ព្រឹកនេះនៅប្រាសាទអង្គរវត្តមានភ្ញៀវទេសចរមូរមីរដេរដាស ដោយរង់ចាំព្រឹត្តិការណ៍សមរាត្រីនៅប្រាសាទអង្គរវត្ត ឬ Equinox Angkor។ ទិដ្ឋភាពព្រះអាទិត្យរះចំកំពូលប្រាសាទអង្គរវត្តនាថ្ងៃនេះ មានរយៈពេលមិនច្រើនប៉ុន្មានឡើយ តែអាចឲ្យអ្នកទស្សនាហើយភ្លឹកស្មារតី ព្រោះជារឿងកម្របំផុត។

ព្រឹត្តិការណ៍សមរាត្រីតែងតែកើតឡើង ២ ដងក្នុងមួយឆ្នាំ គឺនៅរដូវប្រាំងចាប់ពីចន្លោះថ្ងៃទី ២០ រហូតដល់ថ្ងៃទី ២៣ ខែមីនា និងរដូវវស្សាចាប់ពីចន្លោះថ្ងៃទី ២០ រហូតដល់ថ្ងៃទី២៣ ខែកញ្ញា ហើយ សមរាត្រីគឺជាពេលវេលា ដែលថ្ងៃ និងយប់មានរយៈពេលស្ទើរតែស្មើគ្នា។
បាតុភូតព្រះអាទិត្យរះចំកណ្ដាលកំពូលប្រាសាទអង្គរ ស្ដែងឲ្យឃើញពីអច្ឆរិយភាពនៃផ្នែកតារាសាស្ត្រ និងសំណង់ ស្ថាបត្យកម្មបុរាណរបស់បុព្វបុរសខ្មែរ។ ជារៀងរាល់ពេលដែលមានព្រឹត្តិការណ៍សមរាត្រីមានភ្ញៀវទេសចរជាតិ និងអន្តរជាតិចូលរួមទស្សនា និងផ្តិតយករូបភាពដ៏អស្ចារ្យនោះ៕




ប្រភពរូបភាព៖ គឹម សុវណ្ណា


























Account
Security
Favourite Content