បច្ចុប្បន្ន វណ្ណដា បានក្លាយជាតារាបានរ៉េបជួរមុខលំដាប់ប្រទេស ដែលមានអ្នកស្រលាញ់គាំទ្រច្រើនលើសលប់មិនថាជាក្មេងៗ ឬយុវវ័យ សុទ្ធតែទទួលស្គាល់ស្នាដៃចម្រៀងអ្នកកំលោះមកពីខេត្តព្រះសីហនុរូបនោះសឹងគ្រប់ៗគ្នា។

ថ្មីៗនេះដែរទស្សនាវដ្ដី Forbes លំដាប់ពិភពលោក បានបង្ហាញបញ្ជីឈ្មោះតារាក្រោមអាយុ ៣០ ឆ្នាំ ដែលមានឥទ្ធិពលនៅអាស៊ី ដោយក្នុងនោះមានទាំងវណ្ណដា ក្រុម K-pop NewJeans និង Le Sserafim តារាចម្រៀងសិង្ហបុរី Shye ព្រមទាំងបុគ្គលល្បីៗសរុប ៣០នាក់ទាំងផ្នែកកម្សាន្ត និងកីឡា។
ក្នុងអត្ថបទទាំងស្រុងរបស់ Forbes បានសរសេររៀបរាប់កោតសរសើរ ម្ចាស់បទ «កំលោះស្រុកខ្មែរ» ថា “ក្នុងប្រទេសកម្ពុជា ការរ៉េប ដែលរួមបញ្ចូល ភាសាអង់គ្លេស និងភាសាខ្មែរ របស់វណ្ណដា បានលើកតម្កើងសិល្បករខ្មែររូបនេះឲ្យមានភាពល្បីល្បាញក្នុងតំបន់។ រហូតបានចេញប្រគំតន្ត្រីក្នុងប្រទេសថៃ និងសិង្ហបុរី បន្ទាប់ពីបានចេញអាល់ប៊ុមSkull 2 (Season 1) កាលពីខែមិថុនា។ បទ «Time to Rise» ដែលមានលោក គង់ ណៃ ជាអ្នកឯកទេសផ្នែកភ្លេងបុរាណខ្មែរ និងជាតន្ត្រីករម្នាក់ក្នុងចំណោមតន្ត្រីករមួយចំនួន ដែលនៅរស់រានមានជីវិតពីរបបប្រល័យពូជសាសន៍ខ្មែរក្រហម មានអ្នកមើលជាង ១០០ លានដងនៅលើ Youtube។ បន្ទាប់ពីចុះកុងត្រាជាមួយផលិតកម្ម Baramey Production ក្នុងឆ្នាំ ២០១៩ វណ្ណដា បានបន្តសហការជាមួយតារារ៉េបថៃ OG Bobby និង F.HERO”។

ជោគជ័យថ្មីមួយទៀតសម្រាប់កំពូលតារាចម្រៀងប្រុសរូបនោះ គឺកាលពីថ្មីៗនេះ មានអ្នកចូលមើល ១ ០០០ លាន នៅលើ Channel ផ្ទាល់ខ្លួន វណ្ណដា ដែលមាន subscriber 3.95 M និងបន្តកើនឡើងបន្តបន្ទាប់ទៀត៕

























Account
Security
Favourite Content