ្ញា ឆ្នាំ២០២៥ នេះតទៅ។

អ្វីដែលកាន់តែពិសេសនោះ នៅក្នុងកម្មវិធីសន្និសីទសារព័ត៌មាន នៃកម្មវិធីប្រឡងចម្រៀងរ៉េប Cambo Rapper ដោយផ្ដោតលើជំនាញរ៉េប បានបង្ហាញមុខគ្រូបង្វឹកក៏ដូចជាគណៈកម្មការដាក់ពិន្ទុទាំង ៤រូប រួមមាន៖
១.កញ្ញា តន់ ច័ន្ទសីម៉ា៖ ជាតារាចម្រៀងស្រីជួរមុខដែលមានឈ្មោះបោះសំឡេងនៅក្នុងផលិតកម្ម ហ្គាឡាក់ស៊ី ណាវ៉ាត់ត្រា និងមានភាពល្បីល្បាញខ្លាំងនៅក្នុងស្រទាប់យុវវ័យកម្ពុជា។
២.លោក Tempo Tris៖ លោកជាតារាចម្រៀងរ៉េប និងជាអ្នកនិពន្ធដ៏ល្បីល្បាញនៅក្នុងផលិតកម្ម ហ្គាឡាក់ស៊ី ណាវ៉ាត់ត្រា និងកំពុងមានប្រជាប្រិយភាពខ្លាំងនៅក្នុងទីផ្សារតន្ត្រីកម្ពុជាបច្ចុប្បន្ននេះ។
៣.លោក សង្ហា៖ គឺជាអ្នកនិពន្ធបទភ្លេងដ៏ល្បីល្បាញមួយរូប។ ជាពិសេសលោកត្រូវបានយុវវ័យស្គាល់យ៉ាងច្បាស់ថាអ្នកនៅពីក្រោយចង្វាក់ភ្លេងដ៏ទាក់ទាញនៅក្នុងវិស័យតន្ត្រីបែប Hip Hop តាមរយៈចម្រៀងរ៉េបល្បីៗជាច្រើន។
៤.ប្រុសឡា៖ ប្រុសឡា ជាតារាចម្រៀងរ៉េបមានឈ្មោះល្បីល្បាញនៅក្នុងស្រទាប់យុវវ័យកម្ពុជាជាច្រើនឆ្នាំមក ហើយ។ បច្ចុប្បន្នលោកក៏នៅតែរក្សាបានប្រជាប្រិយភាពខ្ពស់នៅក្នុងវិស័យតន្ត្រីផ្នែករ៉េប។


កម្មវិធីប្រឡងចម្រៀងដ៏ធំនេះ នឹងចាប់ផ្ដើមទទួលពាក្យចាប់ពីពេលនេះតទៅ ដោយនឹងធ្វើការជម្រុះតាមប្រព័ន្ធ អនឡាញ ស្វែងរកបេក្ខជនដែលមានសមត្ថភាពខ្លាំង ចំនួន ៧០នាក់ ដើម្បីទៅប្រកួតបន្តនៅលើវេទិកាដ៏ធំសម្បើម នៃកម្មវិធី Cambo Rapper។ ដូច្នេះហើយនេះជាឱកាសដ៏វិសេសវិសាលសម្រាប់អ្នកដែលមានសមត្ថភាព និង ទេពកោសល្យ មានគំនិតច្នៃប្រឌិតខ្ពស់ ផ្នែកតន្ត្រីរ៉េប សូមរួសរាន់ដាក់ពាក្យប្រកួតណា។ ម្ចាស់ជ័យលាភីនឹងទទួលបានប្រាក់រង្វាន់រហូតដល់ ១០០លានរៀល ព្រមទាំងមានឱកាសក្លាយជាតារាចម្រៀងកុងត្រា នៅក្នុងផលិតកម្ម ហ្គាឡាក់ស៊ី ណាវ៉ាត់ត្រា។ អ្វីដែលពិសេសបំផុតបងប្អូនទាំងអស់គ្នាមានឱកាសឡើងឆាកតន្ត្រីទេសចរណ៍ទូទាំងប្រទេស របស់ផលិតផល ខ្មែរ ប៊ែវើរីជីស។ លើសពីនេះទៅទៀតប្អូនៗក៏មានឱកាសធ្វើការជាមួយក្រុមហ៊ុន ខ្មែរ ប៊ែវើរីជីស មានគ្រឹះរឹងមាំ និងយូរអង្វែង ដែលនឹងផ្តល់នូវវេទិកា ឬព្រឹត្តិការណ៍ធំៗ ដើម្បីបញ្ចេញ និងអភិវឌ្ឍសមត្ថភាពជាហូហែនាពេលអនាគត។
សូមបញ្ជាក់ថា កម្មវិធីប្រឡងចម្រៀងរ៉េប Cambo Rapper បង្កើតឡើងដោយផលិតកម្មយក្ស ហ្គាឡាក់ស៊ី ណាវ៉ាត់ត្រា និងឧបត្ថម្ភផ្តាច់មុខដោយក្រុមហ៊ុនធំបង្អស់នៅស្រុកខ្មែរ គឺក្រុមហ៊ុន ខ្មែរ ប៊ែវើរីជីស ហើយនឹងត្រូវចាក់ផ្សាយលើទូរទស្សន៍ CTN និងផេកផ្លូវការរបស់ Cambo Rapper, Cambodia Beer, Exprez និង Cambodia Water៕
គាំទ្រ ខ្មែរ ប៊ែវើរីជីស គាំទ្រផលិតផលក្នុងស្រុក លើកកម្ពស់វិស័យសិល្បៈនៅកម្ពុជា!

























Account
Security
Favourite Content