ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
ពាក្យថាស្នេហាគឺតម្រូវឱ្យមនុស្សពីរនាក់មានចិត្តស្រឡាញ់លើគ្នាទៅវិញទៅមក។ ប៉ុន្តែក៏នៅតែមានមនុស្សមួយចំនួនចូលចិត្តស្រឡាញ់គេម្នាក់ឯងទាំងដែលគេមិនបានមានចិត្តស្រឡាញ់យើងវិញសូម្បីបន្តិច។ តើប្រិយមិត្តមានឆ្ងល់ថាមានមូលហេតុអ្វីខ្លះទៅទើបធ្វើឱ្យមនុស្សយើងស្រឡាញ់គេតែម្ខាងបែបនេះ? ដូច្នេះថ្ងៃនេះ AMS នឹងនាំប្រិយមិត្តមកមើលពីហេតុផលដូចខាងក្រោម៖
១. ចង់ក្លាយជាគូអនាគតជាមួយគេ
មនុស្សជាច្រើនមានក្ដីសុបិនចង់ក្លាយជាគូអនាគតជាមួយអ្នកដែលយើងលួចស្រឡាញ់ ហើយពិតជាចង់ឱ្យវាក្លាយជាការពិតខ្លាំងណាស់។ មួយវិញទៀត យើងអាចនិយាយថាប្រសិនបើខ្លួនចេះវេទមន្តនឹងធ្វើឱ្យក្លាយជាការពិតភ្លាមៗតែម្ដង។ នៅពេលដែលជួបគេ យើងនឹងមានអារម្មណ៍ថាពេញលេញជាងពេលណាទាំងអស់។ ដូច្នេះហើយស្គាល់គ្នាកាន់តែយូរ កាន់តែចង់ឱ្យគេក្លាយជារបស់ខ្លួន។
២. ស្រឡាញ់ខ្លាំងដល់ថ្នាក់មើលរំលងគុណវិបត្តិ
នៅពេលធ្លាក់ក្នុងអន្លង់ស្នេហ៍អ្នកណាម្នាក់ហើយ នោះគេនឹងក្លាយជាមនុស្សពិសេសដែលអាចធ្វើឱ្យយើងមើលរំលងនូវគុណវិបត្តិតែម្ដង។ បើទោះបីជាម្នាក់នោះធ្លាប់ធ្វើឱ្យយើងសោកសៅក៏ដោយ ក៏យើងត្រៀមខ្លួនដើម្បីទទួល និងមើលរំលងរួចទៅហើយ។ ដូច្នេះក្នុងចិត្តក្នុងភ្នែកអ្នកដែលចូលចិត្តស្រឡាញ់គេម្នាក់ឯងគឺតែងតែមើលឃើញគេល្អរហូត។
៣. មានក្ដីសង្ឃឹមទៅលើស្នេហាមួយនេះ
អារម្មណ៍ដែលស្រឡាញ់គេតែម្ខាងគឺតែងតែលួចមានសង្ឃឹមទៅលើស្នេហាមួយនេះថានឹងមានផលតបស្នងមកវិញ។ បើទោះជាមានភាគរយដែលមិនអាចទៅរួចច្រើនយ៉ាងណា មកដល់ចំណុចនេះហើយវាពិតជាពិបាកនឹងត្រលប់ក្រោយខ្លាំងណាស់។ ដូច្នេះថ្វីត្បិតគេមិនបានខ្វល់ ឬមិនបានចាប់អារម្មណ៍លើយើងក៏ដោយ ក៏សុខចិត្តប្រាប់ខ្លួនថាអាចទ្រាំរស់នៅក្នុងសភាពបាន មិនអីទេ។
៤. ចង់ឈ្នះ
វាអាចជាការលំបាកដែលតស៊ូស្រឡាញ់មនុស្សម្នាក់ទាំងដែលគេមិនមានចិត្តលើយើងសូម្បីបន្តិច។ អារម្មណ៍បែបនេះមួយផ្នែកគឺជាក្ដីស្រឡាញ់ ហើយមួយផ្នែកទៀតគឺចិត្តចង់ឈ្នះរបស់យើងផ្ទាល់តែម្ដង។ ដូច្នេះការចង់យកឈ្នះលើអារម្មណ៍មនុស្សម្នាក់ឱ្យតបស្នងក្ដីស្រឡាញ់មិនវិញនេះហើយ ជាកត្តាជំរុញទឹកចិត្តឱ្យតស៊ូរហូតបានសម្រេច។
ការធ្លាក់ចូលក្នុងអន្លង់ស្នេហ៍របស់អ្នកណាម្នាក់ខ្លាំង ឬតិចមិនមែនជាកំហុសនោះទេ។ ប៉ុន្តែស្របពេលនេះក៏កុំបណ្ដោយឱ្យខ្លួនស្រឡាញ់ជ្រុលដល់ថ្នាក់ភ្លេចគិតពីអារម្មណ៍របស់ខ្លួនឯងផង។ បើមិនដូច្នោះយើងនឹងបាត់បង់គ្រប់យ៉ាងសូម្បីតែខ្លួនឯង៕
Account
Security
Favourite Content