ព័ត៌មានកម្សាន្តប្លែកៗ
រសនិយម
តន្រ្តី
ភាពយន្ត
មាតិកាឌីជីថល
បើកសោជីវិត
ចង់ដឹងរឿងគេ
វនយាត្រា
Cicada Agent
ព្រះនាងកង្កែប
នេះជាលើកទី១២ ហើយដែលក្បួនដង្ហែតុក្កតាយក្ស នៅក្នុងក្រុងសៀមរាបត្រូវបានធ្វើឡើង ដោយមានប្រជាពលរដ្ឋខ្មែរ និងភ្ញៀវទេសចរអន្ដរជាតិជាច្រើនកុះករ បាននាំគ្នាចូលរួមអបអរ។ ក្បួនដង្ហែនេះត្រូវបានធ្វើឡើងដើម្បីលើកស្ទួយវិស័យសិល្ប: អប់រំ វប្បធម៌ បរិស្ថាន និងដើម្បីឱ្យភ្ញៀវទេសចរមានការចាប់អារម្មណ៍ពីវិស័យសិល្ប:នេះ។
ក្បួនដង្ហែតុក្កតាយក្ស បានចាប់ផ្ដើមពីម៉ោង៧ កាលពីរាត្រី នាថ្ងៃទី១១ ខែមីនា ឆ្នាំ២០២៣នេះ ដោយចេញដំណើរពីចំណុចមុខវត្ដដំណាក់ កាត់តាមបណ្ដោយផ្លូវដឹងស្ទឹងសៀមរាប និងផ្លូវសំខាន់ៗ មួយចំនួនទៀត ឆ្ពោះទៅកាន់សួនច្បារព្រះរាជដំណាក់ក្រុង ដើម្បីដាក់តាំងបង្ហាញឱ្យប្រជាពលរដ្ឋទស្សនាកម្សាន្ដ និងចូលរួមគាំទ្រដល់ស្នារដៃសិល្ប: និងបង្ហាញដល់ភ្ញៀវទេសចរទស្សនាកម្សាន្ត
ពិធីដង្ហែនេះដែរ មានអ្នកទេសចរជាតិ និងអន្ដរជាតិរាប់ពាន់នាក់ ចូលរួមដង្ហែ និងឈរអបអរតាមដងផ្លូវ អមដោយការប្រគុំតន្ដ្រី ការរាំច្រៀង និងសម្លេងហ៊ោរកញ្ច្រៀវកងរំពងផងដែរ នាពេលរាត្រីនោះ។ អ្នកចូលរួមបានសម្ដែងនូវមោទកភាព ដែលក្រុងសៀមរាប មានការបង្កើតនូវកម្មវិធីទាក់ទាញអ្នកទេសចរបែបនេះ ក្រោយពីអាក់ខានជាង ២ឆ្នាំ ដោយសារជំងឺកូវីដ-១៩។
ជាមួយគ្នានេះ តុក្កតាយក្សនេះ ពិតជាសិល្ប:កែឆ្នៃដ៏ល្អឥខ្ចោះរបស់អ្នករៀបចំព្រោះរូបតុក្កតានីមួយៗ រចនាឡើងបង្កប់នូវអត្ដន័យយ៉ាងជ្រាលជ្រៅសម្រាប់ប្រជាពលរដ្ឋខ្មែរ។
លោក អ៊ុន សាវ៉ាន់ អ្នករៀបចំកម្មវិធីកុក្កតាយក្សបានឱ្យដឹងថា តុក្កតាយក្សឆ្នំា ២០២៣ បានធ្វើឡើង ក្រោមប្រធានបទ ” ខ្មែរក្លាហាន ” បន្ទាប់ពីអាក់ខានដោយសារការរាតត្បាតជាសាកលនៃជំងឺកូវីដ-១៩ រយ:ពេលជាង ២ ឆ្នាំកន្លងមក។ ការបង្ហាញតុក្ដាយក្សនេះ ដើម្បីលើកស្ទួយនូវិស័យសិល្ប: វប្បធម៌ បរិស្ថាន និងស្ដារឡើងវិញនូវក្បួនដង្ហែតុក្កតាយក្ស សម្រាប់ឱ្យមានការទាក់ទាញភ្ញៀវទេសចរផងដែរ។
លោកបន្ដថា កុក្កតាយក្សនេះ មាន ៧ តួអង្គ ដែលរចនាឡើងដោយអង្គការក្នុងស្រុក និងក្រៅស្រុកជាង ១០ ស្ថាប័ន ដែលមានកុមារាកុមារី មកពីអង្គការ ព្រមទាំងសិស្សានុសិស្សនៅសាលាបឋមសិក្សា ក្នុងស្រុកចំនួន ២កន្លែងផងដែរ។ តុក្ដាយក្សមានតួអង្គ ៧តុក្ដាក្នុងនោះ មានតួអង្គ ៣សំខាន់ៗ រួមមានតួអង្គព្រះវេស្សន្ត បង្ហាញពីភាពធន់នឹងស្មារតីកម្ពុជា មេត្ដាករុណា តួអង្គអ្នកម្ដាយបង្ហាញពីការបីបាច់ថែរក្សាកូនៗ របស់ពួកគាត់ឱ្យរួចផុតពីការឆ្លងជំងឺកូវីដ-១៩ និងតួអង្គតុក្កតាកសិករ បង្ហាញពីការប្រកបរបរកសិកម្ម ការផ្ដល់នូវស្រូវអង្ករ ដល់ប្រជាពលរដ្ឋ ដែលមិនបានធ្វើស្រែចំការ និងមានរូបតុក្កតាសត្វត្រីកម្រ សត្វស្លាប និតំណាសត្វល្អិតផងដែរ ដែលបញ្ចាំងពីធាតុនៃបរិស្ថានសង្គម វប្បធម៌ និងធម្មជាតិ របស់ប្រទេសកម្ពុជាពីសត្វជិតផុតពូជ ។
លោកបន្ដឲ្យដឹងទៀតថា «គម្រោងនេះមានរយ:ពេលជាង ១២ឆ្នាំមកហើយ ដោយចាប់ផ្តើមនៅឆ្នាំ២០០៧ ដែលទទួលបានជោគជ័យ ក្នុងក្រុងសៀមរាប ប៉ុន្ដែត្រូវអាក់ខាន ២ឆ្នាំដោយសារជំងឺកូវីដ១៩»។លោកបញ្ជាក់ទៀតថាក្បួនដង្ហែ នៅតាមដងផ្លូវតែងមានហ្វូងមនុស្សយ៉ាងច្រើនកុះករនឹងត្រេកអរចំពោះកុមារ តន្រ្តីករ និងអ្នកសម្ដែងដែលជះពន្លឺភ្លើង នាពេលយប់ដោយភាពរីករាយផងដែរ៕
Account
Security
Favourite Content