ថ្មីៗនេះអ្នកប្រើប្រាស់បណ្ដាញសង្គមនៅក្នុងប្រទេសកម្ពុជា មានការចាប់អារម្មណ៍ជាខ្លាំង ទៅលើសម្រស់ដែនកោះតូចច្រម៉ក់របស់ខ្មែរមួយ នៅកណ្ដាលមហាសាគរដ៏ល្វឹងល្វើយ ក្បែរព្រំដែនថៃ កម្រមានទេសចរទូទៅធ្វើដំណើរទៅដល់ណាស់។

កោះតូចមួយនេះ ត្រូវបានគេស្គាល់ឈ្មោះថា កោះឆ្លាម ស្ថិតនៅឆ្ងាយពីកោះស្តេចប្រហែល ៣៥គីឡូម៉ែត្រ។ កោះឆ្លាមបានលាក់ខ្លួននៅដែនសមុទ្រខ្មែរ ដែលឆ្ងាយពីវត្តមានរបស់មនុស្ស។ លក្ខណៈពិសេសនៃកោះនេះគឺ ផ្គុំឡើងពីថ្មបន្តុបលើគ្នា ផ្ទៃទឹកជុំវិញកោះនេះមានសភាពថ្លា និងមានជីវចម្រុះរស់នៅដ៏សំបូរបែប ដែលជាចំណុចពិសេសសម្រាប់អ្នកចូលចិត្តមុជទឹកលេងកម្សាន្ត។

ជាទូទៅដែនកោះមួយនេះ កម្រមានអ្នកទេសចរធ្វើដំណើរទៅដល់ណាស់ ហើយការផ្សព្វផ្សាយក៏មិនសូវទូលំទូលាយប៉ុន្មានដែរ។ ភាគច្រើនអ្នកដែលបានទៅដល់កូនកោះមួយនេះ គឺជាអ្នកចូលចិត្តការផ្សងព្រេង ដូចជាទៅស្ទូចត្រី ទៅមុជទឹកមើលបាតសមុទ្រជាដើម។ តាមការនិយាយពីអ្នកដែលធ្លាប់បានទៅដល់ទីនោះ ប្រាប់ថា កោះឆ្លាម ជាជម្រកសត្វត្រីធំៗរស់នៅ ហើយអ្នកនិយមចូលចិត្តការស្ទូចត្រី គេអាចស្វែងរកទូកធំៗ ដើម្បីជួលទៅលេងកម្សាន្តនៅទីនោះ ដើម្បីស្ទូចត្រី និងងូតទឹកលេង មើលពិភពបាតសមុទ្រដ៏ស្រស់ស្អាតជាដើម ៕





























Account
Security
Favourite Content